Read tshwa Zakaria 10 Bible Online

Zakaria 10 - tshwa bible

Zakaria 10

¹Kombelani vula ka Jehova xikhatini xa vula ya xirimo! Hi Jehova a rumako zingwalangwanza, i ta va nyika a tivula ta hombe, a nyika ka munwe ni munwani a mihanzu lomu sinwini gakwe.

²Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. [15]

³A zanga ya mina yi vindlukele a varisi, nzi ta tsayisa a timhongo; hakuva Jehova wa tiyimpi i ta enzela a ntlhambi wakwe yi nga yindlu ya ka Juda, i ta yi maha a haxi gakwe ga ginene le yimpini.

⁴Hi ka yena ku ta huma a ribye ga magumo, ku ta huma hi ka yena a phanze, hi ka yena ku ta huma a wura ga yimpi, hi ka yena ku ta huma a vafumeli vontlhe khatiginwe.

⁵Va ta fanana ni tinhenha leti ti kanzihelelako a valala va tona lomu nzhopeni ya ndlela le yimpini. Va talwa, hakuva Jehova i zinwe na vona; a vakhileli va mahaxi va tawa tingana.

⁶Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

⁷A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

⁸Nzi ta va swiyota, nzi tlhela nzi va tsombanyisa, hakuva nzi va tirule; va ta enzeleka va tala kota kale.

⁹Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

¹⁰Nzi ta va tlhelisa va huma tikweni ga Gipite, nzi va tsombanyisa va huma tikweni ga Assiria; nzi va yisa tikweni ga Gileade ni le Lebanoni, ni wutshamu gi ta tlhela gi nga va ringani.

¹¹Yena i ta tsemakanya a bimbi ga kuxaniseka, aba a mabyandlati ya bimbi, yontlhe milonga yo eta ya Nilo yi tapswha. A matshanza ya Assiria ma ta mbhela, a nhonga ya wuhosi ya Gipite yi susiwa,

¹²Nzi ta va tiyiseta a ka Jehova, va ta fambafamba vitweni gakwe, ku wula Jehova.