Read tshwa Mateu 28 Bible Online

Mateu 28 - tshwa bible

Mateu 28

¹A kumbheleni ka sabado ku lota Maria wa le Magdala ni munwani Maria ku ta wona nkele na ga hi mpunzu hi siku go ranga ga viki. [511]

²Zonake ku wa hi kona a kutsekatseka ka hombe ka misava, hakuva a ngelosi ya Hosi yi lo relela hi le tilweni, yi ta wumbuluta a ribye, yi tshama hehla ka gona. [512]

³Yi lo woneka khwatsi kuhatima, a tinguwo ta yona ti wa basile kota gapongo. [513]

⁴Hi ku yi chava a varinzeli va lo rurumela, vaku khwatsi hi vafileko.

⁵A ngelosi yi lo wula ka vavasati, yiku: Mu nga chavi; hakuva nza zi tiva lezaku mu lava Jesu, loye a nga belelwe.

⁶A nga kona laha, hakuva i vukile, kota lezi a nga wulile. Tanani, mu ta wona a wutshamu laha a Hosi yi nga etlele kona. [514]

⁷Hatlisani mu famba, mu ya byela vapizani vakwe, muku: I vukile hi ka vafileko. Wa mu rangela a ku ya Galilea; mu ta mu wona kona. Mangabye, nzi mu byelile. [515]

⁸Va lo hatlisa va suka nkeleni hi kutsaka ka hombe, va tsutsuma va ya byela vapizani vakwe.

⁹Na va haya Jesu i lo va tlhangaveta, aku: Xeweni! Va lo tshinela, va khoma milenge yakwe, va mu khozela. [516]

¹⁰Jesu aku kabye: Mu nga chavi; fambani mu ya byela a vamakabye va mina lezaku vaya Galilea, hi laho va ta nga nzi wona kona. [517]

¹¹Makunu na va kari va famba, a varinzeli vanwani va lo chikela mutini, va ya bikela vapristi va hombe zontlhe lezi zi mahekileko.

¹²Vona na va tsombene ni masingalakati, va lo tsema khungo, va nyika masochwa a mali yo tala,

¹³vaku: Wulani muku: A vapizani vakwe va lota ni wusiku, va ta mu yiva na hi etlele wurongo.

¹⁴Loku zi zwiwa hi mufumeli, hi ta mu kholwisa yena, hi mu vikela.

¹⁵Lezo va lo teka a mali, va ya maha lezi va leletelweko. A kuwula loku ku lo hangalaka xikari ka vaJuda kala ni nyamutlha lezi. Jesu a woneka ka vapizani vakwe.

¹⁶Kanilezi a vapizani va khume ni munwe va loya Galilea, le xitsungeni lexi Jesu a nga va byelile xona. [518]

¹⁷Laha va nga mu wona, va lo mu khizamela, kanilezi vanwani va kanakana.

¹⁸Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; [519]

¹⁹hikwalaho fambani, mu va maha vapizani a matiko wontihe, mu va bapatiza hi vito ga Dadani ni ga Nʼwana ni ga Moya wa ku Basa; [520]

²⁰mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. [521]