Read tshwa 2 Va le Korinte 7 Bible Online

2 Va le Korinte 7 - tshwa bible

2 Va le Korinte 7

¹Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. [76]

²Hi longiseleni a wutshamu timbilwini ta nwina; a hi gohelangi munhu, a hi bihisangi munhu, a hi kalavelangi munhu.

³A nzi wuli lezi hi ku lava ku mu kona; hakuva nzi sina nzi mu byelile lezaku mu lomu timbilwini ta hina, a kuva hi tshama zinwe a kufeni ni kuhanyeni.

⁴Nzi na ni kutsumba ka hombe ha nwina, nza ti kulisa nguvu hi kota ya nwina; nzi tele hi kutangala, nzi pupuma hi kutsaka kuxanisekeni kontlhe ka hina. [77]

⁵Hakuva a mimiri ya hina a yi kumangi kuhumula, hambu ni laha hi nga chikela Makedonia, kanilezi hi lo xaniseka matlhelweni wontihe; lehandle ku wa hi kona kulwa, ni lomu nzeni ku wa hi ni kuchava. [78]

⁶Ahembalokoke, Nungungulu loyi a chavelelako lava va karatekako, i lo hi chavelela hi kuta ka Titusi; [79]

⁷na ku nga hi kuta kakwe ntsena, kanilezi kambe hi kutangala loku a nga tangaliswa ha kona ka nwina. Yena i lo hi byela hi kunavela ka nwina ni kupangama ka nwina hi kota ya mina; laha ka kuva nzi engeta nzi tsaka.

⁸Hakuva hambu lezi nzi nga mu chela wusiwana hi papilo ga mina, a nzi ti soli hi lezo, hambu lezi nzi nga ranga nzi ti sola; hakuva nza wona lezaku a papilo lego gi lo mu chela wusiwana, hambu lezi ku nga hi xikhatanyana ntsena. [80]

⁹Makunu nza tsaka, na ku nga hi lezi mu nga cheliwa wusiwana, kanilezi hi lezaku a wusiwana ga nwina gi lo mu maha mu hunzuluka. Hakuva mu lo cheliwa wusiwana ga lixaka leli a li ranzako Nungungulu, lezo a mu lahlekelwangi hi nchumu hi kota ya hina.

¹⁰Hakuva a wusiwana legi a gi ranzako Nungungulu gi vanga kuhunzuluka, loku munhu a nga hiko na ku ti sola ha kona, hakuva ka yisa kuhanyisweni; kanilezi a wusiwana ga misava gi vanga kufa. [81]

¹¹Langutani, lezi mu nga cheliwa a wusiwana ga lixaka leli a li ranzako Nungungulu; kupangama ka ku yini ku nga tira xikari ka nwina; ina, ni kutihlamulela ka ku yini; ina, i zanga ya ku yini; ina, kuchava ka ku yini; ina, kunavela ka ku yini; ina, kupinyama ka ku yini; ina, kutsayisa ka ku yini! Mu kombisile hi zontlhe lezaku a mu na nanzu mhakeni leyi.

¹²Hambu lezi nzi nga mu tsalela, a nzi tsalangi hi kota ya loyi a nga maha kubiha, hambu hi kota ya loyi a nga onhelwa, kanilezi nzi lo mu tsalela lezaku mu fela ku tiva a liranzo leli mu nzi ranzako ha lona mahlweni ka Nungungulu. [82]

¹³Hikwalaho hina hi tangalisilwe. Kambe hi lo tsaka nguvu hi kota ya kutsaka ka Titusi, hakuva a moya wakwe wu humutilwe hi nwina nwentlhe. [83]

¹⁴Hakuva hambu loku nzi ti kulisile ha nwina mahlweni ka yena, a nzi wiswangi tingana; hakuva kota lezi nzi nga wula zinene ka nwina timhakeni tontlhe, hizalezo ni kutikulisa ka mina ha nwina mahlweni ka Titusi, ku lo kumeka na ku hi zinene.

¹⁵Futsi a liranzo lakwe ka nwina li anzile, loku a alakanya a kuingisa ka nwina nwentlhe, ni lezi mu nga mu amukela hi xichawo ni kururumela. [84]

¹⁶Nza tsaka hakuva nza mu tsumba zilweni zontlhe. [85]