Read tshwa Va le Kolosi 4 Bible Online

Va le Kolosi 4 - tshwa bible

Va le Kolosi 4

¹Nwina lava mu nga venyi, nyikani a malanza ya nwina lezi zi faneleko ni zi ringeneko, na mu tiva lezaku na nwinawu mu na ni Hosi le tilweni. [40]

²Pangamelani kukhongeleni, mu simamisa ka kona hi kubonga. [41]

³Khongeleleni na hinawu, lezaku Nungungulu a fela ku hi vululela a nyangwa ya mhaka, kasi ha kanela a fihlakalo wa Kristu, lowu nzi nga makhotsweni hi kota ya wona; [42]

⁴kombelani lezaku nzi fela ku wu wonekelisa, kota lezi nzi yimelweko hi ku wulawula.

⁵Fambani hi kutlhariha xikari ka lava va nga lehandle, na mu tirisa xikhati xa nwina. [43]

⁶Ngha kuwulawula ka nwina ku hi ni tipswalo xontlhe xikhati, na ku lungilwe hi munyu, lezaku mu fela ku tiva lezi mu ta nga hlamulisa zona ka munwe ni munwani. [44]

⁷A mahungu ya mina wontihe mu ta hlawutelwa hi Tikikusi, a makabye a ranzekako ni nanza gi tsumbekileko, ni xitiri-kulori le Hosini.

⁸Nza mu rumela ka nwina kasi ma fela ku tiva lezaku hi tshamisa kuyini, ni ku ta tangalisa a timbilu ta nwina.

⁹Nza rumela na Onesimusi, a makabye a tsumbekileko ni ku ranzeka, loyi a nga munwe wa va ka nwina. Va ta mu tivisa hi zontlhe zi mahilweko leno. [45]

¹⁰Aristarkusi, a peresu-kulori, wa mu rungula, na Marku, a zukulu wa Barnabasi, loyi mu leletelweko ha yena (loku ata ka nwina, mu amukeleni), [46]

¹¹na Jesu loyi a vitanwako Justusi. Xikari ka lava va zitshiva hi vona voce va tirelako a mufumo wa Nungungulu zinwe na mina; madota ma nzi tangalisileko.

¹²Epafrasi, loyi a nga munwe wa va ka nwina, a nanza ga Kristu Jesu, wa mu rungula; a kukhongeleni kakwe wa mu lwela xontlhe xikhati lezaku mu fela ku yima, muva lava va mbheleleko, na mu tiva hi kutiyileko a kuranza kontlhe ka Nungungulu. [47]

¹³Hakuva nza mu mahela wukustumunyu, lezaku yena i pangamile nguvu ha nwina, ni va le Laodikea, ni va le Hierapolisi.

¹⁴Luka, a nʼanga yi ranzekako, na Demasi, va mu rungula. [48]

¹⁵Rungulani a vamakabye lava va nga le Laodikea, na Nimfasi, ni bandla legi gi tlhanganako lomu ndlwini yakwe.

¹⁶Legi papilo loku gi gonzilwe xikari ka nwina, a giye gi ya gonziwa ni lomu bandleni ga va le Laodikea; na nwinawu mu gonza a papilo gi ta ngata ka nwina hi le Laodikea. [49]

¹⁷Wulani ka Arkipusi, muku: Chela kota hi xikhundla lexi u xi amukeleko Hosini, lezaku u tira lezi zi lavekako ka xona. [50]

¹⁸Lawa hi marungula ya mina Paule hi canja ga mina wutsumbu. Alakanyani makhotso ya mina. A tipswalo a tive na nwina! [51]