Read tshwa 1 Va le Korinte 8 Bible Online

1 Va le Korinte 8 - tshwa bible

1 Va le Korinte 8

¹Makunu xungetano ni lezi zi phahlelweko zifananisweni, ha zi tiva lezaku hontlhe hi na ni kutiva. A kutiva ka kukumukisa, kanilezi liranzo la aka. [118]

²Loku a munhu a alakanya lezaku wa tiva nchumu, a nga se nga tiva kota lezi a faneleko a ku tiva. [119]

³Kanilezi loku munhu a ranza Nungungulu, yaloye wa tibyiwa hi yena. [120]

⁴Hikwalaho xungetano ni kuga a zilo zi phahlelweko zifananisweni, ha zi tiva lezaku a xifananiso a hi nchumu laha misaveni, ni ku ngalo, a ku kona Nungungulu mumbe, munwe ntsena. [121]

⁵Hakuva hambu va hi kona lava va vitiwako lezaku vanungungulu le tilweni kutani misaveni, kota lezi ku nga kona “vanungungulu” vanyingi ni “tihosi” tinyingi; [122]

⁶kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. [123]

⁷Ahembalokoke, a vanhu vontlhe a va na kutiva loko; kanilezi a vanwani lava va toloveleko a zifananiso ni lezi, vaga a nyama yi phahlelweko zifananisweni na va kari va zi tiva; zonake a livalo labye leli li nga ni gome li nyenyeziswa.

⁸Kanilezi a zakuga a hi xilo hi nga tsakisako Nungungulu ha xona; loku hi ngagi, a hi lahlekelwi hi nchumu; hambu loku higa, a hi na chukwana wa nchumu.

⁹Kanilezi tlharihani, hakuva a kutlhatlheka ka nwina ku nga dzuka ku maha xikhunguvanyiso ka lava va nga ni gome.

¹⁰Hakuva loku munhu a ku wona, wena loyi u nga ni kutiva, na u tshamile a kugeni lomu tempeleni ya xifananiso, xana a livalo lakwe loyi a nga ni gome li nga ta tiyisiwa a kuva aga na yenawu lezi zi phahlelweko zifananisweni ke?

¹¹Zonake a makabye loyi a nga ni gome, loyi Kristu a mu feleko, i ta lova hi kota ya kutiva ka wena.

¹²Loku mu onhela vamakabye kota lezo, mu bayisa a livalo labye leli li nga ni gome, zonake mu onha ka Kristu. [124]

¹³Hikwalaho loku a makabye wa mina a khubeka hi kota ya zakuga, cima nzi nga ta haga nyama kala rini, kasi nzi nga mahi makabye wa mina a khubeka.