Read tshwa Mateu 12 Bible Online

Mateu 12 - tshwa bible

Mateu 12

¹Hi lexo xikhati Jesu i lo tsemakanya masinwini hi siku ga sabado; a vapizani vakwe va wa hi ni ndlala, va sangula ku tshova mavele, vaga. [193]

²Kanilezi laha a vaFarisi na va zi wonile, vaku ka yena: Languta, a vapizani va wena va maha lezi zi nga faneliko a ku mahiwa hi sabado.

³Kanilezi yena aku kabye: A mu gonzangi lezi zi nga mahiwa hi Davida, laha na a zwile ndlala, yena ni lava a nga hi navo ke? [194]

⁴Lezaku i 16 enghena ndlwini ya Nungungulu, aga a zibaba zi vekilweko mahlweni ka Nungungulu, zi nga faneliko ku giwa hi yena ni lava a nga hi navo, kanilezi hi vapristi voce. [195]

⁵Kutani a mu gonzangi nayweni ke, aku hi siku ga sabado a vapristi va onha a sabado le tempeleni, na va nga hi na nanzu? [196]

⁶Mina nziku ka nwina: Kwalaha i kona loyi a nga wa hombe ku hunza tempeli. [197]

⁷Kanilezi loku mu wa zi tivile aku zi wula yini lezaku: Nzi ranza wuxinji, a nzi ranzi miphahlelo, ngha na mu ngakonangi lava va nga hava nanzu. [198]

⁸Hakuva a Nʼwana wa munhu i Hosi ya sabado.

⁹I lo suka laho, a ya enghena sinagogeni gabye. [199]

¹⁰Ku wa hi kona lomo a munhu loyi a nga hi ni canja gi lameleko. Va lo wutisa Jesu vaku: Ku fanele ku hanyisa hi siku ga sabado ke? kasi va fela ku mu kumisa nanzu. [200]

¹¹Aku ka vona: Hi wihi xikari ka nwina, loyi a nga ni yivu yinwe, loku yi wela rinzini hi siku ga sabado, a ta nga kala a nga yi khomi a yi humesa ke?

¹²I tsengo waku yini a nga nawo munhu ku hunza yivu! Hikwalaho ku fanele a ku maha zo saseka hi siku ga sabado.

¹³Zonake aku ka munhu: Nawuluta canja ga wena. I lo gi nawuluta, gi tlhela gi hanya kukotisa ginwani.

¹⁴Kanilezi a vaFarisi va lo huma, va xuxa xikungo ha yena, lezaku va ta mu dayisa kuyini. [201]

¹⁵Jesu na a zi tivile i lo suka laho; a vanyingi va lo mu lanzela, a va hanyisa vontlhe.

¹⁶I lo va laya lezaku va nga mu zwatisi,

¹⁷kasi ku fela ku tatiseka lezi zi nga kanetwa hi muprofeti Isaya, aku:

¹⁸Hi gona a nanza ga mina legi nzi gi hlawulileko; Xiranzwa xa mina lexi muhefemulo wa mina wu xaleleko khwatsi ha xona. Nzi ta veka Moya wa mina hehla kakwe, i taba hungu hi kulamula a ka vamatiko.

¹⁹A nga ta holova, ne ni ku kanyuluka; A gezu gakwe gi nga ta zwiwa maphangweni.

²⁰A lihlanga li khinyekileko a nga ta li tshova, A nga ta tima a ngoti ya kandiya yi fufunhako, A kala a yisa nongameto kuhloleni;

²¹A vamatiko va ta tsumba vito gakwe.

²²Zonake ku lo tiswa: kakwe munwe loyi a nga hi ni dimoni, a nga xikhumu ni mbeveve, a mu hanyisa, lezo a mbeveve yi lo wulawula, yi tlhela yi wona. [202]

²³A xidlemo xontlhe xi lo hlamala, xiku: Xana loyi a hi yena nʼwana Davida ke?

²⁴Kanilezi laha a vaFarisi na va zi zwile, va te ngalo: Loyi munhu i hlongola madimoni ntsena hi ntamu wa Belzebuba, loyi a nga hosi ya madimoni.

²⁵Jesu na a tiva maalakanyo yabye i te ngalo ka vona: Ni wihi mufumo wu ti panzako ha woce wu ta hangalaka; ni wihi muti kutani yindlu yi ti panzako ha yoce yi nga ta ku tsonzoma. [203]

²⁶Loku Satani a hlongola Satani, i avanyisile ha yece, a ti lwisa; zonake a mufumo wakwe wu ta tiyisa kuyini?

