Read tshwa Mitiro 28 Bible Online

Mitiro 28 - tshwa bible

Mitiro 28

¹Laha hi nga wa ponile, hi kona hi nga zi tiva lezaku a xihlale xi vitiwa Melita. [478]

²A vaaki va kona va lo hi kombisa a wuxinji ga hombe; hakuva va lo dzivela nzilo, va hi amukela hontlhe, hakuva ku wa hi ni vula ni xirami.

³Kanilezi laha Paule a nga wungeletele a mahlahla, a ma chela nzilweni, ku lo huma a nyoka hi kota ya kukufumela, yi namarela canjeni gakwe.

⁴Laha a vaaki va tiko lego va nga wona a xihari xi lengalenga canjeni gakwe, vaku ngalo: Hakunene, munhu loyi mudayi, loyi hambu lezi a ponileko bimbini a Muphoti a nga mu vumeli lezaku a hanya.

⁵Kanilezi yena i lo yi nwatsekela lomo nzilweni, a ngazwi kubayisa. [479]

⁶Vona va wa langutele lezaku i ta vimba, kutani awa hasi afa hi xitshuketi; kanilezi laha na va cuwukele a xikhati xa hombe, va wona lezaku a ku humi mhango ya nchumu, va lo hunzuluka, vaku: I Nungungulu. [480]

⁷Ku wa hi kona kusuhi ni wutshamu lego, a zipetso za munhu wa hombe wa xihlale, a vito gakwe hi Pu-bliu; yena i lo hi amukela, a hi rurela khwatsi a masiku manharu.

⁸A raru wa Publiu i wa kari a babya hi feveri ni nyokani; Paule i lo enghena ka yena, a khongela na a mu tlhateka mandla, a mu hanyisa. [481]

⁹Laha ku nga wa mahekile lezo, vontlhe lava va nga hi ni tinghumbe lomo xihlaleni va lota, va ta hanyiswa.

¹⁰Va lo hi bonga hi zilo zo tala, ni laha hi nga suka kona va lo hi nyika lezi hi nga wa zi vumala. [482]

¹¹Anzhako ka tihweti tinharu hi lo suka hi famba hi taru ga le Alekzandria, legi gi nga wa tshamile mawuya-kaya lomo xihlaleni, gi nga hi ni mujeke wa Dioskuri.

¹²Na hi chikele Sirakuse hi lo tshama kona masiku manharu.

¹³Ku suka hi laho hi lo renzeleka, hi ya chikela Regiume; anzhako ka siku ginwe ku lo huma mheho ya le Dzongeni, hi chikela le Puteoli hi siku gi gamelako,

¹⁴laha hi nga kuma kona vamakabye lava va nga hi kombela ku tshama navo ntlhanu wa masiku ni mambiri; zonake hi lo chikela le Roma.

¹⁵A vamakabye va le Roma, na va zwile ha hina, va lo suka va hi khinga le mutini wa Apiu ni le Mahotela Manharu; laha Paule a nga va wona i lo bonga Nungungulu, a tiyahlana.

¹⁶Laha hi nga chikela le Roma, Paule i lo vumelwa ku tshama yece, zinwe ni sochwa legi gi mu rinzelako. [483]

¹⁷Anzhako ka masiku manharu, Paule i lo ramba a vahombe va vaJuda; laha va nga tsombene i te ngalo kabye: Vamakabye, hambu lezi nzi nga mahangiko nchumu xo vukela vanhu va hina, kutani a mikhuwo ya vadadani va hina, nzi lo khonʼwa le Jerusalema, nzi nyikelwa mandleni ya vaRoma.

¹⁸Loku va nzi hlolile va lo lava ku nzi tlhatlha, hakuva nzi wa nga hi na nanzu wa kufa. [484]

¹⁹Kanilezi laha a vaJuda va nga kaneta, nzi wa fanelwe hi ku yisa a mhaka ya mina ka Kesari; na ku nga hi lezaku nzi na ni nchumu wa ku kecara ha wona a tiko ga hina. [485]

²⁰Hikwalaho nzi mu vitanile a kuva nzi ta mu wona, nzi wulawula na nwina; hakuva nzi bohilwe hi mangenje laya hi kota ya kutsumba ka Israeli. [486]

²¹Vona vaku ngalo ka yena: A hi amukelangi a mapapilo hi le Judia ma hlawutelako ha wena, ge ni munwe wa vamakabye a nga tangi ku ta bika kutani ku wulawula nchumu xa kubiha ha wena.

²²Kanilezi ha zi ranza a kuzwa ha wena lezi u zi alakanyako; hakuva hi kukumbuka a lihunzu lolu, ha zi tiva lezaku la kanetiwa matlhelweni wontihe. [487]

²³Laha vona va nga mu yimisele a siku, va lota ndlwini yakwe na va hi Vanyingi; yena i lo tlhamusela hi mufumo wa Nungungulu, a kustumunya ha wona, na a va pimisa hi Jesu hi le nayweni wa Mosi ni vaprofeti, a sangula ni mixo ku kala laha gambyeni. [488]

²⁴Vanwani va lo kholwa lezi zi nga wa kanelwe, kanilezi vanwani a va kholwangi.

²⁵Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

²⁶Famba ka tiko legi u yaku ngalo: Hi kuzwa mu tazwa, kanilezi mu nga ta zi pima, Ni ku wona mu ta wona, kanilezi mu nga ta zi tiva. [489]

²⁷Hakuva a mbilu ya tiko legi yi nonohile, A tindleve ta gona ta nonoka ku ingisa, A mahlo yabye va tsimbile, Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. [490]

²⁸Hikwalaho ngha zi tiveka ka nwina, lezaku a kuhanvisa loku ka Nungungulu ku rumelwe ka vamatiko, vona va ta ingisa. [491]

²⁹Loku a va byelile lezo, a vaJuda va lo suka, na va kari va kanetisana xikari kabye.

³⁰Zonake Paule i lo pinzuka malembe mambiri lomu ndlwini leyi a nga ti lugarele, a amukela vontlhe lava va ngata kakwe,

³¹na a kanela hi mufumo wa Nungungulu, a gonzisa a timhaka ta Hosi Jesu Kristu hi kutiya kontlhe, na a nga tsimbetelwi hi munhu. [492]