Read tshwa Zakaria 13 Bible Online

Zakaria 13 - tshwa bible

Zakaria 13

¹Hi siku lego a yindlu ya ka Davida ni vaaki va Jerusalema va ta mahelwa a hlowo, kasi ku hlaza kuonha ni zivi.

²Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. [20]

³Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

⁴Hi siku lego munwe ni munwani wa vaprofeti i tawa tingana hi miwoniso yakwe a xikhati a profetako; ge a nga ta ambala a nguwo ya woya kasi ku khohlisa. [21]

⁵Kanilezi i taku: Mina a nzi muprofeti, nzi murimi wa misava; hakuva na nza hi muswa nzi lo xabyiwa nzi maha khumbi.

⁶Loku munwani aku kakwe: Timbanga ta yini a mirini wa wena ke? Zonake yena i taku: Nzi lo bayisiwa lomu ndlwini ya vanghana va mina.

⁷Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. [22]

⁸Lomu tikweni gontlhe, ku wula Jehova, a xipanze zimbiri za vanhu va kona zi tafa, ku sala a xipanze xa wunharu.

⁹A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. [23]