Read tshwa Mitiro 22 Bible Online

Mitiro 22 - tshwa bible

Mitiro 22

¹Vamakabye ni vadadani, ingisani makunu a kutihlamulela ka mina mahlweni ka nwina. [399]

²Laha va ngazwa lezaku i wulawula kabye hi lirimi la xiHeberu, va la su tiwitiwi bhi. Yena aku ngalo:

³Mina nzi muJuda; nzi pswalelwe Tarsusi wa le Kilikia, kanilezi nzi wundlelwe mutini lowu milengeni ya Gamalieli, nzi gonziswa ku tiva khwatsanyana a nayo wa vakoko va hina, na nzi pangamela Nungungulu, kota lezi nwina nwentlhe mu mahako inyamutlha. [400]

⁴Nzi wa hi muxanisi wa Ndlela leyi nzi lava ku yi daya, nzi boha vavanuna ni vavasati nzi va yisa paxweni. [401]

⁵A mupristi wa hombe wa zi kota ku nzi mahela wukustumunyu mhakeni leyi, zinwe ni hlengeletano yontlhe ya masingalakati; hakuva va lo nzi nyika a mapapilo ma tsalelweko a va ka hina le Damasku; zonake nzi loya kona a kuva nzi ya va boiia lava va nga hi leyo, nzi wuya navo le Jerusalema, kasi ku ta tsayiswa. [402]

⁶Ku te laha nzi nga kari nzi famba, kusuhani ni ku chikela Damasku, hi xikhati xa hlikanhi, hi xitshuketi nzi lo ranzelwa hi kuhatima ka hombe ka le tilweni. [403]

⁷Nzi lowa lahasi, nzizwa a gezu, giku ka mina: Saule, Saule, hi yini u nzi xanisako ke?

⁸Nzi lo hlamula nziku: Hi wena mani Hosi ke? Yena aku ngalo ka mina: Hi mina Jesu wa le Nazareta loyi u mu xanisako.

⁹Lava va nga hi zinwe na mina, va lo wona a kuhatima loko, kanilezi a gezu ga loyi a nga wulawula ka mina a va gi zwangi. [404]

¹⁰Mina nzi te ngalo: Nzi ta maha yini Hosi ke? A Hosi yiku ngalo ka mina: Suka uya le Damasku, u ta ya byeliwa kona zontlhe lezi u faneleko ku zi maha.

¹¹Laha nzi nga tsanzeka ku wona hi kota ya kungangamela ka kuhatima loko, lava nzi nga hi navo va lo nzi koka hi canja, nzi kala nzi chikela le Damasku.

¹²Ananiasi loyi a nga chava Nungungulu ni ku pinyamela nayo, loyi a khesiwako hi vaJuda vontlhe lava va akileko leyo, [405]

¹³i lota ka mina, a ta yima reveni ga mina, aku ngalo: Saule makabye, tlhela u wona. Hi xikhati xwalexo nzi lo vululeka mahlo nzi mu wona.

¹⁴Yena aku: Nungungulu wa vakoko va hina i ku hlawule a kuva u tiva a kuranza kakwe, u wona loyi wa Kululama, ni kuzwa a gezu ga nomu wakwe. [406]

¹⁵Hakuva u tava kustumunyu wakwe mahlweni ka vanhu vontlhe, u va byela lezi u zi wonileko ni ku zizwa. [407]

¹⁶Makunu wa ha hlwelela yini wena ke? Suka u bapatizwa, u hlaziwa a zionho za wena, na u kari u khongela vitweni gakwe. [408]

¹⁷Ku te laha nzi nga wuyile la Jerusalema, na nzi hi lomu tempeleni nzi khongela, nzi lo wutliwa moyeni,

¹⁸nzi lo mu wona, aku ka mina: Hatlisa, u suka Jerusalema; hakuva va nga ta amukela lezi u kustumunyako ha mina. [409]

¹⁹Mina nzi te ngalo: Hosi, va zi tiva vona venyi, lezaku nzi wa va khotsela paxweni, nzi vaba masinagogeni wontihe lava va kholwako ka wena;

²⁰ni laha ku nga halatwa a nkhata wa Stefani a kustumunyu wa wena, minawu nzi wa yimile kwalaho, nzi vumela a ntiro wa kona, na nzi hlayisa a tinguwo ta lava va nga mu daya. [410]

²¹Aku ngalo ka mina; Famba, hakuva nzi ta ku rumela kule, uya ka vamatiko. [411]

²²Vona va lo mu ingisa a kala a wula mhaka leyi; zonake va lo tlakusa a magezu yabye, vaku ngalo: Mu suseni misaveni a munhu wa kunghahi; hakuva a nga faneli ku hanya. [412]

²³Kota lezi va nga kanyuluka, va lo tlhatlha tinguwo tabye, va palatela ntshuri le hehla.

²⁴A nduna yi lo laya lezaku Paule a engheniswa xikanekisweni, yiku a hlolwe hi kuxupulwa, kasi yi fela ku tiva a mhaka leyi va nga mu kanyulukela ha yona.

²⁵Laha va nga mu bohile hi tisinga, Paule i te ngalo ka nduna ya zana leyi yi yimileko laho: Xana ma vumelwa a ku xupula a muRoma na a nga se ku koneka ke? [413]

²⁶Laha a nduna ya zana yi nga zi zwile, yi loya ka nduna ya hombe, yi ya yi byela yiku: Xana u lava ku maha yini ke? Hakuva munhu loyi muRoma.

²⁷A nduna ya hombe yi lota yi taku ngalo ka Paule: Nzi byele, wena u muRoma ke? Aku ngalo: Ina, nzi yena.

²⁸A nduna ya hombe yi lo hlamula, yiku: A wusumbulwa legi nzi gi xavile hi mali yo tala. Paule aku ngalo: Kanilezi mina nzi muRoma hi kupswalwa.

²⁹Lava va nga lava ku mu hlola hi ku muba va lo suka hi xihatla; na yona nduna ya hombe yi lo chava laha yi nga zi tiva lezaku muRoma, ni lezi yi nga wa mu bohile.

³⁰Kanilezi hi manziko wa kona, na yi lava ku tiva a zinene za mhaka leyi Paule a nga kecariwa ha yona hi vaJuda, yi lo mu tlhatlha, yi laya a vapristi va hombe ni hubye yontlhe a kuva va tsombana, zonake yi lo tisa Paule, yi mu yimisa mahlweni kabye.