Read tshwa Va le Efesusi 5 Bible Online

Va le Efesusi 5 - tshwa bible

Va le Efesusi 5

¹Hikwalaho mahani vapimanyisi va Nungungulu, khwatsi hi vanana va ranzekako, [72]

²mu famba hi liranzo kota lezi Kristu a nga mu ranza, a ti nyikela hi kota ya hina, ava mhamba ni muphahlelo wa masema yo nuhela ka Nungungulu. [73]

³Kanilezi a wubhayi ni kungahlazeki kontlhe, ni makangwa, ngha zi nga kumbukwi xikari ka nwina, a zi faneli vobasa.

⁴Hambu ni timhaka ta tingana, ni ku wulawula wupumbu, ni mafenya, a za kunghahi a zi faneli: kanilezi kubonga a kuve kona. [74]

⁵Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. [75]

⁶Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. [76]

⁷Hikwalaho ngha nwina mu nga hlengeli zinwe navo. [77]

⁸Hakuva a kale mu wa hi munyama, kanilezi makunu mu kuwonekela Hosini; fambani khwatsi hi vanana va kuwonekela,

⁹hakuva a mihanzu ya kuwonekela hi wunene gontlhe, ni kululama, ni zinene;

¹⁰hlotani mu tiva lezi zi tsakisako Hosi. [78]

¹¹Ngha mu nga hlengeli ni mitiro ya munyama leyi yi nga hiko na mihanzu, kanilezi yi tsetsuleni; [79]

¹²hakuva tingana ku wulawula hi lezi va zi mahako kufihlaleni.

¹³Kanilezi a zilo zontlhe loku zi tsetsulwe zi dlunyatiswa hi kuwonekela, hakuva zilo zontlhe zi dlunyatiswako zi hi kuwonekela. Maheb. 4:13

¹⁴Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. [80]

¹⁵Hikwalaho ti woneleni khwatsi a kufambeni ka nwina, mu nge khwatsi a mu tlharihangi, kanilezi khwatsi hi vatlharihileko.

¹⁶Tirisani xikhati, hakuva masiku ma bihile.

¹⁷Hikwalaho mu nga mahi zipumbu, kanilezi pimani lezaku xini a kuranza ka Hosi. [81]

¹⁸Mu nga popiwi hi vinya, legi gi vangako wudakwa, kanilezi tatani hi Moya,

¹⁹mu wulawula munwe ni munwani hi tixangu ni tisimu ni zizimba za moya, mu yimbelela ni ku ketsela hi timbilu ta nwina ka Hosi; [82]

²⁰xontlhe xikhati mu bonga Nungungulu a Dadani hi kota ya zilo zontlhe a vitweni ga Hosi ya hina Jesu Kristu. [83]

²¹Ti koramiseni munwe ka munwani hi ku mu chava Kristu. [84]

²²Vavasati, ingisani a vanuna va nwina, kota lezi mu ingisako Hosi. [85]

²³Hakuva a nuna i hloko ya sati wakwe, kota lezi Kristu a nga hloko ya bandla, yena loyi a nga Muhanyisi wa miri lowu wakwe.

²⁴Kota lezi a bandla gi ingisako Kristu, a va mahe lezo ni vasati ka vanuna vabye timhakeni tontlhe.

²⁵Vavanuna, ranzani a vasati va nwina, kota lezi Kristu a nga ranza bandla, a ti nyikela hi kota ya gona,

²⁶lezaku a gi basisa, loku a gi hlazile hi ku bapatiza hi mati zinwe ni mhaka, [86]

²⁷lezaku a fela ku gi yimisa mahlweni kakwe na gi hi bandla ga kungangamela, gi nga hi na hala ni nkonyi, hambu xilo xinwani xa kunghaho; kanilezi giva legi gi basileko gi nga hiko na kusoleka.

²⁸Hizalezo a vavanuna va fanele ku ranza a vasati vabye kota lezi va ranzako a mimiri yabye. Loyi a ranzako sati wakwe wa ti ranza wutsumbu.

²⁹Hakuva cima a ku na ngava na munhu a nga venga a nyama yakwe; kanilezi wa yi wundla a yi tshotshota, kota lezi Kristu a mahako ka bandla,

³⁰hakuva hina hi ziro za miri wakwe.

³¹Hi kota ya lezo a wanuna i ta tsika a raru wakwe ni nyine wakwe, a namarela ka sati wakwe; vona vambiri va tava nyama yinwe.

³²A fihlakalo lowu ngwa hombe; kanilezi nza wulawula hi xungetano na Kristu ni bandla.

³³Ahembalokoke ngha na nwinawu munwe ni munwani a ranza sati wakwe kota lezi a ti ranzako wutsumbu; na yena wasati ngha ava ni xichawo ka nuna wakwe.