Read tshwa Mitsengo 33 Bible Online

Mitsengo 33 - tshwa bible

Mitsengo 33

¹Laya hi magovela ya vanana va ka Israeli lava va humileko hi le tikweni ga Gipite, hi mitlhawa yabye, na va rangelwa hi Mosi na Aroni.

²Mosi i lo tsala hi kusuka kabye ni magovela yabye, kota kuleletela ka Jehova; makunu leyi hi mipfhuka ni masukela ya kona.

³Va lo suka hi le Ramesesi hi hweti yo ranga hi siku ga 15 ga hweti. Hi siku gi gamelako ga Pasika, a vanana va ka Israeli va lo huma hi ntamu wa hombe kuwoneni ka vanhu vontlhe va le Gipite. [79]

⁴A vaGipite va wa kari va lahla lava Jehova a nga va daya xikari kabye, ma nga wona matewula yabye wontihe, hakuva Jehova i lo tshanza nongameto xikari ka vanungungulu vabye.

⁵Zonake a vanana va ka Israeli va lo suka hi le Ramesesi va ya gova le Sukote.

⁶Va lo suka hi le Sukote va ya gova le Etama, legi gi nga le mbhinganweni wa xiwula.

⁷Va lo suka hi le Etama va tlhela vaya le Pi-Hahirote, ngomama ni Baal-Zifana, va ya gova kusuhani ni Migdola.

⁸Va lo suka mahlweni ka Hahirote va tsemakanya hi laha xikari ka bimbi, va enghena xiwuleni, va famba masiku manharu lomu xiwuleni xa Etama, va ya gova le Mara. [80]

⁹Va lo suka hi le Mara va ya chikela le Elima; le Elima ku wa hi ni 12 wa tihlowo; ni 70 wa micinzu; zonake va lo gova laho.

¹⁰Va lo suka hi le Elima va ya gova hi le kusuhani ni Bimbi go Pswhuka;

¹¹va lo suka hi le Bimbini go Pswhuka va ya gova xiwuleni xa Sina;

¹²va lo suka hi le xiwuleni xa Sina va ya gova Dofka;

¹³va lo suka hi le Dofka va ya gova le Aluxa;

¹⁴va lo suka hi le Aluxa va ya gova le Refidima. Laho ku wa hi hava mati ya kunwa vanhu;

¹⁵va lo suka hi le Refidima va ya gova xiwuleni xa Sinai.

¹⁶Va lo suka xiwuleni xa Sinai va ya gova le Kibrote-hatava;

¹⁷va lo suka hi le Kibrote-hatava va ya gova le Hazerote;

¹⁸va lo suka hi le Hazerote va ya gova le Ritma;

¹⁹va lo suka hi le Ritma va ya gova le Rimonpereza.

²⁰Va lo suka hi le Rimonpereza va ya gova le Libna;

²¹va lo suka hi le Libna va ya gova le Risa;

²²va lo suka hi le Risa va ya gova Kehelata;

²³va lo suka hi le Kehelata va ya gova le xitsungeni xa Xefera;

²⁴va lo suka hi le xiwuleni xa Xefera va ya gova le Harada;

²⁵va lo suka hi le Harada va ya gova le Makhelote;

²⁶va lo suka hi le Makhelote va ya gova le Tahate;

²⁷va lo suka hi le Tahate va ya gova le Tera;

²⁸va lo suka hi le Tera va ya gova le Mitka;

²⁹va lo suka hi le Mitka va ya gova le Haxmona;

³⁰va lo suka hi le Haxmona va ya gova le Moserote;

³¹va lo suka hi le Moserote va ya gova le Benejakani;

³²va lo suka hi le Benejakani va ya gova le Harhagidgade;

³³va lo suka hi le Harhagidgade va ya gova le Jotbatha;

³⁴va lo suka hi le Jotbatha va ya gova le Abrona;

³⁵va lo suka hi le Abrona va ya gova le Eziongebera;

³⁶va lo suka hi le Eziongebera va ya gova le xiwuleni Xa Zini (le Kadexe);

³⁷va lo suka hi le Kadexe va ya gova le xitsungeni xa Horahi le mbhinganweni wa va ka Edomi.

³⁸Zonake laho mupristi Aroni i lo kanziha xitsungeni xa Hora, kotisa kuleletela ka Jehova, a ya fela leyo, hi lembe ga 40 ga kuhuma ka vanana va ka Israeli hi le tikweni ga Gipite, lomu ka hweti ya wuntlhanu, ka siku go sangula ga hweti. Deut. 10:6

³⁹Aroni i wa hi ni 123 wa malembe xikhati lexo a nga yafa le xitsungeni xa Hora.

⁴⁰Makunu Arade a hosi ya maKanani, loyi a nga wa akile hi le Dzongeni ga tiko ga Kanani, i lozwa lezaku a vanana va ka Israeli vata.

⁴¹Zonake va lo suka hi le xitsungeni xa Hora va ya gova le Zalmona.

⁴²Va lo suka hi le Zalmona va ya gova le Punona;

⁴³va lo suka hi le Punona va ya gova le Obate;

⁴⁴va lo suka hi le Obate, le rumbini ga Abarima, hi le mbhinganwini wa va ka Moabi;

⁴⁵va lo suka hi le rumbini ga Abarima va ya gova le Diboni-Gadi;

⁴⁶va lo suka hi le Diboni-Gadi va ya gova le Almon-Diblathaime;

⁴⁷va lo suka hi le Almon-Diblathaime va ya gova le zitsungeni za Abarima ngomama na Nebo.

⁴⁸Va lo suka zitsungeni za Abarima va ya gova le koveni wa le Moabi kusuhani na Jordani na Jeriko;

⁴⁹va lo gova kusuhani na Jordani kusukela le Bet-Jeximote kala le Abel-Xitamu hi le mikoveni ya le Moabi.

⁵⁰Zonake Jehova i lo wulawula ka Mosi ie mikoveni ya le Moabi, kusuhani ni le Jordani na Jeriko, aku:

⁵¹Byela a vanana va ka Israeli uku: Loku mu tlhatuka a Jordani mu enghena tikweni ga Kanani,

⁵²mu ta hlongola vontlhe vaaki va tiko mahlweni ka nwina, mu hangalasela zontlhe zifananiso zabye, mu lovisa zontlhe zifananiso zabye zi nyekisilweko; mu khungumulela wontihe matshamu yabye ma tlakukileko. [81]

⁵³Mu ta teka a tiko mu aka ka gona, hakuva mina nzi mu nyikile a tiko lego a kuva tshomba ya nwina.

⁵⁴Nwina mu ta avela a tiko hi ku hlahluveta hi tinyangwa ta nwina; ka lava vo tala mu ta va nyika a tshomba ya hombe; mu nyika a tshomba yi tsongwani ka lava va nga va tsongwani. Loyi ni loyi i ta kuma a xiavelo xakwe hi ku komba ka tihlolo; mu ta amukela a tshomba ya nwina hi tinyangwa ta vararu va nwina.

⁵⁵Kanilezi loku mu nga hlongoli vaaki va tiko mahlweni ka nwina, mu va tsika va tshama xikari ka nwina, vona va ta kota mizwa mahlweni ya nwina, va ku khwatsi mitlonga mareveni ya nwina, va mu karata ka tiko legi mu ta nga aka ka gona. [82]

⁵⁶Zonake nzi ta tlhela nzi maha ka nwina lezi nzi nga wa lava ku maha ka vona.