Read tshwa 1 Va le Korinte 2 Bible Online

1 Va le Korinte 2 - tshwa bible

1 Va le Korinte 2

¹Laha nzi ngata ka nwina, vamakabye, a nzi tangi na nziba hungu hi fihlakalo wa Nungungulu hi kuwulawula ku tlakukileko ni wutlhari. [24]

²Hakuva nzi wa tiyisile lezaku nzi nga ta tiva nchumu xikari ka nwina, ntsena yena Jesu Kristu, loyi a nga belelwa. [25]

³Laha nzi nga hi kona xikari ka nwina nzi wa hi ni gome, ni kuchava ni kururumela ka hombe. [26]

⁴A kuwulawula ka mina ni kukanela ka mina ku wa nga hi na magezu ya wutlhari ma wongako, kanilezi ku lo tiyiswa hi Moya ni ntamu; [27]

⁵kasi a kukholwa ka nwina ku nga seketelwi hi wutlhari ga vanhu, kanilezi hi ntamu wa Nungungulu. [28]

⁶Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. [29]

⁷Hina hi wulawula a wutlhari ga Nungungulu gi nga fihlakalo, a wutlhari legi gi fihlilweko, legi Nungungulu a nga gi yimisela a wudzunzo ga hina, a tinguva na ti nga seva kona. [30]

⁸A wutlhari legi a tihosi ta nguva leyi a ti gi tivi; hakuva loku ti wa gi tivile, ngha ti nga belelangi a Hosi ya kungangamela. [31]

⁹Kanilezi hi kanela kota lezi ku tsalilweko ku ngalo: A zilo lezi zi nga woniwangiko hi tihlo, ni ndleve yi nga zi zwangiko, Lezi zi nga alakanyiwiko mbilwini ya munhu, Zalezo Nungungulu i zi longisele vona lava va mu ranzako. [32]

¹⁰Hakuva Nungungulu i zi wonekelisile ka hina hi Moya wakwe; hakuva a Moya wu kamba zilo zontlhe, ina ni zilo zi etileko za Nungungulu. [33]

¹¹Hakuva hi wihi xikari ka vanhu a tivako a za munhu, loku wu nga hi wona moya wa munhu lowu wu nga ka yena? Hizalezo ni maalakanyo ya Nungungulu, a nga kona a ma tivako, sine Moya wa Nungungulu. [34]

¹²Kanilezi a hi amukelangi a moya wa misava, kanilezi a Moya lowu wu humako ka Nungungulu; lezaku hi fela ku tiva a zilo lezi hi nyikilweko zona hi Nungungulu. [35]

¹³Kanilezi a zilo lezi, a hi wulawuli ha zona hi magezu ma gonziswako hi wutlhari ga vanhu, kanilezi hi magezu hi gonziswako wona hi Moya; kasi ha tlhamusela a zilo za ka Moya hi magezu ya ka Moya. [36]

¹⁴Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. [37]

¹⁵Kanilezi loyi a nga wa moya wa pima zontlhe, yena wutsumbu a nga pimiwi hi munhu. [38]

¹⁶Hakuva himani a ku tivileko a kupima ka Hosi, lezaku a kala a yi gonzisa ke? Kanilezi hina hi na ni kupima ka Kristu. [39]