Read tshwa 2 Va le Korinte 2 Bible Online

2 Va le Korinte 2 - tshwa bible

2 Va le Korinte 2

¹Hakuva nzi wa tiyisile wutsumbyini ga mina lezaku nzi nga ta hata ka nwina kambe hi kuxaniseka. [23]

²Hakuva loku nzi mu chela wusiwana, zonake himani loyi a nga nzi tsakisako, loku ku nga hi yena loyi a nga cheliwa wusiwana hi mina ke?

³Mina nzi lo tsala lezi zilo, kasi loku nzi tile nzi nga tava ni wusiwana hi lava nzi faneleko ku tsaka ha vona, hakuva nzi wa tsumba lezaku a kutsaka ka mina kutsaka ka nwina nwentlhe. [24]

⁴Nzi lo mu tsalela na nzi hi ni kuxaniseka ka hombe ni kubayiseka ka mbilu zinwe ni mihloti yinyingi; na ku nga hi lezaku mu ta telwa hi wusiwana, kanilezi lezaku mu fela ku tiva a liranzo leli nzi mu ranzako ha lona. [25]

⁵Kanilezi loku a hi kona loyi a chelileko wusiwana, a nga zi mahangi ka mina, kanilezi hi tlhelo i chelile nwina nwentlhe (a nzi lavi ku tshingisa mhaka leyi). [26]

⁶Ku enele ka wa kunghahi a kutsayiswa loku a tsayisilweko ha kona hi laʼvanyingi.

⁷Lezo i chukwana mu tlhela mu mu tsetselela, mu mu chavelela; a nga dzuka a lova hi kota ya kuxaniseka kakwe ka hombe. [27]

⁸Hikwalaho nza mu khongotela lezaku mu vumelana a ku mu kombisa liranzo.

⁹Hakuva nzi lo mu tsalela kasi ku mu ringa, nzi fela ku tiva loku mu kari mu ingisa zilweni zontlhe.

¹⁰Loyi nwina mu mu tsetselelako, na minawu nza mu tsetselela; hakuva loku rizi tsetselele munhu nchumu, nzi mu tsetselele hi kota ya nwina a mahlweni ka Kristu,

¹¹kasi Satani a nga hi hluli; hakuva a hi kohlwi hi mano yakwe. [28]

¹²Laha nzi nga chikela le Troasi a ku kanela ivangeli ya Kristu, hambu lezi nzi nga vululelwe a nyangwa Hosini, [29]

¹³nzi wa nga hi na ku retsevele moyeni wa mina, hakuva nzi wa nga kumangi Titusi a makabye wa mina; nzi lo va salisa, nziya Makedonia.

¹⁴Kanilezi a ku bongiwe Nungungulu, loyi xontlhe xikhati a hi rangelako kuhluleni nzeni ka Kristu, loyi a zwatako ha hina a masema ya kutiva kakwe matshanwini wontihe.

¹⁵Hakuva hina hi masema yo nuhela ya Kristu mahlweni ka Nungungulu, xikari ka lava va hanyiswako ni ka lava va lovako.

¹⁶A ka vanwani hi masema ya kufa lawa ma vangako kufa, ni ka vanwani hi masema ya wutomi ma vangako wutomi. Himani a ringeneko lezi zilo ke?

¹⁷Hakuva a hi ku khwatsi hi lava vanyingi, lava va bihisako a mhaka ya Nungungulu; kanilezi hi kanela a mhaka ya Kristu Mahlweni ka Nungungulu khwatsi hi vanhu va mbilu yi basileko, na hi kurumetilwe hi Nungungulu.