Read tshwa Mitsengo 7 Bible Online

Mitsengo 7 - tshwa bible

Mitsengo 7

¹Ku te hi siku lego Mosi a mbhelileko a ku yimisa a tabemakeli, ni ku gi tota, ni ku gi basisa, zinwe ni zontlhe zibya za gona, a yimisa ni ganzelo ni zibya za gona, a gi tota ni ku basisa, [15]

²ku lo humeswa miphahlo hi tihosana ta ka Israeli, ti nga tona tihosana ta tiyindlu ta vararu vabye, leti ti fumelako a tinyangwa tabye, ti nga tona ti vunileko ku hlaya vanhu,

³va lo nyikela minyikelo yabye mahlweni ka Jehova: ntlhanu wa tikareta ni yinwe leti ti fenengetilweko ni 12 wa tihomu; a kareta yinwe yi wa hi ya tihosana timbiri, ni homu yinwe ka hosana yinwe ni yinwani; va lo zi nyikela mahlweni ka tabemakeli.

⁴Zonake Jehova i lo byela Mosi, aku:

⁵Zi amukele, zi ta vuna ku tira a ntiro wa tenda ga mutlhangano; u ta zi nyikela ka vaLevi, u ta nyika munwe ni munwani kota ntiro wakwe.

⁶Zinghaho Mosi i lo teka a tikareta ni tihomu, a nyika vaLevi.

⁷I lo nyikela tikareta timbiri ni mune wa tihomu ka vanana va ka Gerxoni, kota laha ti ringanako ha kona ntirweni wabye;

⁸ni mune wa tikareta ni ntlhanu wa tihomu ni tinharu i lo zi nyikela ka vanana va ka Merari kota laha zi ringanako ha kona ntirweni wabye, lowu va nga rangelwa ka wona hi Itamari a nʼwana wa mupristi Aroni.

⁹Kasike a vanana va ka Kohati, a va nyikwangi nchumu, hakuva a ntiro wabye wu wa hi ku rwala a zibya zo basa makatleni yabye.

¹⁰Ni tihosana ti lo nyikela minyikelo yabye ya ku nyikelisisa a ganzelo, ka siku lego va gi totako: a tihosana ti lota mahlweni ka ganzelo ni minyikelo yabye.

¹¹Zonake Jehova a ku ngalo ka Mosi: A tihosana a ti nyikele minyikelo yabye ya ku nyikelisisa a ganzelo, loyi ni loyi a nyikela hi siku gakwe.

¹²Loyi a nga nyikela a munyikelo wakwe hi siku ga kusangula hi Naxoni a nʼwana wa Aminadaba, wa lixaka la ka Juda.

¹³A munyikelo wakwe ku wa hi ngelo wa siliva; a kubinza ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; yontlhe mingelo ya yimbiri yi wa tele hi mapa yo saseka laya ma vuvilweko hi ma, fura, kasi ku maha munyikelo wa zakuga.

¹⁴Ni nguwana yinwe ya nzalama wa khume ga maxekeli, loyi yi teleko hi libani;

¹⁵ni nkuzana ni hamba, ni yivana ya lembe ginwe a wukale ya munyikelo wa kuhiswa,

¹⁶ni mhongo yinwe ya munyikelo wa kuonha;

¹⁷ni za muphahlelo wa kubonga tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Naxoni a nʼwana wa Aminadaba.

¹⁸Hi siku ga wumbiri ku lo nyikela Netaneli a nʼwana wa Zuari, a hosana ya lixaka la ka Isakari, yena i lo neha a munyikelo wakwe.

¹⁹I lo nyikela a munyikelo wakwe hi ngelo wa siliva, a kutika ka wona ku wa hi 130 wa maxekeli, ni mukhelo munwe wa siliva wa 70 wa maxekeli, hi xekeli ga wutshamu ga kubasa; yontlhe mingelo leyi yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;

²⁰ni nguwana yinwe ya nzalama wa khume ga maxekeli, na yi tele hi libani;

²¹ni nkuzana ni hamba, ni yivana ya lembe ginwe a wukale, a ku maha muphahlelo wa kuhiswa,

²²ni mhongo ya muphahlelo wa kuonha;

²³ni za munyikelo wa kubonga tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihamba ta lembe ginwe a wukale. Lowu wu wa hi munyikelo wa Netaneli a nʼwana wa Zuari.

