Read tshwa Johani 17 Bible Online

Johani 17 - tshwa bible

Johani 17

¹Jesu na a wulawulile timhaka leti, i lo tlakusa mahlo yakwe le tilweni, aku ngalo: Dadani, a xikhati xi chikele; dumisa Nʼwana wa wena, kasi a Nʼwana wa wena a fela ku ku dumisa; [396]

²kota lezi u mu nyikileko ntamu hehla ka nyama yontlhe, lezaku vontlhe lava u mu nyikileko vona, a fela ku va nyika wutomi ga pinzukelwa. [397]

³A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. [398]

⁴Nzi ku dumisile misaveni, hi ku mbheta a ntiro lowu u nzi nyikileko wona a ku wu tira. [399]

⁵Makunu, Dadani, nzi dumise le ka wena hi wudumo legi nzi ngha nga nzi hi nago ka wena, a misava na yi nga seva kona.

⁶Nzi wonekelisile a vito ga wena ka vanhu lava u va tekileko tikweni u nzi nyika vona; va wa hi va wena, zonake u nzi nyikile vona; va yi hlayisile a mhaka ya wena. [400]

⁷Makunu va zi tiva lezaku zontlhe lezi u nzi nyikileko zona zita hi le ka wena.

⁸Hakuva nzi va nyikile a timhaka leti u rizi nyikileko tona; va ti amukele, va zi tiva lezaku kunene nzi humele hi ka wena, va kholwa ku ngalo u nzi rumile. [401]

⁹Nza va khongelela; a nzi khongeleli tiko, kanilezi nzi khongelela vona lava u nzi nyikileko, hakuva mba wena. [402]

¹⁰Zontlhe lezi zi nga za mina za wena, ni za wena za mina; nza dumiswa ka vona.

¹¹A nza ha hi tikweni, kanilezi vona va ha hi tikweni; mina nzita ka wena. Dadani wa ku Basa, va hlayise vitweni ga wena legi u nzi nyikileko gona, kasi va fela ku tshama munwe, khwatsi hi hina hi nga munwe. [403]

¹²Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. [404]

¹³Kanilezi makunu nzata ka wena; nzi kanela lezi zilo na nza ha hi tikweni, kasi a kutsaka ka mina ku fela ku mbhelela ka vona.

¹⁴Nzi va nyikile a mhaka ya wena, zonake a tiko gi lo va venga, hakuva a hi va tiko, kota lezi mina nzi nga hiko wa tiko. [405]

¹⁵A nzi kombeli lezaku u va susa tikweni, kanilezi lezaku u va hlayisa ka loyi wo biha. [406]

¹⁶A hi va tiko, kota lezi mina nzi nga hiko wa tiko.

¹⁷Va basise zineneni; a mhaka ya wena zinene. [407]

¹⁸Kota lezi u nga nzi ruma tikweni, hizalezo nzi va rumile tikweni.

¹⁹Nza ti basisela vona, lezaku vonawu va basisiwa zineneni. [408]

²⁰A nzi khongeleli lava voce, kanilezi nza khongelela ni lava va ta nga kholwa ka mina hi kota ya kukanela kabye;

²¹aku kasi vontlhe va fela kuva munwe, kota lezi wena Dadani u nga ka mina, na mina nzi nga ka wena, lezaku na vona va fela ku tshama ka hina; kasi a tiko gi ta kholwa lezaku u nzi rumile. [409]

²²A kungangamela loku u nzi nyikileko kona, nzi va nyikile, kasi va fela kuva munwe, kota hina hi nga munwe; [410]

²³mina ka vona, na wena ka mina, kasi vava munwe hi kumbheleleko; kasi a tiko gi fela ku zi tiva lezaku u nzi rumile, niku, u va ranzile kota lezi u nzi ranzileko. [411]

²⁴Dadani, nzi ranza lezaku lava u nzi nyikileko vona, na vonawu va fela ku tshama na mina laha nzi nga kona; kasi va fela ku wona a kungangamela ka mina loku u nzi nyikileko kona; hakuva u nzi ranzile na yi nga se ku vangiwa misava. [412]

²⁵Dadani wa nongameto, a tiko a gi ku tivangi, kanilezi mina nzi ku tivile; na vona lava va zi tivile lezaku u nzi rumile. [413]

²⁶Nzi va tivisile a vito ga wena, nza ha ta gi tivekisa; kasi a liranzo leli u nzi ranzileko ha lona li fela ku tshama ka vona, na mina nzi hi ka vona. [414]