²⁷Loku mina nzi hlongola madimoni hi Belzebuba, va ma hlongolisa hi mani a vapizani va nwina? Hikwalaho va ta maha valamuli va nwina.

²⁸Kanilezi loku nzi hlongola madimoni hi Moya wa Nungungulu, hakunene a mufumo wa Nungungulu wu tile ka nwina. [204]

²⁹Munhu a nga enghenisa kuyini a ndlwini ya nhenha, a wutla xuma xa yona, loku a nga rangangi hi ku yi boha? Zonake i ta phanga yindlu ya yona. [205]

³⁰Loye a nga hiko na mina i hambene na mina; ni loyi a nga hlengeletiko na mina wa hangalasa.

³¹Hikwalaho nziku ka nwina: A vanhu va ta tsetselelwa zontlhe zionho ni tinzhukano, kanilezi a kurukatela Moya wa ku Basa cima ku nga ta tsetselelwa. [206]

³²Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. [207]

³³Wulani lezaku a sinya yi nene, ni mihanzu ya yona yi nene; kutani lezaku a sinya yi bihile, ni mihanzu ya yona yi bihile; hakuva a sinya yi tibyiwa hi mihanzu ya yona.

³⁴Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. [208]

³⁵A munhu nene wa humesa a zilo zi nene tshombeni yakwe ya yinene; ni munhu wa kubiha wa humesa zilo za kubiha tshombeni yakwe ya kubiha.

³⁶Nza mu byela, nziku: A timhaka tontlhe ta hava leti va ti wulawulako vanhu, va ta ti hlamulela ha tona sikwini ga kulamula.

³⁷Hakuva hi timhaka ta wena u ta hlayelwa kululama; na hi timhaka ta wena u ta koniwa.

³⁸Zonake a vo kari va vatsali ni vaFarisi va te ngalo kakwe: Mugonzisi, hi ranza ku wona a xiwoniso xi mahiwa hi wena. [209]

³⁹Kanilezi i lo hlamula aku ka vona: A xizukulwana lexi xa kubiha xi nga kholekangiko xi lava a xiwoniso; kanilezi xi nga ta nyikiwa xiwoniso, ntsena a xiwoniso xa muprofeti Jona. [210]

⁴⁰Kotisa lezi Jona a nga tshama nzeni ka hlavi a masiku manharu ni wusiku ginharu, lezo Nʼwana wa munhu i ta tshama nzeni ka misava masiku manharu ni wusiku ginharu. [211]

⁴¹A vavanuna va le Niniva va ta yima ni xizukulwana lexi hi siku ga kulamula, va ta xi kona; hakuva va lo hunzuluka hi kukanela ka Jona; kasi a wahombe ku hunza Jona i kona laha. [212]

⁴²A muzinza wa le Dzongeni i ta suka a yima kulamuleni zinwe ni xizukulwana lexi, i ta xi kona; hakuva i tile hi le magemeta-musi a ku tazwa a wutlhari ga Solomoni; kasi a wahombe ku hunza Solomoni i kona laha. [213]

⁴³Kanilezi a moya wa kubiha na wu humele munhwini, wu tsemakanya a wutshanwini go kala mati, na wu lava a kuhumula, a wu ku kumi. [214]

⁴⁴Zonake wuku: Nzi ta tlhelela ndlwini ya mina, leyi nzi nga huma ka yona; laha na wu chikele, wu yi kuma na yi hi phanga, yi swiyelwe, yi bombisilwe.

⁴⁵Zonake wu famba, wu ya vitana a yinwani mimoya ya ntlhanu ni mimbiri yo biha ku hunza wutsumbu ga wona, yi enghena yi tshama kona. A kubiha ko gumesa ka munhu loyi ku hunza ko ranga. Zi tava nghaho ka xizukulwana lexi xi bihileko. [215]

⁴⁶Ku te na a ha wulawula ka zidlemo, a nyine wakwe ni vanakulobye va lo yima lahandle, va lava ku wulawula naye. [216]

⁴⁷A munwani i lo mu byela, aku: A nyine wa wena ni vanakuloni va yimile lahandle, va lava ku wulawula na wena.

⁴⁸Jesu i lo hlamula, aku ka loyi a mu byelileko: Mamani ni vanakulori mbamani ke?

⁴⁹I lo nawuluta canja a komba vapizani vakwe, aku: Mamani ni vanakulori hi valava!

⁵⁰Hakuva kani hi wihi a ta nga maha kuranza ka Dadani wa mina loyi a nga le tilweni, hi yena nakulori, ni makweru, ni mamani. [217]