Read tshwa 1 Va le Tesalonika 5 Bible Online

1 Va le Tesalonika 5 - tshwa bible

1 Va le Tesalonika 5

¹Kanilezi xungetano ni masiku ni zikhati, vamakabye, a zi laveki a kuva mu tsalelwa nchumu ha zona. [40]

²Hakuva nwina ma zi tiva khwatsi lezaku a siku ga Hosi gita kota khamba ni wusiku. [41]

³Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. [42]

⁴Kanilezi nwina, vamakabye, a mu le munyameni, ko kala lego siku gi mu juma khwatsi i khamba. [43]

⁵Nwina nwentlhe mu vana va kuwonekela, mu vana va hlikanhi; hina a hi va wusiku, hambu va munyama; [44]

⁶hikwalaho ngha hi nga etleli khwatsi hi vanwani, kanilezi a hi rinzeleni, hi kari hi ti khoma.

⁷Hakuva lava va etlelako va etlela wusiku, ni lava va popiwako va popiwa wusiku. [45]

⁸Kanilezi hina lava hi nga va hlikanhi, ngha hi nga popiwi, kanilezi hi ambala a xikatawu xa xiketse xa kukholwa ni liranzo, ni ndlhondlha leyi yi nga kutsumba ka kuhanyiswa. [46]

⁹Hakuva Nungungulu a nga hi yimiselangi a zanga, kanilezi a ku kuma kuhanyiswa hi Hosi ya hina Jesu Kristu, [47]

¹⁰loyi a nga hi fela, lezaku hambu hi hanyanya, kutani hi etlele, hi ta hanya zinwe naye,

¹¹Hikwalaho tiyisetanani, mu akana, kota lezi mu zi mahako.

¹²Vamakabye, ha mu khongotela lezaku mu va mahela xichawo lava va tirako xikari ka nwina, lava va mu angamelako Hosini, va mu lulekako; [48]

¹³mu va dzunza nguvu hi liranzo hi kota ya ntiro wabye. Tshamani hi kurula xikari ka nwina.

¹⁴Ha mu khongotela, vamakabye, hiku: Lulekani lava va vilinganya, mu tiyisa-hlana lava va timbilu ti rerekileko, mu vuna lava va nga ni gome, mu hi ni lihlaza-mbilu ka vanhu vontlhe.

¹⁵Cuwukani lezaku munhu a nga tlheliseli kubiha hi kubiha; kanilezi xontlhe xikhati mahani kusaseka munwe ka munwani ni ka vanhu vontlhe. [49]

¹⁶Tsakani xikhati xontlhe.

¹⁷Khongelani mu nga tsiki. [50]

¹⁸Bongani Nungungulu zilweni zontlhe; hakuva hi kona kuranza ka Nungungulu ka Kristu Jesu ha nwina.

¹⁹Mu nga timi a Moya. [51]

²⁰Mu nga kanyisi a kuprofeta, [52]

²¹kanilezi hlotani zontlhe, mu khomisisa lezi za zinene. [53]

²²Tsikani tixaka tontlhe ta kubiha. [54]

²³Nungungulu wa kurula wutsumbu gakwe a mu basise matlhelo wontihe, kasi a moya wa nwina ni muhefemulo ni miri za hlayiswa zontlhe, zi nga hi na kusoleka a kuwuyeni ka Hosi ya hina Jesu Kristu. [55]

²⁴I tsumbekile loyi a mu vitanako, yaloye i ta zi maha. [56]

²⁵Vamakabye, hi khongeleleni.

²⁶Losani vamakabye vontlhe hi kupswopswa ko basa.

²⁷Nza mu hlambanyisa ka Hosi lezaku a papilo legi gi gonzwa ka vamakabye vontlhe.

²⁸A tipswalo ta Hosi ya hina Jesu Kristu a tive na nwina.