Read tshwa Luka 10 Bible Online

Luka 10 - tshwa bible

Luka 10

¹Anzhako ka lezo, a Hosi yi lo yimisa a vanwani va 70 wa vapizani, yi va ruma ha vambiri vambiri mahlweni ka yona, a mitini yontlhe ni matlhelo wontihe laha a ta nga famba kona. [215]

²Aku ngalo kabye: A kutshovela ka hombe, kanilezi a zitiri zi tsongwani; hikwalaho kombelani a Nwinyi wa kutshovela lezaku a ruma zitiri kutshoveleni kakwe. [216]

³Fambani; nza mu ruma mu ku khwatsi tiyivu xikari ka timhisi. [217]

⁴Mu nga weleli xikhwama, ni nkwama, ge ni zilato; mu nga losi munhu ndleleni. [218]

⁵Ni ka yihi yindlu leyi mu ta nga enghena ka yona, a ku ranga wulani, muku: A kurula a kuve ka yindlu leyi! [219]

⁶Loku a hi kona laho loyi a ranzako kurula, a kurula ka nwina ku ta tshama kakwe; kanilezi loku a nga hi koha, ku ta tlhelela ka nwina.

⁷Tshamani ka yaleyo yindlu, muga ni kunwa lezi va mu nyikako; hakuva a xitiri xi fanelwe hi hakhelo ya xona. Mu nga fambafambi ka yindlu ni yindlu. [220]

⁸Ni ka wihi muti mu enghenako ka wona, va mu amukela, ganani lezi zi vekiwako mahlweni ka nwina;

⁹mu hanyisa a vababyi lava va nga ka wona, muku ka vona: A mufumo wa Nungungulu wu tshinele ka nwina. [221]

¹⁰Kanilezi ni ka wihi muti mu ta nga enghena ka wona, va nga mu amukeli, humani maphangweni ya wona, muku: [222]

¹¹Hambu ni ntshuri wa muti wa nwina, lowu wu namareleko mikonzweni ya hina, ha wu phumunhela ka nwina; ahemba-lokoke, tivani lezaku a mufumo wa Nungungulu wu tshinele.

¹²Nziku ka nwina: Hi lego siku ku ta hehuka ka Sodoma, ku hunza ka lowo muti.

¹³I khombo ka wena Korazini! I khombo ka wena Betsaida! Hakuva loku yi wa mahilwe ka Tire ni Sidoni a mitiro ya ntamu leyi yi mahilweko ka nwina, ngha na va hunzulukile kale, va tshama ngubyeni ya tisakwa ni khuma,

¹⁴Hikwalaho le kulamuleni ku ta hehuka ka Tire ni Sidoni ku hunza nwina,

¹⁵Na wena Kapernaume, u tlakuselweko tilweni, u ta releliswa lahasi Hayidesi. [223]

¹⁶Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, [224]

¹⁷Lava va 70 va lo wuya hi kutsaka, va taku: Hosi, hambu ni madimoni ma hi ingisa hi vito ga wena.

¹⁸Yena aku ngalo kabye: Nzi lo wona Satani na a wile hi le tilweni kota xingwalangwanza. [225]

¹⁹Langutani, nzi mu nyikile ntamu wa ku kanzihela tinyoka ni tihume, ni hehla ka ntamu wontihe wa nala; a ku na nchumu xi ta nga mu lamata. [226]

²⁰Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. [227]

²¹Ka xwalexo xikhati Jesu i lo tsaka hi Moya wa ku Basa, aku ngalo: Nza ku bonga, Dadani, Hosi ya tilo ni misava, hakuva u fihlile a timhaka leti ka titlhari ni lava va pimako, u ti wonekelisa ka lava va tsongwani; Ina, Dadani, hakuva u wa ranza ku maha lezo.

²²Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. [228]

²³Na a hunzulukela ka vapizani, i lo wula xihundleni, aku: Ma katekile a mahlo laya ma wonako lezi nwina mu zi wonako; [229]

²⁴hakuva nziku ka nwina: A vaprofeti vanyingi ni tihosi va wa xuva ku wona lezi mu zi wonako, a va zi wonangi; ni kuzwa lezi mu zi zwako, a va zi zwangi. [230]

²⁵Zonake a mugonzisi wo kari wa nayo i lo yima, a mu ringa, aku: Mugonzisi, nzi ta maha yini, kasi nzaga a tshomba ya wutomi ga pinzukelwa ke? [231]

²⁶Jesu aku ngalo kakwe: Ku tsalilwe yini nayweni, u gonza yini kona ke?

²⁷I lo hlamula, aku ngalo: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni ntamu wa wena wontihe, ni kupima ka wena kontlhe, ni wakelene na wena kota lezi u ti ranzako wena. [232]

²⁸Jesu aku kakwe: Wena u hlamule khwatsi; maha lezo, u ta hanya. [233]

²⁹Kanilezi yena na a xuva ku ti lulamisa, aku ngalo: Himani wakelene na mina ke?

³⁰Jesu i lo hlamula, aku ngalo: A munhu wo kari i wa relela hi le Jerusalema, aya Jeriko; i lo wela mandleni ya zigevenga, zi nga mu runzuwulela tinguwo, zi muba, zi suka, zi mu siya na hi kusuhani ni kufa.

³¹Ku lo relela a mupristi wo kari hi yaleyo ndlela; ni laha a nga mu wona i lo potsoloka. [234]

³²Zinghaho ni muLevi kambe; laha na a chikele ka wutshamu lego, i lo mu wona, a potsoloka wu.

³³Kanilezi a muSamaria wo kari loyi a nga famba hi ndlela leyo, i lo chikela laha a nga wa hi kona; laha a nga mu wona, i lo mu zwela wusiwana. [235]

³⁴I lo tshinela, a mu chela mafura ni vinya timbangeni, a ti bohelela; zonake i lo mu khilelisa ka mbongola yakwe, a mu yisa ndlwini ya vapfhumba, a mu gongola.

³⁵Ni mixo i lo humesa macheleni mambiri, a nyika nwinyi wa yindlu, aku ngalo: Mu hlayise, ni zontlhe lezi u ta nga humesa ku hunza mali leyi, nzi ta ku riha loku nzi wuya.

³⁶Xana wena u alakanya lezaku hi wihi wa lava vanharu a nga maha wakelene wa loyi a nga wela mandleni ya zigevenga ke?

³⁷Aku ngalo: Hi loyi a nga mu mahela wuxinji. Jesu aku ngalo kakwe: Famba u ya mahawu zakunghaho. Jesu a enzela Maria na Maria.

³⁸Laha va nga kari va famba, Jesu i lo enghena mutini wo kari; a wasati a vitwako Marta i lo mu amukela ndlwini yakwe.

³⁹I wa hi ni makabye a vitwako Maria, loyi a nga tshama mikonzweni ya Hosi, a ingisa magezu yakwe,

⁴⁰kanilezi Maria i wa karateka hi mitiro yo tala. I loya ka Jesu, a yaku ngalo: Hosi, a ku khatali hi lezi a makweru a nzi tsikako nzi tira nzoce ke? Mu byele a nzi vuna.

⁴¹Kanilezi a Hosi yi lo hlamula, yiku ngalo ka yena: Marta, Maria, u karateka ni ku vilela hi leʼzinyingi,

⁴²kasi xilo xinwe ntsena xi lavekako. Maria i hlawule a xiavelo xo saseka, lexi xi ta nga kala xi nga tekiwi ka yena.