Read tshwa 2 Va le Korinte 13 Bible Online

2 Va le Korinte 13 - tshwa bible

2 Va le Korinte 13

¹Lexi hi xikhati xa wunharu na nzita ka nwina. Timhaka tontlhe ti ta tiyiswa hi milomu ya vakustumunyu vambiri kutani vanharu. [168]

²Nzi sina nzi mu byelile laha nzi nga hi xikari ka nwina hi xikhati xa wumbiri, ni zalezi nzi nga kule, nza mu byela kambe na nzi nga se ngata, nzi tivisa lava va onhileko kale, ni lava vanwani vontlhe, lezaku loku nzita kambe nzi nga ta ta tsetselela munhu; [169]

³hilezi nwina mu lavako xiwoniso xo komba lezaku Kristu i wulawula ka mina, loyi a nga hiko na gome hi tlhelo ga nwina, kanilezi i na ni ntamu xikari ka nwina. [170]

⁴Hakuva hambu lezi a nga belelwa hi kota ya gome, yena wa hanya hi ntamu wa Nungungulu. Hakuva na hina hina ni gome ka yena, kanilezi hi ta hanya zinwe naye hi ntamu wa Nungungulu xikari ka nwina. [171]

⁵Ti hloteni wutsumbu ga nwina, mu wona loku mu hi kona kukholweni; ti kambeni wutsumbu ga nwina. Kutani a mu zi tivi nwina lezaku Jesu Kristu i kona ka nwina ke? Loku zi nga hi tano a mu na ku amukeleka. [172]

⁶Kanilezi nza tsumba lezaku mu ta zi tiva ku ngalo hina a hi lava va nga amukelekiko.

⁷Makunu hi khongela ka Nungungulu lezaku mu nga mahi kubiha, na ku nga hi lezaku hina hi fela ku woneka na hi amukeleka, kanilezi lezaku kasi nwina ma fela ku maha zinene, hambu loku hi ku khwatsi a hi na ku amukeleka. [173]

⁸Hakuva a hi na ntamu ku maha nchumu xo vukela zinene, kanilezi hi nawo wa ku yimela zinene.

⁹Hina hi tsakile loku hi hi ni gome, na nwina mu hi ni ntamu; hi zona lezi hi khongelelako zona, kona kumbheleliswa ka nwina. [174]

¹⁰Hi kota ya lezo nzi tsala timhaka leti na nza hi kule, kasi loku nzi chikele nzi nga mahi hi lunya, kotisa a ntamu lowu a Hosi yi nga nzi nyika wona a kuva nzi aka, na ku nga hi ku khungumula. [175]

¹¹Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. [176]

¹²Losanani hi kupswopswa ka kubasa.

¹³Vontlhe lava vobasa va mu rungula.

¹⁴A tipswalo ta Hosi Jesu Kristu, ni liranzo la Nungungulu, ni kutlhangana ka Moya wa ku Basa, a zive na nwina nwenthle.