Read tshwa Mitsengo 31 Bible Online

Mitsengo 31 - tshwa bible

Mitsengo 31

²Photela a vanana va ka Israeli ka vaMidiani, anzhako ka lezo u ta amukelwa ka va ka nwina.

³Zonake Mosi i lo byela a vanhu, aku: Xikari ka nwina vavanuna, hlomani matlhari mu maha a yimpi, mu huma muya hlasela Midiani, mu photela Jehova ka vaMidiani.

⁴Mu ta hlomisa a 1,000 wa vavanuna ka yinwe ni yinwani ya tixaka ta vanana va ka Israeli, mu ta va hlomisa tontlhe tinyangwa ta nwina.

⁵Zinghaho ku lo huma a 1,000 wa vavanuna ka nyangwa yinwe ni yinwani xikari ka matala ya ka Israeli; ku lo huma a 12,000 wa vavanuna va hlomileko kuya yimpini.

⁶Zinghaho Mosi i lo rumela yimpini zinwe na Finiasi a nʼwana wa mupristi Eliazare zinwe ni zibya zo basa, ni mimpunzu yo vuma.

⁷Va lolwa ni vaMidiani khwatsi hi lezi Jehova a leleteleko Mosi; va lo daya vontlhe vavanuna.

⁸Va lo daya ni tihosi ta vaMidiani, ku lo dawa Evi, na Rekemu, na Zura, na Hura, na Reba, ntlhanu wa tihosi ta vaMidiani; va lo daya kambe na Balaami a nʼwana wa Beori hi supado. [76]

⁹A vanana va ka Israeli va lo khoma tikhumbi ta vavasati ni vanana vabye xikari ka vaMidiani; va lo phanga ni zontlhe zifuyo zabye, ni mitlhambi yabye yontlhe, ni yontlhe tshomba yabye.

¹⁰Zonake va lo hisa yontlhe a miti yabye, ni mixaxa yabye yontlhe.

¹¹Va lo teka yontlhe a tshomba leyi va yi phangileko ni tikhumbi ni zifuyo.

¹²Zonake va lo neha ka Mosi ni ka mupristi Eliazare, ni ka wontihe tlhangano wa vanana wa ka Israeli, a tikhumbi ni lezi va zi kumileko, ni tshomba yontlhe, va zi neha le mixaxeni mikoveni ya le Moabi, kusuhani ni Jordani ni Jeriko.

¹³Mosi na mupristi Eliazare, ni tontlhe tihosana ta tlhangano, va lo huma va va khinga lahandle ka wugovelo.

¹⁴Zonake Mosi i lo zangarela a tinduna ta yimpi, ni tinduna ta makume mazana, ni tinduna ta mazana, leti ti wuyako hi le yimpini.

¹⁵Mosi i te ngalo kabye: Xana mu tsikile vontlhe vavasati va hanya ke?

¹⁶Languta, lava hi vona va nga maha lezaku a va ka Israeli va onha mahlweni ka Jehova hi xilayelo xa Balaami, va kala a vanana va ka Israeli va onha mahlweni ka Jehova hi makungo ya Peori, kala ku humelela a ntungu lomu tlhanganweni wa Jehova.

¹⁷Hikwalaho dayani vontlhe vafana xikari ka zihlangana, mu daya ni vontlhe vavasati lava va etleleko ni wanuna.

¹⁸Kanilezi a vanhanyana lava va nga tiviko ku etlela ni wanuna va tsikeni va hanya, va tava va nwina.

¹⁹Kasike nwina mu ta tshama lahandle ka wugovelo ntlhanu wa masiku ni mambiri; nwentlhe lava mu deleko vanhu, na nwina nwentlhe lava mu khumbileko xirumbi, mu ta ti basisa hi siku ga wunharu ni siku ga wuntlhanu ni mambiri, zinwe ni tikhumbi ta nwina leti mu khomileko.

²⁰Mu ta basisa tontlhe tinguwo ta nwina, ni zontlhe lezi zi mahilweko hi mabhebhe, ni zontlhe lezi zi mahilweko hi woya ga timbuti, ni zontlhe zibya zi mahilweko hi tisinya.

²¹Mupristi Eliazare aku ka vavanuna lava va nga wa yile yimpini: A nayo lowu Jehova a leleteleko Mosi hi lowu:

²²a nzalama ni siliva, ni suku, ni ziketse, ni malata, ni muthovu,

²³zontlhe lezi zi nga swiko hi nzilo, mu ta zi bawulela hi nzilo, zonake zi tava zi hlazekileko; ahembaloko zi ta basiswa hi mati ya kubasisa. Kasike lezi zi swako hi nzilo mu ta zi peta lomu matini.

²⁴Nwina mu ta hlaza a tinguwo ta nwina hi siku ga wuntlhanu ni mambiri, zonake mu tava mi hlazekile, anzhako ka lezo mu ta wuya mu ta enghena lomu wugovelweni.

