Read tshwa Mateu 17 Bible Online

Mateu 17 - tshwa bible

Mateu 17

¹Anzhako ka ntlhanu wa masiku ni ginwe Jesu i lo teka zinwe naye Pedro, na Jakobe, ni nakulobye Johani, aya navo xitsungeni na va hi voce. [283]

²I lo hunzuka mahlweni kabye; a nghohe yakwe yi ngangamela kota gambo, ni tinguwo takwe ti basa kota kuwonekela.

³Languta, ku lo woneka kabye Mosi na Elija na va wulawula naye.

⁴Pedro i te ngalo ka Jesu: Hosi, zi hi sasekele a kuva hi tshama kwalaha. Loku u zi ranza nzi ta aka laha mixaxa minharu; munwe ngwa wena, a munwani ngwa Mosi, ni munwani ngwa Elija.

⁵Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. [284]

⁶Laha a vapizani na va zi zwile, va lowa hi tinghohe tabye, va chava nguvu.

⁷Jesu i lo tshinela a ta va khumba, aku ngalo: Vukani, mu nga chavi. [285]

⁸Na va tlakusa mahlo yabye, a va wonangi munhu, sine Jesu yece.

⁹Kota lezi va nga kari va relela hi le xitsungeni, Jesu i lo va laya, aku: Mu nga byeli munhu hi xiwoniso lexi, a kala Nʼwana wa munhu a vuka hi ka vafileko, [286]

¹⁰A vapizani vakwe va lo mu wutisa, vaku: Hi yini a vatsali va wulako kil ngalo Elija i fela ku ranga ata ke?

¹¹I lo hlamula, aku: Hakunene Elija i wa fanele kuta, a ta tlhelisela zontlhe. [287]

¹²Kanilezi nziku ka nwina: Elija i sina a tile, kanilezi a va mu tivangi; va lo mu maha zontlhe lezi va zi ranzako. Hizalezo a Nʼwana wa munhu i ta xaniswawu ha vona. [288]

¹³Zonake vapizani va lo pima lezaku i va byela hi Johani Mubapatizi.

¹⁴Laha na va wuyile xidlenwini, ku lota kakwe a wanuna, a ta mu khizamela, aku:

¹⁵Hosi, mu zwele wuxinji a nʼwana wa mina, hakuva i nani zicira, wa xaniseka nguvu; zikhati zinyingi a wela nzilweni, ni zikhati zinyingi a wela matini, [289]

¹⁶Nzi lo mu tisa ka vapizani va wena, kanilezi va lo tsanzeka ku mu hanyisa.

¹⁷Jesu i lo hlamula, aku ngalo: Xizukulwana xi nga kholwiko leʼxi bihileko, ku ta kala rini nzi hi na nwina ke? Nzi ta timisela ha nwina kala xikhati muni? Mu neheni laha ka mina.

¹⁸Jesu i lo kawuka a dimoni, gi huma ka mufana, a hanyiswa xwalexo xikhati.

¹⁹Zonake a vapizani va lota ka Jesu xihundleni, va taku: Hi lo tsanzeka hikuyini a ku humesa dimoni ke?

²⁰I te ngalo kabye: Ihakuva a kukholwa ka nwina ku tsongwanyani. Hizinene nziku ka nwina: Loku mu wa hi ni kukholwa ku kotisa a mbewu ya xinapi, mu wa taku ka xitsunga lexi: Kunuka laha, uya ka legiya wutshamu, xi ta kunuka; a ku na nchumu xi wa ta nga mu tsanza. [290]

²¹Kanilezi a lixaka leli la madimoni a li humeswi, lokuku nga hi kukhongela ni ku yila.

²²Laha va nga kari va tshama le Galilea, Jesu i te ngalo kabye: A Nʼwana wa munhu i ta nyikelwa mandleni ya vanhu. [291]

²³Va ta mu daya, kanilezi hi siku ga manharu i ta tlhela a vuka. Va lo xaniseka nguvu.

²⁴Laha na va chikele Kapernaume, a vahlengisi va hlengo wa tempeli va lota ka Pedro, vaku: A mugonzisi wa nwina a nga humesi a hlengo wa tempeli ke? [292]

²⁵Yena aku: Ina, wa humesa. Laha na va enghenile ndlwini, Jesu ilo ranga aku ka Pedro: U yini Simoni? A tihosi ta misava ti khupisa ni ku hlengisa vamani? Xana hi vana va tona kutani mbamatiko ke?

²⁶Pedro aku: Hi vamatiko. Jesu aku ka yena: Hikwalaho a vana va tlhatlhekile,

²⁷kanilezi kasi hi nga va khunguvanyisa famba bimbini, u ya tlonweka ximemba, u khoma a xidluwani lexi u ta nga xi tlhukula kuranga. Laha na u ahlamisile a nomu wa xona, u ta kuma a xekeli; gi teke, u va nyika a ya mina ni ya wena.