Read tshwa Deuteronome 12 Bible Online

Deuteronome 12 - tshwa bible

Deuteronome 12

¹Leyi hi milayo ni zileletelo lezi mu ta nga zi hlayisa tikweni legi Jehova Nungungulu wa vararu va nwina a mu nyikileko ku ya gi fumela ka wontihe masiku lawa mu ta nga hanya laha misaveni.

²Mu taya lovisa maku bhi wontihe matshamu lawo a vanhu lava mu yako ku ya va khozisa, va nga wa khozela vanungungulu vabye kona, lomu ka zitsunga zi tlakukileko, ni lomu ka zitsungana, ni lomu hasi ka tontlhe tisinya to nyuka;

³mu ta hahlula maganzelo yabye, mu khungumulela timhinga tabye, mu hisa zifananiso zabye za Axtarte, mu tsemelela zifananiso za lezi zi vatlilweko za vanungungulu vabye, mu fuvisa mavito ya zona matshanwini ya zona.

⁴Loku mu khozela Jehova Nungungulu wa nwina, mu nga ta maha kota vona.

⁵Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. [47]

⁶Mu ta yisa laho a miphahlo ya nwina ya kuhiswa, ni miphahlelo ya nwina, ni za wukhume za nwina, ni miphahlelo ya nwina ya ku nziwitela, ni miphahlo ya zifungo za nwina, ni miphahlo ya kuranza ka nwina, ni matewula ya zifuyo za nwina za hombe ni lezi za zitsongwani.

⁷Nwina mu taga mahlweni ka Jehova Nungungulu wa nwina, mu ti tsakela zinwe ni mingango ya nwina hi zilo zontlhe lezi mu ta nga zi maha, lezi Jehova Nungungulu wa nwina a mu katekisileko ha zona.

⁸Mu nga mahi kota lezi hi mahako laha inyamutlha, zaku munwe ni munwani a maha lezi zi lulamileko kuwoneni kakwe.

⁹Hakuva a mu se nga enghena kuhumuleni, ni le tshombeni leyi Jehova Nungungulu wa nwina a mu nyikileko yona.

¹⁰Kanilezi loku mu tlhatukile Jordani mu ya aka a tikweni legi Jehova Nungungulu wa nwina a ta nga mu nyika a kuva tshomba ya nwina; ni loku a mu nyikile kuhumula valaleni vontlhe lava va mu ranzeleko, lezaku mu tshama kuruleni;

¹¹a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

¹²Mu ta ti tsakela mahlweni ka Jehova Nungungulu wa nwina, nwina ni varisanyana va nwina, ni vanhanyana va nwina, ni vasati va nwina, ni zitiri za nwina za xinuna ni za xisati, ni vaLevi lava va nga lomu mitini ya nwina, hakuva a va nyikiwangi xiavelo ni tshomba zinwe na nwina.

¹³Ti wonele lezaku u nga nyikeli minyikelo ya wena ya kuhiswa ka ginwani wutshamu legi u gi wonako.

¹⁴Kanilezi u ta nyikela a munyikelo wa wena wa kuhiswa ka wutshamu legi Jehova a ta nga gi hlawula lomu ka yinwe ya tinyangwa ta nwina, hi kwalaho u ta nga nyikela a minyikelo ya wena ya kuhiswa; u maha kona zontlhe lezi nzi ku leleteleko zona.

¹⁵Kanilezi loku u zi ranza, wa zi kota ku daya xifuyo xa wena laha mutini wa wena uga nyama ya wena kota lezi Jehova Nungungulu wa wena a ta nga ku katekisisa zona; kasi loyi a nga hlazekangiko ni loyi a hlazekileko vontlhe va taga khwatsi hi loku vaga mhuti ni hlangu.

¹⁶Ntsena lezaku mu ngagi a nkhata; wu halateni misaveni khwatsi hi mati.

