Read tshwa Zakaria 7 Bible Online

Zakaria 7 - tshwa bible

Zakaria 7

¹Hi lembe ga wumune ga kufuma ka hesi Dariusi, a mhaka ya Jehova yi lota ka Zakaria hi siku ga wumune ga hweti ya wuntlhanu ni mune le Chislevi.

²Makunu a va le Beteli va Wa rumile Xarezera na Regem-meleki ni vavanuna vabye a ku ya khongela ka Jehova,

³a kuya wutisa a vapristi va yindlu ya Jehova wa tiyimpi ni vaprofeti, vaku: Xana ha ha ta rila hi yila hi hweti ya wuntlhanu, khwatsi hilezi hi zi mahileko hi malembe loya ya kutala ke?

⁴Zonake a mhaka ya Jehova wa tiyimpi yi lota ka mina, yiku:

⁵Byela vanhu vontlhe va tiko ni vapristi, uku: Laha mu nga yila mu maha hlomulo hi hweti ya wuntlhanu ni ya wuntlhanu ni timbiri xikari ka 70 wa malembe, mu wa zi mahela mina ke?

⁶Loku muga, munwa, a mu geli ni ku nwela a wutsumbu ga nwina ke?

⁷Kasi a mu tivi a timhaka leti Jehova a nga ti wulawula hi vaprofeti va kale, a xikhatini lexi a vaaki va Jerusalema va nga vuvuma zinwe ni miti leyi yi gi ranzeleko, a tlhelo ga Dzonga ni le mikoveni na ka ha akilwe ke?

⁸A mhaka ya Jehova yi lota ka Zakaria, yiku:

⁹Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

¹⁰Mu nga tsimbeketi a tinoni, ni lava va nga hiko na vabeleki, ni valuveli, ni zisiwana. A mbilu ya munwe ni munwani wa nwina ngha yi nga hi na xikungo xo vukela nakulobye.

¹¹Kanilezi va lo ala ku ingisa, va tshukwama makatla, va vala tindleve tabye, aku kasi va ngazwi.

¹²Va lo nonohisa timbilu tabye tiku khwatsi i daimani, lezaku va ngazwi a nayo ni timhaka leti Jehova wa, tiyimpi a nga ti rumele hi Moya wakwe hi nomu wa vaprofeti va kale; hikwalaho ku lo huma a zanga ya hombe hi ka Jehova wa tiyimpi.

¹³Khwatsi hilezi va nga kala ku ingisa laha a nga vitana, hizalezo nzi nga ta ingisa loku va vitana, ku wula Jehova wa tiyimpi;

¹⁴kanilezi nzi ta va hangalasa hi xipupuri xikari ka matiko wontlhe va nga ma tiviko, a tiko gi sala gi hi marumbi anzhako kabye, ku nga hi na munhu a hunzako hi ka gona, hambu ku tlhelela ka gona; hakuva va hunzule a tiko gi nene gi maha marumbi.