²⁵Jehova i te ngalo ka Mosi:

²⁶Hlaya a tsengo wa lezi zi phangilweko, a vanhu ni zifuyo, u zi hlaya zinwe na mupristi Eliazare, ni tihosana ta ntlhangano.

²⁷Zonake u ta avanyisa lezi zi phangilweko xikari ka lava va nga wa hlomile vaya yimpini, ni xikari ka tlhangano wontihe.

²⁸U ta pambulela Jehova a hlengo wakwe xikari ka lava va nga yile yimpini a hloko kada 500 wa vanhu, kutani tihomu ni timbongola ni tiyivu.

²⁹Mu ta zi pambula a ka khihlanya ga lezi va zi kumileko, mu nyika mupristi Eliazare, kasi wuva munyikelo wa ku nziwitela wa Jehova.

³⁰Ka ziavelo za vanana va ka Israeli mu ta teka a hloko yinwe kada 50, lomu ka vanhu, ni ka tihomu, ni ka tiyivu, ni ka timbongola, zontlhe lezi zi hanyako mu ta zi nyika va ka Levi lava va hlayisako a tabemakeli ga Jehova.

³¹Mosi na Eliazare va lo maha kota lezi Jehova a leleteleko Mosi.

³²Makunu lezi zi nga wa sele ka lezi zi nga wa phangilwe hi vavanuna va yimpi, ku wa hi 675,000 wa tiyivu,

³³ni 72,000 wa tihomu,

³⁴ni 61,000 wa timbongola;

³⁵ni vanhu va 32,000 va nga vavasati lava va nga tivangiko wanuna.

³⁶A khihlanya ga zona ku wa hi xiavelo xa lava va nga wa yile yimpini. Zi wa hi 337,500 wa tiyivu,

³⁷ni za munyikelo wa Jehova ku wa hi 675 wa tiyivu.

³⁸A khihlanya ga tihomu ku wa hi 36,000 wa tona, ni ta munyikelo wa Jehova ku wa hi 72 wa tona.

³⁹Ni khihlanya ga timbongola ku wa hi 30,500 wa tona, ni ta munyikelo wa Jehova ku wa hi 61 wa tona.

⁴⁰A khihlanya ga vanhu va wa hi 16,000 wa vona, ni va munyikelo wa Jehova va wa hi 32 wa vona.

⁴¹Zonake Mosi i lo nyikela ka mupristi Eliazare a munyikelo lowu wu lumbako Jehova, khwatsi hi lezi Jehova a leleteleko Mosi.

⁴²Kasike a khihlanya ga lezi zi avelweko a vanana va ka Israeli, loku Mosi a avele a vavanuna lava va nga wa yile yimpini,

⁴³a ziavelo za tlhangano ku wa hi 337,500 wa tiyivu;

⁴⁴ni 36,000 wa tihomu;

⁴⁵ni 30,500 wa timbongola;

⁴⁶ni 16,000 wa vanhu.

⁴⁷A ka khihlanya ga lezi za vanana va ka Israeli, Mosi i lo teka a xilo xinwe kada 50, lomu ka vanhu ni ka zifuyo, a nyikela ka vaLevi lava va hlayisako a tabemakeli ga Jehova, kota lezi Jehova a leleteleko Mosi.

⁴⁸Zonake ku lo tshinela ka Mosi a tinduna ta matala ya yimpi, ni tinduna ta 1,000, ni tinduna ta 100, ti ta ku ngalo:

⁴⁹Hina malanza ya wena hi hlayile vanhu va hina lava va nga wa hi hasi ka hina, a hi vumalangi ni munhu munwe xikari ka hina.

⁵⁰Zonake hina ha neha a munyikelo wa Jehova, munwe ni munwani wa hina kota lezi a zi kumileko, a za nzalama ni tiketani, ni masinza, ni zingwavila, ni tiphera ta tindleve ni maniya, a ku ta maha ha zona a nzhiho mahlweni ka Jehova.

⁵¹Mosi na mupristi Eliazare va lo amukela a nzalama yabye yontlhe ya zilo zo saseka.

⁵²A nzalama yontlhe leyi va nyikeleko ka Jehova a kuva munyikelo wa Jehova yi wa hi 16,750 wa maxekeli, lezi zi humesilweko hi tinduna ta 1,000, ni tinduna ta 100.

⁵³A vavanuna va yimpi, loyi ni loyi i wa ti hlayisele wutsumbu gakwe lezi a zi phangileko.

⁵⁴Zinghaho Mosi na mupristi Eliazare va lo teka lomu a nzalama ya tinduna ta 1,000 ni ya tinduna ta 100, va yi neha ka tenda ga mutlhangano, a kuva xialakanyiso xa vanana va ka Israeli mahlweni ka Jehova.