Read tshwa Va le Galatia 6 Bible Online

Va le Galatia 6 - tshwa bible

Va le Galatia 6

¹Vamakabye, loku a munhu a kumiwa xionhweni xo kari, nwina lava mu nga va moya, lulekani a wa kunghaho hi moya wa kuolova; zonake wenawu u ti tlharihela lezaku u nga ringiwi na wena. [94]

²Rwalelanani minzhwalo; lezo mu tatisa a nayo wa Kristu. [95]

³Hakuva loku a munhu a ti alakanyela aku i nchumu, na a nga hi nchumu, wa ti kanganyisa. [96]

⁴Ngha munhu ni munhu a hlola a ntiro wakwe, hi kona a to zi kota ku ti kulisa hi lezi a nga zona, na ku nga hi ku ti fananisa ni vanwani. [97]

⁵Hakuva a munhu ni munhu i ta rwala a nzhwalo wakwe yena nwinyi. [98]

⁶Ngha loyi a gonziswako ivangeli a mu pambulela a zilo zakwe zo saseka loyi a mu gonzisako. [99]

⁷Mu nga ti khohlisi, Nungungulu a nga kalavisiwi; hakuva lezi munhu a xi byalako, xwalexo i ta xi tshovela. [100]

⁸Hakuva loyi a byalelako a nyama yakwe, hi nyama i ta tshovela kubola; kanilezi loyi a byalelako a Moya, hi Moya i ta tshovela a wutomi ga pinzukelwa. [101]

⁹Ngha hi nga karali a ku maha lezi zi nene; hakuva loku hi nga rereki hi ta tshovela hi xikhati xi faneleko. [102]

¹⁰Hikwalaho kota lezi hi nga ni xikhati, a hi tireni lezi zi nene ka vanhu vontlhe, nguvunguvu ka va le ngangweni wa kukholwa. [103]

¹¹Ma nga wonani lezaku ma kulisile kuyini a maletela lawa nzi tsalileko ka nwina hi canja ga mina wutsumbu.

¹²Vontlhe lava va navelako a kuva ni wudumo gi nene nyameni, va mu kurumeta a ku enghena wukwera; va maha lezo ntsena kasi va nga xaniswi hi kota ya xihambano xa Kristu. [104]

¹³Hakuva hambu vona lava va zitshiva a va gongi nayo; kanilezi va ranza a kuva mu enghena wukwera, kasi va fela ku ti kulisa hi kota ya nyama ya nwina.

¹⁴Kanilezi a zive kule na mina a ku ti kulisa hi nchumu, ahandle ka xihambano xa Hosi Jesu Kristu, lexi a misava yi belelweko ka mina ha xona, na mina nzi belelweko ka yona.

¹⁵Hakuva a wutshiva a hi nchumu, ni wukhuna a hi nchumu, a xa hombe hi kuva ximahwa xiswa. [105]

¹⁶A kurula ni wuxinji a kuve ka vontlhe lava va ta nga famba hi nayo lowu, ni ka vaIsraeli va Nungungulu. [106]

¹⁷Ku sukela lezi ngha ku nga hi kona munhu a nzi karatako, hakuva nzi na ni a zifungo za Jesu zi hisilweko mirini wa mina. [107]

¹⁸A tipswalo ta Hosi ya hina Jesu Kristu a tive ni mimoya ya nwina, vamakabye. Amen!