¹⁷Laha ngangweni wa wena u ngagi za wukhume za mavele ya wena, ni za vinya ga wena, ni za mafura ya wena, hambu matewula ya tihomu ta wena, ni ya timbuti ta wena, kutani hi xilo lexi u nga xi nyikela hi kuhlambanya, kutani minyikelo ya kuranza ka wena, kutani hi minyikelo ya ku nziwitela leyi yi humileko hi lomu canjeni ga wena, [48]

¹⁸Kanilezi lezi zilo u taga mahlweni ka Jehova Nungungulu wa wena, ka wutshamu legi Jehova Nungungulu wa wena a ta nga gi hlawula, u taga laho zinwe ni varisanyana va wena, ni vanhanyana va wena, ni malanza ya wena ya xinuna ni ya xisati, ni vaLevi lava va nga laha mutini wa wena; u ti tsakela mahlweni ka Jehova Nungungulu wa wena, mitirweni yontlhe ya mandla ya wena.

¹⁹Ti wonele lezaku u nga rivali muLevi ka wontihe masiku lawa u ta nga hanya laha misaveni.

²⁰Laha Jehova Nungungulu wa wena a ta nga enzelekisa a tiko ga wena, khwatsi hi lezi a ku byelileko, zonake loku u ranza kuga nyama, u taku: A mbilu ya mina yi navela kuga nyama, u taga nyama hi zontlhe zikhati lezi a mbilu ya wena yi xuvako kuga nyama. [49]

²¹Loku a wutshamu lego Jehova Nungungulu wa wena a ta nga gi hlawula ku veka a vito gakwe laho, na gi hi kule na wena, u ta zi kota ku tlhava tihomu ta wena ni timbuti ta wena leti Jehova a ku nyikileko tona, khwatsi hi lezi nzi ku leleteleko, mu taga lomu mingangweni ya nwina kota kuranza ka nwina.

²²Kanilezi u taga khwatsi hi loku uga mhuti ni hlangu; loyi a nga hlazekangiko ni loyi a hlazekileko va taga vontlhe khatiginwe.

²³Ntsena lezaku chela kota u ngagi nkhata, hakuva a nkhata wutomi, hikwalaho u ngagi wutomi zinwe ni nyama.

²⁴Cima u nga taga a nkhata; kanilezi u ta wu halata misaveni kota mati.

²⁵U nga wugi kasi u fela ku tshameka khwatsi, ni vanana va wena anzhako ka wena, loku u maha zo lulama mahlweni ka Jehova.

²⁶Kasi loku zi hi zilo za wena za kubasa ni lezi u zi tsumbisileko, u ta zi teka uya nazo ka wutshamu legi Jehova a ta nga gi hlawula.

²⁷Zonake u ta ya nyikela laho a munyikelo wa wena wa kuhiswa, a nyama ni nkhata alatini ga Jehova Nungungulu wa wena. Loku yi hi yinwani miphahlo ya wena, a nkhata wu ta chululwa laha alatini ga Jehova Nungungulu wa wena, zonake a nyama ya kona u taga.

²⁸Tontlhe timhaka leti nzi ku leletelako u ta ti ingisa ni ku ti maha, kasi wa fela ku tshameka, ni vanana va wena anzhako ka wena kala kupinzuka, loku u maha a zilo zinene lezi zi lulamileko mahlweni ka Jehova Nungungulu wa wena.

²⁹Laha Jehova Nungungulu wa wena a ta nga mbhetisa mahlweni ka wena a matiko lawa u ta nga ma hlongola, ni loku u tekile matiko yabye, na u akile ka wona,

³⁰ti wonele u nga phasiwa hi ku va lanzela, anzhako ka kuva na va lovisilwe mahlweni ka wena hi ku lava vanungungulu vabye, u sangula ku ngalo: Xana a vanhu lava va wa khozelisa kuyini vanungungulu vabye ke? Nzi ta mahawu kota vona.

³¹U nga mahi zo kota lezo ka Jehova Nungungulu wa wena; hakuva zontlhe lezi va mahelako vanungungulu vabye zinyenyeko mahlweni ka Jehova lezi a zi vengako; hakuva hambu ni varisanyana vabye ni vanhanyana vabye va va hisile nzilweni ku maha miphahlelo ya vanungungulu vabye.

³²Zontlhe lezi nzi mu leleteleko mu ta zi hlayisa, mu zi maha. Mu nga engeteli nchumu, ge ni ku hungula nchumu.