²⁴Hi siku ga wunharu ku lo nyikela Eliabe a nʼwana wa Heloni, a hosana ya lixaka la ka Zebuloni.

²⁵A munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa 70 wa maxekeli, hi xekeli ga wutshamu ga kubasa; a mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.

²⁶Ni nguwana yinwe ya nzalama wa khume ga maxekeli, na yi tele hi libani;

²⁷ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa,

²⁸ni mhongo ya muphahlelo wa kuonha;

²⁹ni za munyikelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Eliabe a nʼwana wa Heloni.

³⁰Hi siku ga wumune ku lo nyikela Eliazuri a nʼwana wa Xedura, a hosana ya vanana va ka Rubeni.

³¹A munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; a mingelo leyo yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;

³²ni nguwana yinwe ya nzalama wa khume ga maxekeli, na yi tele hi libani.

³³Ni nkuzana, ni hamba, ni hambana ya lembe ginwe a wukale, a kuva ya munyikelo wa kuhiswa.

³⁴Ni mhongo yinwe ya munyikelo wa kuonha;

³⁵ni za munyikelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Eliazuri a nʼwana wa Xedura.

³⁶Hi siku ga wuntlhanu ku lo nyikela Xelumieli a nʼwana wa Zurixadayi, a hosana ya vanana va ka Simeoni.

³⁷A munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; a mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.

³⁸Ni nguwana yinwe ya nzalama wa khume ga maxekeli, na yi tele hi libani.

³⁹Ni nkuzana ni hamba, ni hambana ya lembe ginwe a wukale, a kuva munyikelo wa kuhiswa.

⁴⁰Ni mhongo ya muphahlelo wa kuonha;

⁴¹ni za munyikelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale. Lowu wu wa hi munyikelo wa Xelumieli a nʼwana wa Zuruxidayi.

⁴²Hi siku ga wuntlhanu ni ginwe ku lo nyikela Eliasafa a nʼwana wa Deueli, a hosana ya vanana va ka Gadi.

⁴³Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, mukhelo wa siliva wa 70 wa maxekeli, hi xekeli ga wutshamu ga kubasa, ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga.

⁴⁴Ni nguwana ya nzalama ya khume ga maxekeli, na yi tele hi libani.

⁴⁵Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;

⁴⁶ni mhongo ya muphahlelo wa kuonha;

⁴⁷ni za muphahlelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni tlhanu wa tihambana ta lembe ginwe a wukale. Lowu wu wa hi munyikelo wa Eliasafa a nʼwana wa Deueli.

⁴⁸Hi siku ga wuntlhanu ni mambiri, ku lo nyikela Elixama a nʼwana wa Amihudi, a hosana ya vanana va ka Efraime.

⁴⁹Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga:

⁵⁰ni nguwana ya nzalama ya khume ga maxekeli, na yi tele hi libani.

⁵¹Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa.

⁵²Ni mhongo ya muphahlelo wa kuonha;

⁵³ni za muphahlelo wa kubonga, tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tihambana ta lembe ginwe a wukale, Lowu wu wa hi munyikelo wa Elixama a nʼwana wa Amihudi.

⁵⁴Hi siku ga wuntlhanu ni manharu, ku lo nyikela Gamalieli a nʼwana wa Pedazura, a hosana ya vanana va ka Manase.

⁵⁵Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, kasi ku maha munyikelo wa zakuga;

⁵⁶ni nguwana ya nzalama ya khume ga maxekeli, na yi tele hi libani.

⁵⁷Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;

⁵⁸ni mhongo ya munyikelo wa kuonha.

⁵⁹Ni za munyikelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Gamalieli a nʼwana wa Pedazura.

⁶⁰Hi siku ga wuntlhanu ni mune, ku lo nyikela Abidani a nʼwana wa Gideoni, a hosana ya vanana va ka Benjamini.

⁶¹Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;

⁶²ni nguwana ya nzalama ya khume ga maxekeli, na yi tele hi libani.

⁶³Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;

⁶⁴ni mhongo ya muphahlelo wa kuonha.

⁶⁵Ni za muphahlelo wa kubonga tinkuzi timbiri, ni ntlhanu wa tihamba, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Abidani, a nʼwana wa Gideoni.

