Read tshwa Deuteronome 30 Bible Online

Deuteronome 30 - tshwa bible

Deuteronome 30

¹Makunu laha a zilo lezi nzi zi wulileko mahlweni ka wena, za mathomo ni makhombo, zi chikela hehla ka wena, u zi alakanya mbilwini ya wena, na u hi kwaleyo ka matiko lawo Jehova Nungungulu wa wena a ta nga ku hangalasa ka wona, [111]

²loku wena u tlhelela ka Jehova Nungungulu wa wena, ni loku u ingisa a gezu gakwe hi mbilu yontlhe ya wena, ni muhefemulo wontihe wa wena, wena ni vanana va wena, khwatsi hi lezi nzi ku leletelako zilo zontlhe legi siku ga nyamutlha;

³Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

⁴Hambu loku a vanhu va wena va hlongolweko va wa hi ka magumeso ya tilo, Jehova Nungungulu wa wena i ta va tsombanyisela a va wuyisa ha kona.

⁵Na Jehova Nungungulu wa wena i ta ku wuyisa ka tiko legi vararu va wena va nga wa gi fumela, zonake wenawu u ta gi fumela, na yena i ta ku katekisa, ni ku ku anzisa ku hunza vararu va wena.

⁶Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. [112]

⁷Na Jehova Nungungulu wa wena i ta veka wontihe lawa makhombo hehla ka valala va wena, ni hehla ka lava va ku vengako, lava va ku xanisako.

⁸Zonake wena u ta tlhela u ingisa a gezu ga Jehova, u hlayisa milayo yontlhe leyi nzi ku leletelako nyamutlha.

⁹Na Jehova Nungungulu wa wena i ta anzisa makatekwa ya wena ka yontlhe mitiro ya mandla ya wena, i ta anzisa a pswalo wa miri wa wena, ni pswalo wa zifuyo za wena, ni mihanzu ya misava ya wena; hakuva Jehova i ta tlhela a tsaka ha wena a ku katekisa, khwatsi hi lezi a nga wa tsakile hi vararu va wena;

¹⁰loku wena u ingisa a gezu ga Jehova Nungungulu wa wena, u hlayisa milayo yakwe, ni zileletelo zakwe lezi zi tsalilweko lomu bhukwini legi ga milayo, ni loku u tlhelela ka Jehova Nungungulu wa wena hi mbilu yontlhe ya wena, ni muhefemulo wa wena.

¹¹Hakuva a nayo lowu nzi ku leletelako wona nyamutlha a wu tsanzi, hambu ni kuva kule na wena. [113]

¹²A wu le tilweni ko kala uku: Himani a ta nga kanziha tilweni a ya hi tekela wona, a ta hi gonzisa kasi ha fela ku wu maha ke?

¹³Na wona cima a wu le tlhatuko wa bimbi ko kala uku: Himani a ta nga hi tlhatukela a bimbi, a ya hi tekela wona, a ta hi gonzisa kasi ha fela ku wu maha ke?

¹⁴Kanilezi a gezu gi kona kusuhani nguvu na wena, lomu nonwini wa wena, ni lomu mbilwini ya wena, kasi wena wa fela ku gi hlayisa.

¹⁵Cuwuka inyamutlha nzi vekile mahlweni ka wena a wutomi ni zinene, a kufa ni kubiha;

¹⁶lezi nzi ku leletelako nyamutlha a ku ranza Jehova Nungungulu wa wena, ni ku famba hi tindlela takwe, ni ku hlayisa milayo yakwe, ni timhaka takwe, ni zileletelo zakwe, kasi wena wa fela ku hanya ni ku anza, kasi Jehova Nungungulu wa wena i ta ku katekisa ka tiko legi u yako ku ya gi fumela.

¹⁷Kanilezi loku a mbilu ya wena yi hambuka, yi nga ingisi, yi vumela ku kokiwa yi ya khizama mahlweni ka vanwani vanungungulu ni ku va khozela,

¹⁸mina nza mu byela nyamutlha lezaku futsi mu ta lova. Cima mu nga tava ni masiku yo leha lomu tikweni legi mu yako ka gona ku ya gi fumela le tlhatuko wa Jordani.

¹⁹Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

²⁰u ranza Jehova Nungungulu wa wena, u ingisa a gezu gakwe, u namarela ka yena; hakuva yena mbutomi ga wena ni kuanza ka masiku ya wena, kasi wena wa fela ku tshama ka tiko legi Jehova a hlambanyileko ka vararu va wena, Abrahama, na Isaka, na Jakobe, a ku va nyika gona.