Read tshwa Deuteronome 34 Bible Online

Deuteronome 34 - tshwa bible

Deuteronome 34

¹Zonake Mosi i lo suka hi le mikoveni ya Moabi, a ya kanziha xitsungeni xa Nebo, le hehla ka Pisga, ngomama ni Jeriko. Jehova i lo mu kombisa gontlhe tiko ga Gileade kala le Dani;

²ni gontlhe ga ka Naftali, ni ga ka Efraime, ni ga ka Manasa, ni tiko gontlhe ga ka Juda kala Bimbini ga Mupela-gambo;

³ni le Dzongeni, ni le tlhelweni ga Jordani, le mikoveni ya Jeriko, a muti wa micinzu, kala le Zoare. [135]

⁴Jehova i te ngalo kakwe: Legi hi gona tiko nzi gi hlambanyileko ka Abrahama, ni ka Isaka, ni ka Jakobe, nziku: Nzi ta gi nyika ka pswalo wa wena; hikwalaho mina nzi ku kombisile gona kasi u gi wona hi mahlo ya wena, kanilezi u nga ta tlhatukela ka gona. [136]

⁵Zinghaho Mosi, a nanza ga Nungungulu, i lofa leyo tikweni ga Moabi, khwatsi hi kuwula ka Jehova.

⁶Zonake Jehova i lo mu lahla le nkoveni lomu tikweni ga Moabi, ngomama ni Bet-Peori; kanilezi a nga kona munhu a tivako a tsiza gakwe kala legi siku. [137]

⁷Na Mosi i wa hi ni 120 wa malembe xikhati lexo a ngafa; kanilezi a mahlo yakwe ma wa nga mahangi zilutsu, ni ntamu wakwe wu wa nga mbhetangi.

⁸Ni vanana va ka Israeli va lo rilela Mosi le mikoveni ya Moabi 30 wa masiku, zonake a masiku ya ku rila Mosi ma lo mbhela. [138]

⁹Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.

¹⁰Cima a ku humangi a muprofeti lomu ka Israeli wa ku kota Mosi, loyi a nga tiva Jehova hi nghohe yakwe, [139]

¹¹ni zontlhe ziwoniso ni masingita lawa Jehova a nga wa mu ruma ku maha mahlweni ka Faro le tikweni ga Gipite, ni mahlweni ka wontihe malanza yakwe, ni mahlweni ka gontlhe tiko gakwe;

¹²ni ntamu wakwe wa hombe, ni mitiro yontlhe leyi yi chavekako, leyi Mosi a nga yi maha mahlweni ka vontlhe va ka Israeli.