Read tshwa Deuteronome 14 Bible Online

Deuteronome 14 - tshwa bible

Deuteronome 14

¹Nwina mu vanana va Jehova Nungungulu wa nwina. Mu nga tlhaveli tihlanga mirini wa nwina, hambu ni ku cinga phandla hi kota ya vafileko.

²Hakuva nwina mu vanhu va basileko va Jehova Nungungulu wa nwina, ni kambe Jehova i mu hlawulile lezaku mu hi vanhu vakwe yena wutsumbu, a xikari ka wontihe matiko lawa ma nga hehla ka misava. [50]

³U ngagi a xilo xo nyenyeza.

⁴A zihari lezi mu ta ngaga hi lezi: A homu, ni yivu, ni mbuti,

⁵ni hlangu, ni mhuti, ni mangulwe, ni nhongo, ni hlengani, ni mbavala, ni xipene.

⁶Zontlhe zihari lezi zi nga ni makhanzo ya zinyonzwani zimbiri, ni lezi za makhanzo ya mahari, na zi hi lezi zi bhisako zi hlafunha ga wumbiri, lezo mu taga.

⁷Kanilezi lezi mu to kala kuga xikari ka zihari lezi zi hlafunhako; ni xikari ka lezi zi nga ni zinyonzwani za mahari, lezi zi nga hlazekangiko hi lezi: A kameli, ni vundla, ni hlohlwe, hakuva zonawu za hlafunha, kanilezi a zi avanyekangi makhanzo ya zona;

⁸ni khumba, hakuva gi na ni zinyonzwani zi avanyekileko, kanilezi a gi hlafunhi; gona a gi hlazekangi ka nwina. Mu ngagi nyama ya zona, hambu ni ku khumba xirumbi xa zona.

⁹Lezi mu ta ngaga ka zontlhe lezi zi nga lomu matini, hi lezi: Mu taga zontlhe lezi zi nga ni zipapilo ni magwaru; [51]

¹⁰kanilezi zontlhe lezi zi nga hava zipapilo ni magwaru mu ngagi; zona a zi hlazekangi ka nwina.

¹¹Zontlhe zinyanyani zi hlazekileko mu taga.

¹²Kanilezi lezi mu to kala kuga hi lezi: A gama, ni likotani, ni ximhungu,

¹³ni xikotlwani, ni pfhokwani, ni mariyani hi tixaka ta yena,

¹⁴ni zikunguwa hi tixaka ta zona,

¹⁵a mbhuwu, ni yinjo, ni nyawungonzwani, ni mangavi hi tixaka ta yena,

¹⁶ni xikotlwani, ni xihuhuluhuhu, ni khuhunhu,

¹⁷ni gumba, ni makoti, ni gotso,

¹⁸ni mariyani, ni maxomuxomu hi tixaka ta wona, ni dema, ni mangavilani.

¹⁹Zontlhe zihari lezi za zitsongwani zi kokakokako zi nga ni tipapa a zi hlazekangi ka nwina, mu nga zigi.

²⁰Kanilezi zontlhe zinyanyani lezi zi hlazekileko mu taga.

²¹Nwina mu nga taga xa kufa ha xoce. Wena u nga xi nyika muluveli loyi a akileko laha mutini wa wena, aga; kutani ku xi xavisa ka wamatiko; hakuva nwina mu vanhu va basileko va Jehova Nungungulu wa nwina. U nga bhiki ximhutana mafini ya nyine wa xona.

²²Wena u ta susa xipanze xa wukhume ka zontlhe lezi zi ta nga huma ka timbewu ta wena, ni lezi zi ta nga mila lomu masinwini ya wena, wontihe malembe.

²³U ta yaga mahlweni ka Jehova Nungungulu wa wena, laha ka wutshamu lego a ta nga hlawula a ku veka a vito gakwe laho, a za wukhume za mavele ya wena, ni za vinya ga wena, ni za mafura ya wena, ni za matewula ya zifuyo za wena za hombe ni lezi za zitsongwani, kasi wa fela ku gonza ku chava Jehova Nungungulu wa wena ka wontihe masiku.

²⁴Ni loku a ndlela yi lehile ku hi kule nai wena, a ka wutshamu lego Jehova Nungungulu wa wena a gi hlawulileko ku veka a vito gakwe laho, lezaku u tsanzeka ku rwala a za wukhume za wena hi kota ya wukule;

²⁵loku Jehova Nungungulu wa wena a ku katekisile, wena u ta xavisa za wukhume za wena, u xava mali ha zona, u ta famba na u yi khomile mandleni ya wena, uya ka wutshamu lego Jehova Nungungulu wa wena a gi hlawulileko;

²⁶zonake u ta ya xava zontlhe lezi a mbilu ya wena yi ta nga zi ranza, kutani xifuyo xa hombe ni xa xitsongwani, kutani i vinya, kutani i byala, kutani hi xihi lexi a mbilu ya wena yi ta nga xi lava; u ta xava uga mahlweni ka Jehova Nungungulu wa wena, u ti tsakela zinwe ni ngango wa wena.

²⁷Kanilezi u nga rivali muLevi loyi a nga laha mutini wa wena, hakuva yena a nga na xiavelo ni tshomba zinwe na wena.

²⁸Loku ku hunza malembe manharu, u ta humesa zontlhe za wukhume u hulileko lego lembe, u zi veka laha tinyangweni ta wena.

²⁹Zonake a muLevi i tata, hakuva yena a nga na xiavelo ni tshomba kota wena, ni muluveli ni xisiwana, ni wasati wa noni, lava va nga laha mutini wa wena, va taga va xura; kasi Jehova Nungungulu wa wena a fela ku ku katekisa mitirweni yontlhe ya wena, leyi u ta nga tira hi mandla ya wena.