Read tshwa Va le Roma 15 Bible Online

Va le Roma 15 - tshwa bible

Va le Roma 15

¹Makunu hina lava hi nga ni ntamu hi yimelwe hi ku rwala a gome ga lava va nga hiko na ntamu, hi nga tsakisi a wutsumbu ga hina ntsena. [255]

²Ngha na munwe ni munwani a tsakisa a waakelane wakwe hi lezi zi nene, lezi zi mu akako. [256]

³Hakuva na yena Kristu a nga ti tsakisangi; kanilezi khwatsi hi lezi ku tsalilweko, ku ngalo: A ziruko za lava va ku rukatelako zi wele hehla ka mina. [257]

⁴Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. [258]

⁵Makunu ngha Nungungulu wa kutiya ni kuchavelela a mu nyika a kuva ni mbilu yinwe ka Kristu Jesu, [259]

⁶lezaku kasi mu dumisa Nungungulu tlhelo Raru wa Hosi ya hina Jesu Kristu hi mbilu yinwe ni nomu munwe.

⁷Hikwalaho amukelanani kota lezi Kristu a mu amukeleko, kuva kudumiswa ka Nungungulu. [260]

⁸Hakuva mina nza mu byela lezaku Kristu i lo maha nanza ga lava va zitshiva, kasi ku kombisa a zinene za Nungungulu, ni ku tiyisa a zitsumhiso lezi va nga tsumbisiwa zona a vakokwani; [261]

⁹ni lezaku a vamatiko va fela ku dumisa Nungungulu hi kota ya wuxinji gakwe; kota lezi ku tsalilweko, ku ngalo: Hikwalaho nzi ta ku dumisa xikari ka vamatiko, Nzi yimbelela a vito ga wena. [262]

¹⁰Kambe ku ngalo:. Nwina vamatiko, nengelani zinwe ni vanhu vakwe. [263]

¹¹Ni lezaku: Dumisani Hosi, nwentlhelele nwina vamatiko, Ngha na vanhu vontlhe va dumisa yona. [264]

¹²Na Isaya i ngalo: Ku ta baleka ximilwa mutswini wa ka Jese, Loyi a ta ngata ku ta fumela a vamatiko; A vamatiko va ta tsumba ka yena. [265]

¹³Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

¹⁴Vamakabye va mina, minawu nza kholwa lezaku nwina mu tele hi wunene, ni ku tala hi kutiva kontlhe, ma zi tiva ku lulekana. [266]

¹⁵Kanilezi nzi mu tsalele hi kutiyahlana, nzi mu alakanyisa kambe hi timhaka tinwani, hi kota ya tipswalo leti nzi nyikilweko tona hi Nungungulu; [267]

¹⁶lezaku nzi tava xitiri xa Jesu Kristu xikari ka vamatiko, nzi khozela kota mupristi wa ivangeli ya Nungungulu, lezaku a vamatiko vave a munyileko wu amukelekako, na wu basisilwe hi Moya wa ku Basa. [268]

¹⁷Hikwalaho nza ti kulisa ka Kristu Jesu a ntirweni wa Nungungulu. [269]

¹⁸Hakuva nza chava ku wulawula hi nchumu, sine lezi Kristu a zi mahileko ha mina hi kukanela ni mitiro, lezaku a vamatiko va fela ku ingisa; [270]

¹⁹zi mahiwa hi ntamu wa ziwoniso ni masingita, a ntanwini wa Moya wa ku Basa. Nzi kanele ivangeli ya Kristu kusukela Jerusalema ni matlhelweni ya kona nzi kala nzi chikela Ilurikumi. [271]

²⁰Nzi wa xuva ku kanela ivangeli ntsena lomu a vito ga Kristu gi kalako gi nga se ku tibyiwa, lezaku nzi nga aki xiseketelweni xa munwani munhu. [272]

²¹Khwatsi hi lezi ku tsalilweko ku ngalo: Vona lava va nga bikelwangiko ha yena va ta wona, Ni lava va nga se kuzwa ha yena va ta pima. [273]

²²Hi kota ya lezi nzi thindekisilwe zikhati zinyingi a ku mu enzela. [274]

²³Kanilezi makunu, kota lezi nzi nga ha hiko na ntiro ka matiko laya, ni kota lezi nzi xuvileko wontihe laya malembe a kuta ka nwina, [275]

²⁴nza tsumba lezaku nzi ta mu enzela loku nziya Espanya. Nzi ta mu wona loku nzi hunza laha ka nwina, zonake mu ta nzi heleketa kona, anzhako ka kuva na nzi kolilwe hi ku wonana na nwina. [276]

²⁵Kanilezi makunu nza haya Jerusalema, nzi ya tirela a vobasa. [277]

²⁶Hakuva a va le Makedonia ni va le Akaia va xuvile ku maha hlengo, kasi ku vunetela lava va vumalako xikari ka vobasa va le Jerusalema. [278]

²⁷Va tsakile ku maha lezo, kota lezi va nga ni nanzu ka vona. Hakuva loku a vamatiko va avelwe a makatekwa yabye ya ka moya, va yimelwe hi ku va tirela hi kufuma kabye ka misava. [279]

²⁸Hikwalaho loku nzi ngha nzi hetile lexi, na nzi nyikele mandleni yabye a hlengo lowo, nzi ta hunza hi laho ka nwina nziya Espanya. [280]

²⁹Nza zi tiva lezaku loku nzita ka nwina, nzi tata na nzi hi ni makatekwa wontihe ya Kristu. [281]

³⁰Makunu nza mu khongotela, vamakabye, hi Hosi ya hina Jesu Kristu, ni liranzo la Moya, lezaku mu hlengela na mina a kulwa hi mikhongelo ka Nungungulu ha mina; [282]

³¹a ku kasi nzi fela ku poniswa ka lava va nga kholwiko le Judia, ni lezaku a hlengo lowu nzi wu yisako wona le Jerusalema wu fela ku amukeleka ka vobasa; [283]

³²lezaku kasi nzi fela kuta ka nwina hi kutsaka hi kota ya kuranza ka Nungungulu, nzi ta humula zinwe na nwina. [284]

³³Makunu ngha Nungungulu wa kurula ave na nwina nwentlhe. Amen.