Read tshwa Joxua 15 Bible Online

Joxua 15 - tshwa bible

Joxua 15

¹A xiavelo xa lixaka la vanana va ka Juda hi mingango yabye, xi le tlhelweni ga mbhingano wa Edomi, kala le xiwuleni xa Zine, magumesweni ka xiwula hi le Dzongeni.

²A mbhingano wabye wa le Dzongeni wu sukela magumeso ya Bimbi ga Munyu, hi tlhelo ga yipswha leyi yi cuwukeneko ni le Dzongeni:

³wu ya humela le Dzongeni ka ndlela leyi yi kanzihako kuya Akrabim kuya le Zina, wu ya kanziha le Dzonga ga le Kadexi-Barnea, wu hunza le Hezroni wu kanziha Adari, zonake wu renzeleka hi tlhelo ga Karka;

⁴wu ya hunza hi le Azmoni, wu ya huma ka xicongwana xa le Gipite, wu ya gumesa lomu bimbini. Lowu hi mbhingano wa nwina wa le Dzongeni.

⁵A mbhingano wa le Mutsuwuka-gambo hi Bimbi ga Munyu, kala magumeso ya Jordani. A mbhingano wa le Nwalungu wu sukela tlhelo ga le pswhani laha ku nga nomu wa Jordani:

⁶wu kanziha le Bet-Hogla, wu hunza hi le Nwalungu ka Beti-Araba, wu kanziha kala le ribyeni ga Bohani nʼwana Rubeni,

⁷ni mbhingano wu kanziha hi tlhelo ga Debiri, kusuhani ni nkova wa Akora, wu ya le Nwalungu, wu kongoma le Gilgale, laha ku cuwukeneko ni ndlela leyi yi kanzihako le Adumima, leyi yi nga le Dzongeni ga xicongwana; wu hunza hi laha kusuhani ni mati ya le Ain-Xemexe, kala le Ain-Rogeli.

⁸Zonake wu kanziha hi le nkoveni wa le Ben-Hinome, kala kureleleni ka xitsunga xa vajebusi hi le Dzongeni, laho ku nga ni Jerusalema; zonake wu kanziha le hehla ka xitsunga lexi xi cuwukeneko ni nkova wa Hinome, hi le Muhlwa-gambo, a magumeso ya libala la le Refaime, hi le Nwalungu.

⁹Kusukela hehla ka xitsunga, a mbhingano wu famba kala le hlobyeni ya Neftoa, zonake wu kongoma ka miti ya xitsunga xa Efroni, zonake wu ya chikela le Baala ku nga kona Kiriat-Jearime;

¹⁰wu suka Baala, wu renzeleka hi le Muhlwa-gambo, hi tlhelo ga xitsunga xa Seire, zonake wu hunza hi le kureleleni ka xitsunga xa Jearime leyo ku nga Kesalona, hi le Nwalungu, zonake wu relela le Bet-Xemexe, wu hunza hi le Timna.

¹¹Zonake wu huma le Nwalungu, hi le kureleleni ka Ekroni, wu kongoma le Xikeroni, wu hunza hi le xitsungeni xa Baala, zonake wu ya humela le Jabneli, wu ya gumesa le bimbini.

¹²A mbhingano wa le Muhlwa-gambo hi Bimbi ga Hombe. Leyi hi yona mimbhingano ya vanana va ka Juda, ka wontihe matlhelo hi mingango yabye.

¹³Kanilezi Kalebi nʼwana Jefuna i lo nyikwa xiavelo xakwe xikari ka vanana va ka Juda, khwatsi hi lezi Jehova a leleteleko ka Joxua, i lo mu nyika a muti wa Arba, a raru wa Anake, lowu wu nga Hebroni.

¹⁴Na Kalebi i lo hlongola lomo a vana vanharu va Anake, Xexai, na Ahimani na Talmai, a vana va Anake.

¹⁵I lo suka hi laho, a yalwa ni vanhu va Debira; a vito ga kale ga Debira ku wa hi Kiriat-Sefera.

¹⁶Kalebi aku ngalo: Loye a ta ngalwa na Kiriat-Sefera, a wu khozisa, nzi ta mu nyika a nʼwana wa mina Aksa, a mu teka a maha sati wakwe.

