Read tshwa Mitiro 26 Bible Online

Mitiro 26 - tshwa bible

Mitiro 26

¹Agripa aku ngalo ka Paule: Wena u vumelwe a kuva u ti hlamulela ba wece. Zonake Paule i lo nawuluta canja, a ti hlamulela, aku:

²Hosi Agripa, nzi na ni thomo loku nzi ti hlamulela nyamutlha mahlweni ka wena, hi timhaka tontlhe leti nzi kecariwako ha tona hi vaJuda.

³Nguvunguvu hakuva wa yi tiva khwatsi a mikhuwo ya xijuda, ni timhaka leti va kanetisanako ha tona: hikwalaho nza ku khongotela lezaku u nzizwa hi lihlaza-mbilu.

⁴A hanyela ga mina, legi nzi nga hanya ha gona xikari ka va ka hina, ni le Jerusalema, kusukela wusweni ga mina, va gi tiva vontlhe vaJuda.

⁵Loku va vumela ku kustumunya va zi tiva hi kale, lezaku nzi wa hi ni mahanyela ya wuFarisi, ma nga wone ma hunzako wontihe a kukhozeleni ka hina. [450]

⁶Makunu nzi yimile laha nzi kecariwa hi kota ya ku tsumba a xitsumbiso lexi a vakoko va hina va tsumbisilweko xona hi Nungungulu; [451]

⁷xi nga xitsumbiso lexi a tixaka ta hina ta khume ni timbiri ti tsumbako ku nyikiwa xona na ti pinyatnile ku khozela Nungungulu a mumu ni wusiku. Hosi Agripa, mina nzi kecarilwe hi vaJuda hi kota ya kutsumba loko. [452]

⁸Hikuyini mu nga zi kotiko ku kholwa lezaku Nungungulu a vuxa a vafileko ke?

⁹Hakunene nzi lo alakanya lezaku nzi yimelwe hi kuvukelaa vito ga Jesu wa le Nazareta, [453]

¹⁰hi lezo nzi nga zi maha le Jerusalema. Nzi lo valela vanyingi va vobasa lomo mapaxweni, na nzi nyikiwa ntamu hi vapristi va hombe; ni laha va nga dawa nzi lo vumela nziku, a va dawe. [454]

¹¹Lomu masinagogeni wontihe nzi lo va tsayisa zikhati zinyingi, nzi ringa ku va kurumeta a kuva va rukatela; na nzi zangarile nguvu ha vona, nzi lo va xanisa ni le mitini ya vamatiko. [455]

¹²Hi lezo nzi nga yela zona le Damasku, na nzi hi ni ntamu ni kulayiwa hi vapristi va hombe. [456]

¹³Nzi wa hi laha ndleleni ni hlikanhi, Hosi, nzi lo wona a kuhatima ka le tilweni, ko hunza a kungangamela ka gambo, ku nzi renzelekela ni lava va nga hi pfhumba ginwe na mina.

¹⁴Laha hi nga wa wile hasi hontlhe, nzi lozwa a gezu giku ka mina hi lirimi la xiHeberu: Saule, Saule, hi yini u nzi xanisako ke? Za tsanza ka wena ku vindla mbhanya.

¹⁵Mina nzi te ngalo; Hi wena mani, Hosi, ke? A Hosi yiku ngalo: Hi mina Jesu loyi u mu xanisako.

¹⁶Kanilezi suka, u yima hi milenge ya wena; hakuva nzi ti kombisile ka wena kasi nzi ku yimisa a kuva nanza ga mina, tlhelo kustumunyu wa lezi u zi wonileko, ni wa zilo lezi nzi ta nga ti kombisa ka wena ha zona. [457]

¹⁷Nzi ta ku hlanguta ka vanhu va wena, ni ka vamatiko lava nzi ku rumelako ka vona, [458]

¹⁸a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. [459]

¹⁹Makunu, wena hosi Agripa, nzi wa nga hi na ku kaneta a xiwoniso xa le tilweni;

²⁰kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. [460]

²¹Hi tona timhaka leti vaJuda va nzi khomeleko tona le tempeleni, va lava ku nzi daya. [461]

²²Kanilezi lezi nzi kumileko a kuvuniwa hi Nungungulu, nza ha yimile kala nyamutlha, nzi kustumunya ka vatsongwani ni ka vahombe, na nzi nga wuli nchumu ahandle ka lezi a vaprofeti na Mosi va ngaku zi ta maheka. [462]

²³Lezaku Kristu i yimelwe hi kuxaniseka, ni kuva wo ranga a ku vuka kufeni, aba hungu hi kuwonekela ka vanhu va hina ni ka vamatiko. [463]

²⁴Na a ha ti hlamulela kota lezo, Festu aku ngalo hi gezu ga hombe: Paule, u hungukile, a wutivi ga wena ga hombe ga ku hungukisa. [464]

²⁵Paule aku; A nzi hungukangi, Festu a dumileko nguvu; nzi kanela a timhaka ta zinene ni kupima.

²⁶Wena hosi wa ti tiva khwatsi a timhaka leti nzi wulawulako ha tona hi kutlhatlheka; hakuva nza tsumba lezaku a ku kona ni yinwe ya tona u yi kohlwako; hakuva zontlhe lezi a zi mahiwangi wukumbini.

²⁷Hosi Agripa, wa kholwa vaprofeti ke? Nza zi tiva lezaku wa va kholwa.

²⁸Agripa aku ngalo ka Paule: Hi timhaka ti tsongwani u lava ku nzi kholwisa nzi maha muKristu.

²⁹Paule aku ngalo: Hambu ti hi ti tsongwani kutani to tala, nza kombela ka Nungungulu lezaku ku nga hi wena wece, kanilezi ni vontlhe lava va nzi zwako nyamutlha, ngha mu kota mina, ahandle ka lezi ziboho. [465]

³⁰Agripa i lo suka, ni hosi, na Bernike, ni lava va tshamileko navo.

³¹Laha vona va nga tsawukile, va lo wulawulisana, vaku: Loyi munhu a nga mahangi nchumu xi faneleko kufa kutani makhotso. [466]

³²Agripa aku ngalo ka Festu: Loyi munhu ngha a tlhatlhiwa loku a nga yisangi a mhaka yakwe ka Kesari. [467]