Read tshwa Va le Galatia 5 Bible Online

Va le Galatia 5 - tshwa bible

Va le Galatia 5

¹Kristu i lo hi tlhatlhisa lezaku hiva va tlhatlhekileko. Hikwalaho yimani mu ku nde, mu nga khungwi kambe pingwini ga wukhumbi. [75]

²Langutani, mina Paule nzi ngalo ka nwina, loku mu enghena wukwera, Kristu a nga ta mu vuna nchumu. [76]

³Nza tiyisa ka vontlhe lava va enghenako wukwera, lezaku va yimelwe hi ku gonga nayo wontihe. [77]

⁴Nwina lava mu ranzako ku hlayelwa lava va lulamileko hi nayo, mu hambene na Kristu, mu wile, a ma ha hi kona tipswalweni. [78]

⁵Hakuva hina hi rinzela hi Moya hi ku kholwa, a kululama loku hi ku lavelelako. [79]

⁶Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. [80]

⁷Nwina mu wa kari mu tsutsuma khwatsi; himani a mu thindekisileko, lezaku mu nga ingisi zinene ke? [81]

⁸A kukholwa loku ka nwina a ku tangi hi ka loyi a mu vitanileko.

⁹A comelo gi tsongwani gi vilisa mapa wontihe.

¹⁰Mina nza mu tsumba Hosini lezaku mu nga ta alakanya zimbe; kanilezi loyi a mu karatako i ta rwala a kukoneka kakwe, hambu a hi mani. [82]

¹¹Kanilezi vamakabye, loku nza ha kanela wukwera, hikuyini nza ha xaniswako ke? Loku zi wa hi lezo a xikhuvekiso xa xihambano ngha xi sukile. [83]

¹²Nza ranza lezaku lava va mu vilinganyisako ngha va ti tsemela magumo. [84]

¹³Vamakabye, mu vitanelwe kutlhatlheka; kanilezi mu nga tirisi a kutlhatlheka ka nwina lezaku mu famba hi ka nyama, kanilezi tirelanani hi liranzo. [85]

¹⁴Hakuva a nayo wontihe wu hlengeletelwe mhakeni leyi ya yinwe yaku: U ta ranza a waakelane wa wena kota lezi u ti ranzako wutsumbu. [86]

¹⁵Kanilezi loku mu lumana ni ku khadamulana, tlharihani mu nga hetana ha nwece.

¹⁶Kanilezi nzi ngalo: Fambani hi ka Moya, lezo mu nga ta maha a kunavela ka nyama. [87]

¹⁷Hakuva a nyama yi navela lezi zi lwako ni kunavela ka Moya, ni wona Moya wu navela lezi zi lwako ni kunavela ka nyama; lezi zimbiri za bangana; lezaku kasi mu nga mahi a zilo lezi mu zi ranzako. [88]

¹⁸Kanilezi loku mu susumetwa hi Moya, a mu lahasi ka nayo. [89]

¹⁹Makunu a mitiro ya nyama yi la su dlunya, yi nga leyi: a kubhaya, a kungahlazeki, a wurembi, [90]

²⁰Ni ku khozela vanungungulu va hava, a wutumbe, a wulala, a timholova, a xiluse, a zanga, a kubangana, a kuhambana, a kukanetana,

²¹a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. [91]

²²Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, [92]

²³ni kuolova, hi kutikhoma; a wu kona nayo wu alako a zakunghahi.

²⁴Vona lava va nga va Kristu Jesu va belele a nyama yabye zinwe ni kumbilukela ni kunavela ka yona. [93]

²⁵Loku hi hanya hi ka Moya, a hi fambeni hi ka Moya.

²⁶Ngha hi nga dzuki hi ti lavela a wudzunzo ga hava, hi vukana, ni ku navela za munwe ni munwani.