⁶⁶Hi siku ga wukhume ku lo nyikela Ahiezere a nʼwana wa Amixadayi, a hosana ya vanana va ka Dani.

⁶⁷Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;

⁶⁸ni nguwana ya nzalama wa khume ga maxekeli, na yi tele hi libani.

⁶⁹Ni nkuzana, ni hamba, ni hambana ya lembe ginwe a wukale, a kuva ya munyikelo wa kuhiswa;

⁷⁰ni mhongo ya muphahlelo wa kuonha.

⁷¹Ni za muphahlelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Ahiezere a nʼwana wa Amixadayi.

⁷²Hi siku ga wu 11, ku lo nyikela Pagieli a nʼwana wa Okrani, a hosana ya vanana va ka Axeri.

⁷³Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;

⁷⁴ni nguwana ya nzalama ya khume ga maxekeli, na yi tele hi libani.

⁷⁵Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa;

⁷⁶ni mhongo ya muphahlelo wa kuonha;

⁷⁷ni za muphahlelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Pagieli a nʼwana wa Okrani.

⁷⁸Hi siku ga wu 12, ku lo nyikela Ahira a nʼwana wa Enani, a hosana ya vanana va ka Naftali.

⁷⁹Ni munyikelo wakwe ku wa hi ngelo wa siliva, a kutika ka wona ku wa hi 130 wa maxekeli, ni mukhelo wa siliva wa 70 wa maxekeli, hi xekeli ga wutshamu ga kubasa; ni mingelo leyo ya yimbiri yi wa tele hi mapa yo saseka, ma vuvilweko hi mafura, a kuva munyikelo wa zakuga;

⁸⁰ni nguwana ya nzalama ya khume ga maxekeli, na yi tele hi libani.

⁸¹Ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa.

⁸²Ni mhongo ya muphahlelo wa kuonha;

⁸³ni za muphahlelo wa kubonga, tinkuzi timbiri, ni ntlhanu wa tiyivu, ni ntlhanu wa timhongo, ni ntlhanu wa tiyivana ta lembe ginwe a wukale. Lowu wu wa hi munyikelo wa Ahira nʼwana Enani.

⁸⁴Leyi yi wa hi minyikelo ya tihosana ta ka Israeli ya ku nyikelisisa a alati, a siku lego gi nga totiwa: 12 wa mingelo ya siliva, ni 12 wa mikhelo ya siliva, ni 12 wa tiguwana ta nzalama;

⁸⁵a ngelo munwe ni munwani wu wa hi siliva, ni kutika ka wona hi 130 wa maxekeli, ni mukhelo munwe ni munwani wu wa hi siliva, ni kutika ka wona hi 70 wa maxekeli; zontlhe zibya lezi za siliva zi wa tika 2,400 wa maxekeli, hi xekeli ga wutshamu ga kubasa.

⁸⁶A tiguwana leti ta 12, leti ti nga wa tele hi libani, ti wa hi ta nzalama, ni kutika ka nguwana yinwe ni yinwani ku wa hi 10 wa maxekeli, hi xekeli ga wutshamu ga kubasa; a kutika ka tiguwana tontlhe ku wa hi 120 wa maxekeli.

⁸⁷A tsengo wa zifuyo za munyikelo wa kuhiswa ku wa hi 12 wa tinkuzi, ni 12 wa tihamba, ni 12 wa tiyivana ta lembe ginwe a wukale, ni munyikelo wa zakuga, ni 12 wa timhongo ta muphahlelo wa kuonha.

⁸⁸A tsengo wa zontlhe zifuyo za muphahlelo wa kubonga zi wa hi 24 wa tinkuzi, ni 60 wa tihamba, ni 60 wa timhongo, ni 60 wa tiyivana ta lembe ginwe a wukale. Lowu wu wa hi munyikelo wa ku nyikelisisa a alati anzhako ka kuva va gi totile.

⁸⁹Ku waku loku Mosi a enghena lomu ka tenda ga mutlhangano a ku ya wulawula na Nungungulu, azwa a gezu na gi wulawula naye, na gi zwala hi le xitshanwini xa wuxinji, lexi xi nga hehla ka arke ga xivumelwano, hi lomu xikari ka makerubima mambiri; zinghaho Jehova i lo wulawula naye.