Read tshwa 2 Va le Korinte 4 Bible Online

2 Va le Korinte 4 - tshwa bible

2 Va le Korinte 4

¹Kota lezi hi nga ni ntiro lowu, hi wuxinji legi hi mahelweko gona, a hi mbheli ntamu;

²kanilezi hi tsikile a zilo zi fihlilweko za tingana, a hi fambi hi mano, hambu ku bihisa a mhaka ya Nungungulu; kanilezi hi humesa zinene ziku dlunya, na hi ti yimela ka livalo la munhu munwe ni munwani mahlweni ka Nungungulu. [41]

³Loku a ivangeli leyi nzi yi kanelako yi fihlilwe, yi fihlilwe ka vona lava va lovako, [42]

⁴hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. [43]

⁵Hakuva a hi ti kaneleli a wutsumbu ga hina, kanilezi hi kanela lezaku Kristu Jesu i Hosi, na hina hi malanza ya nwina hi kota ya Jesu. [44]

⁶Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. [45]

⁷Kanilezi a tshomba leyi hi nga nayo, yi hlayiswa lomu ka zibya za wumba, kasi ku woneka lezaku a ntamu lowu wa hombe ngwa Nungungulu, wu nga hi wa hina wutsumbu. [46]

⁸Hi tsimbeketwa matlhelweni wontihe, kanilezi a hi swireki; ha kanganyiseka, kanilezi a hi mbheli ntamu.

⁹Ha xanisiwa, kanilezi a hi tsikelwangi magumo; hi bilwe, kanilezi a hi dawangi.

¹⁰Xontlhe xikhati hi rwele mirini wa hina a kufa ka Jesu, lezaku a wutomi ga Jesu gi ta wonekeliswa mirini wa hina. [47]

¹¹Hakuva hina lava hi hanyako hi masiku wontihe hi nyikelwa kufeni hi kota ya Jesu, kasi kambe a wutomi ga Jesu gi fela ku wonekeliswa mirini wa hina wa kufa.

¹²Hizalezo a kufa ku tira ka hina, kanilezi a kuhanya ku tira ka nwina.

¹³Kanilezi na hi hi ni walowo moya wa kukholwa, kota lezi ku tsalilweko, ku ngalo: Mina nza kholwa, hikwalaho nza wulawula; hina kambe ha kholwa, hikwalaho ha wulawula; [48]

¹⁴na hi tiva lezaku loyi a nga vuxa Hosi Jesu, i ta vuxa na hinawu zinwe na Jesu, a hi yimisa zinwe na nwina mahlweni kakwe.

¹⁵Hakuva zilo zontlhe zi mahelwa nwina, kasi a tipswalo na ti anzisilwe ka vanyingi, ti fela ku kulisa a wudzunzo ga Nungungulu.

¹⁶Hikwalaho a hi rereki; hambu loku a munhu wa hina wa lahandle a hlakala, a munhu wa hina wa lomu nzeni i mahiwa muswa masiku ni masiku.

¹⁷Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

¹⁸hakuva a hi languteli a zilo zi woniwako, kanilezi a zilo zi nga woniwiko; hakuva a zilo zi woniwako za xikhati lexi ntsena, kanilezi a zilo zi nga woniwiko za kupinzukela.