Read tshwa Va le Roma 16 Bible Online

Va le Roma 16 - tshwa bible

Va le Roma 16

¹Nza mu tivisa ha Febe, a makweru wa hina, loyi a nga xitiri xa bandla legi gi nga le Kenkrea; [285]

²lezaku mu mu amukela Hosini kota lezi zi faneleko vobasa, ni kuya mu mu vuna ka zontlhe lezi a ta nga zi lava ka nwina; hakuva yenawu i vunetele vanyingi, na minawu kambe. [286]

³Rungulani Prisika na Akwila, a zitiri-kulori ka Kristu Jesu, [287]

⁴lava va nga hi lomu mhangweni ya kufa kasi ku ponisa wutomi ga mina. A hi mina nzoce nzi va bongako, kanilezi ni mabandla wontihe ya vamatiko.

⁵Rungulani ni bandla legi gi nga lomu ndlwini yabye. Mu rungula na Epenetusi a xiranzwa xa mina, loyi a nga mbhanzu wo ranga ka Kristu le Asia. [288]

⁶Rungulani Maria, loyi a nga tira nguvu xikari ka nwina. [289]

⁷Rungulani Andronikusi na Juniasi, a maxaka ya mina ni tiperesu-kulori, lava va dzunzekako khwatsi xikari ka vapostoli, lava va nga hi ka Kristu hi mahlweni ka mina. [290]

⁸Rungulani Ampliatusi, a ranzekako ka mina le Hosini.

⁹Mu rungula na Urbanusi a xitirikulori ka Kristu, na Stakusi a ranzekako ka mina.

¹⁰Rungulani Apelesi loyi a tiyileko ka Kristu. Mu rungula ni va ka Aristubulusi.

¹¹Rungulani Herodioni, a xaka ga mina. Mu rungula ni va ka Narkisusi, lava va nga Hosini.

¹²Rungulani Trifena na Trifosa, lava va tirako Hosini. Mu rungula na Persisi a ranzekako, loyi a tirako nguvu Hosini.

¹³Rungulani Rufusi a hlawulilweko Hosini, ni nyine wakwe loyi a nga mamani wa minawu. [291]

¹⁴Rungulani Asinkritusi, na Flegoni, na Hermesi, na Patrobasi, na Hermasi ni vamakabye va nga zinwe navo.

¹⁵Rungulani Filologusi na Julia, Nereusi ni makabye wakwe, na Olimpasi, ni vontlhe a vobasa lava va nga zinwe navo.

¹⁶Losanani hi kupswopswana ko basa. A mabandla wontihe ya Kristu ma mu rungula. [292]

¹⁷Makunu nza mu khongotela vamakabye, a kuva mu ti wonela ka lava va vangako kuhambana ni zikhunguvanyiso, hi ku hambunyeta a gonzo leyi mu gonzileko yona; mu nga hlengeli navo. [293]

¹⁸Hakuva a va kunghahi a va tireli a Hosi ya hina Kristu, kanilezi va tirela a rumbu gabye ntsena; va xengetela lava va nga hiko na nanzu hi timhaka tabye to saseka ni kunanziha. [294]

¹⁹Hakuva a kuingisa ka nwina ku la su gafe ka vanhu vontlhe. Hikwalaho nza tsaka ha nwina, kanilezi nza lava a kuva mu tlhariha zilweni zo saseka, muva lava va nga tlharihangiko ka lezo za kubiha. [295]

²⁰Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

²¹Timote a xitiri-kulori wa mu rungula; na Lukiusi, na Jasoni, na Sosipateri, a maxaka ya mina. [296]

²²Mina Tertiusi, a mutsali wa legi papilo, nza mu rungula Hosini.

²³Gaiusi, loyi a nzi rureleko, zinwe ni bandla gontlhe, wa mu rungula. Erastusi a mukhomi wa bako ga muti wa mu rungula, ni makabye Kwartusi. [297]

²⁴A tipswalo ta Hosi ya hina Jesu Kristu a tive na nwina nwentlhe. Amen.

²⁵A ka yena loyi a zi kotako a ku mu tiyisa ka ivangeli leyi nzi yi kanelako, ni kugonziseni ka Jesu Kristu, ni kuvululwa ka fihlakalo lowu wu nga thumbetilwe xikhatini xa kaleloko, [298]

²⁶kanilezi makunu yi wonekelisilwe hi Mitsalo ya vaprofeti, khwatsi hi kulaya ka Nungungulu wa pinzukelwa, yi tibyisilwe ka matiko wontihe kuva kuingisa ka kukholwa; [299]

²⁷a ka Nungungulu loyi a tlharihileko yece, a kuve wudzunzo ha Jesu Kristu kala kupinzuka. Amen.