Read tshwa 1 Va le Korinte 5 Bible Online

1 Va le Korinte 5 - tshwa bible

1 Va le Korinte 5

¹Ku zwele kontlhe lezaku gi kona wubhayi xikari ka nwina, a wubhayi legi gi nga tibyiwiko ni xikari ka vamatiko, lezaku munwe wa nwina i tekile a sati wa raru wakwe. [68]

²Hambu lezoke mu kukumukile, ku wa fanekele a ku ngha mu xaniseka, lezaku kasi a hlongolwa xikari ka nwina loyi a mahileko lezo.

³Kunene, hambu nzi nga hi kona hi miri, kanilezi nzi kona xikari ka nwina hi moya, nzi mu lamulile loyi a mahileko lezo, aku khwatsi hi loku nzi hi kona. [69]

⁴Hi wa tsombene a vitweni ga Hosi ya hina Jesu, nwina ni moya wa mina; hi ntamu wa Hosi ya hina Jesu, [70]

⁵hi wa nyikele a munhu loye ka Satani, kasi a nyama yakwe yi mbhetiswa, lezaku a moya wu fela ku hanyiswa hi siku ga Hosi Jesu. [71]

⁶A kutidzunza ka nwina a ku saseki. A mu zi tivi lezaku a comelo gi tsongwani ga vilisa mapa wontihe ke? [72]

⁷Susani a comelo ga kale, lezaku kasi ma fela kuva mbila yiswa, lezi mu nga cheliwangiko comelo. Hakuva a pasika ya hina yi tlhabyilwe, leyi yi nga Kristu. [73]

⁸Hikwalaho a hi hlayiseni a mubuzo wa kona, na ku nga hi comelo ga kale, hambu hi comelo ga livengo ni kubiha; kanilezi hi xibaba xi nga comelwangiko xa kuhlazeka ni zinene. [74]

⁹Nzi mu tsalele papilweni ga mina a kuva mu nga mahi wunghana ni zibhayi; [75]

¹⁰a nzi wuli lezaku mu tsawukana magumo ni zibhayi za misava, kutani ni lava va navelako, ni makhamba, kutani ni vakhozeli va zifananiso; hakuva mu wa ta suka misaveni. [76]

¹¹Kanilezi nzi mu tsalela lezaku loku a hi kona munhu loyi a vitwako makabye na hi xibhayi, kutani munaveli, kutani mukhozeli wa zifananiso, kutani murukateli, kutani xidakwa, kutani khamba; mu nga mahi wunghana naye, ge, hambu kuga naye. [77]

¹²Hakuva nzi ta sungwa ha yini a ku lamula lava va nga lahandle ke? Nwina mu fanele ku lamula lava va nga lomu bandleni, [78]

¹³kanilezi Nungungulu i ta lamula lava va nga lahandle. Hlongolani a munhu wa kubiha xikari ka nwina. [79]