Read tshwa Mateu 11 Bible Online

Mateu 11 - tshwa bible

Mateu 11

¹Laha Jesu na gumesile ku leletela vapizani vakwe va khume ni vambiri, i lo suka laho a ya gonzisa ni ku kanela mitini yabye.

²Laha Johani na zwile le paxweni hi mitiro ya Kristu, i lo mu rumela xiwutiso hi vapizani vakwe, [176]

³aku ngalo kakwe: Hi wena loyi a tako ke, kutani ha ha langutela munwani? [177]

⁴Jesu i lo hlamula, aku kabye: Fambani mu ya hlawutela Johani lezi mu zi zwako ni lezi mu zi wonako:

⁵a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. [178]

⁶I katekile loyi a nga khunguvanyekiko hi kota ya mina. [179]

⁷Kota lezi va nga fambile, Jesu i lo sangula ku wulawula ka zidlemo ha Johani, aku: Mu lo huma muya xiwuleni a ku ya wona yini? A lihlanga li ninginizwako hi moya ke? [180]

⁸Kanilezi mu waya a ku ya wona yini? A munhu a nga ambele a tinguwo to saseka ke? Langutani, lava ve ambalako a tinguwo to saseka va lomu tindlwini ta tihosi.

⁹Kanilezi mu lo huma mu ya wona yini? A ku ya wona muprofeti ke? Ina, nziku ka nwina, ni ku hunza nguvu a muprofeti. [181]

¹⁰Hi yena loyi ku tsalilweko ha yena ku ngalo: Languta nza ruma a ntsumi wa mina mahlweni ka wena, Wu ta nga ku longisela a ndlela mahlweni ka wena. [182]

¹¹Hizinene nziku ka nwina: Xikari ka lava va belekilweko hi vavasati, a ku humangi wa hombe ku hunza Johani Mubapatizi; hambu lezo loyi a nga tsongwanyani mufunweni wa tilo ngwa hombe ku hunza yena.

¹²Ku sukela masikwini ya Johani Mubapatizi ku kala makunu a mufumo wa tilo wu engheniwa hi ntamu, wu wutliwa hi lava va nga ni ntamu. [183]

¹³Hakuva a vaprofeti vontlhe ni nayo va lo profeta kala kuta Johani.

¹⁴Kutani mu ta vumela ku kholwa, ahati, kanilezi loyi hi yena Elija, loyi va ngaku i tata. [184]

¹⁵Loyi a nga ni tindleve ta kuzwa, ngha a ingisa.

¹⁶Kanilezi a xizukulwana lexi nzi ta xi fananisa ni yini? Xi fanana ni vanana va tshamileko wutshanwini go xavisa, va nge ngalo ka vanghana vabye: [185]

¹⁷Hi mu bele tinanga, kanilezi a mu kinangi; hi hlalukile, kanilezi a mu mahangi hlomulo.

¹⁸Hakuva Johani i lota a ngagi a nganwi, vaku: I na ni dimoni.

¹⁹A Nʼwana wa munhu i lota, waga, wonwa, ve ngalo: Langutani munhu wa kulonzola, xidakwa, munghana wa vahlengisi ni vaonhi! Kanilezi a wutlhari gi kombisile a kululama ka gona hi mitiro ya gona. [186]

²⁰Zonake i lo sangula ku sola a miti leyi a nga maha ka yona a zirewukiso zakwe zo tala, hakuva a yi hunzulukangi. [187]

²¹Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. [188]

²²Mina nziku ka nwina ku ta hehuka ka Tire ni Sidoni hi siku ga kulamula, a ku hunza ka nwina.

²³Wena Kapernaume, u ta tlakuselwa tilweni ke? Ahihi, u ta releliswa lahasi le Hayidesi; hakuva loku zi wa mahilwe le Sodoma lezi zi mahilweko ka wena, ngha na wa ha hi kona ku kala nyamutlha.

²⁴Ahemba nza wula ka wena, lezaku ku ta hehuka ka tiko ga le Sodoma hi siku ga kulamula ku hunza wena. [189]

²⁵Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. [190]

²⁶Ina, Dada, hakuva lezo zi wa sasekile mahlweni ka wena.

²⁷Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. [191]

²⁸Tanani ka mina, nwina nwentlhe mu tirako ni ku binzwa, nzi ta mu humuta.

²⁹Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. [192]

³⁰Hakuva a pingu wa mina a wu tsanzi, ni nzhwalo wa mina wa hehuka.