¹⁷Zonake Otnieli nʼwana Keneza, nakulobye wa Kalebi, i lo wu khozisa, zonake Kalebi i lo mu nyika a nʼwana wakwe Aksa, a maha sati wakwe. [51]

¹⁸Makunu na a haya ka nuna wakwe, yena i lo kucetela lezaku a kombela simu ka raru wakwe. Zonake i lo chika hi le mbongoleni yakwe, zonake Kalebi a ku ngalo ka yena: U lava yini?

¹⁹Yena aku ngalo: Nzi nyike xikatekiso hakuva wena u nzi nyikile masimu ya le Dzongeni, nzi nyike ni hlowo ya mati. Zonake i lo mu nyika tihlowo ta le hehla ni tihlowo ta lahasi.

²⁰Leyi hi tshomba ya lixaka la vanana va ka Juda hi mingango yabye.

²¹A miti leyi akilweko le Dzongeni, le magumeso ya nyangwa ya vanana va ka Juda, kusuhani ni mbhingano wa Edomi, hi leyi: Kabzeli, ni Edera, ni Jagura;

²²ni Kina, ni Dimona, ni Adada;

²³ni Kedexi, ni Hazora, ni Itnane;

²⁴ni Zifa, ni Telema, ni Bealoti;

²⁵ni Hazor-Hadata, ni Keriot-Hezroni, hi lezaku Hazori;

²⁶ni Amema, ni Xema, ni Molada;

²⁷ni Hazari-gada, ni Hexmoni, ni Betpeleti;

²⁸ni Hazar-Xuale, ni Berexeba, ni Biziotia;

²⁹ni Baala, ni Iyima, ni Ezema;

³⁰ni Eltolade, ni Kesili, ni Horma;

³¹ni Ziklagi, ni Madmana, ni Sansana;

³²ni Lebaoti, ni Xilhima, ni Aina, ni Rimoni. Yontlhe miti i 29, ni zimitana za yona.

³³Le libaleni: Extaola, ni Zora, ni Axna;

³⁴ni Zanoa; ni En-Ganima, ni Tapua, ni Enama;

³⁵ni Jarmute, ni Adulama, ni Soko, ni Azeka;

³⁶ni Xaaraime, ni Aditaime, ni Gedera, ni Gederotaime; 14 wa miti ni zimitana za yona.

³⁷Zenani, ni Hadaxa, ni Migdal-Gadi;

³⁸ni Dileana, ni Mizpa, ni Jokteeli;

³⁹Lakixa, ni Bozkate, ni Egloni;

⁴⁰ni Kaboni, ni Lamama, ni Kitlixe;

⁴¹Gederoti, ni Bet-Dagoni, ni Namaa, ni Makeda; 16 wa miti ni zimitana za yona.

⁴²Libna, ni Etera, ni Axane;

⁴³ni Jifta, ni Axna, ni Neziba;

⁴⁴ni Keila, ni Akziba, ni Marexa; 9 wa miti ni mitana za yona.

⁴⁵Ni Ekroni, ni miti ya kona zinwe ni zimitana za yona.

⁴⁶Kusukela le Ekroni kala bimbini yontlhe leyi yi nga kusuhani ni Axdodi, ni zimitana za yona;

⁴⁷Axdodi ni miti ya kona ni zimitana za yona; Gaza ni miti ya kona zinwe ni zimitana za kona, kala le xicongwaneni xa le Gipite ni le Bimbini ga hombe le mbhinganweni.

⁴⁸Ni le zitsungeni: Xamira, ni Jattira, ni Soko;

⁴⁹ni Dana, ni Kiriat-Sana, ku nga Debira;

⁵⁰ni Anaba, ni Axtemo, ni Anima;

⁵¹ni Goxeni, ni Holoni, ni Gilo: 11 wa miti ni zimitana za yona.

⁵²Araba, ni Duma, ni Exana,

⁵³ni Janima, ni Bet-Tapua, ni Afeka;

⁵⁴ni Humta, ni Kiriat-Arba (lomu ku nga Hebroni), ni Ziora: 9 wa miti ni zimitana za yona.

⁵⁵Maoni, Karmeli ni Zifa, ni Juta;

⁵⁶Jezreeli, ni Jokdeama, ni Zanoa;

⁵⁷Kaine, ni Gibea, ni Timna: 10 wa miti ni zimitana za yona.

⁵⁸Halhule, Bet-Zura, ni Gedora;

⁵⁹ni Maarati, ni Betanoti, ni Eltekoni: 6 wa miti ni zimitana za yona.

⁶⁰Kiriat-Baali, lowu wu nga Kiriat-Jearime, ni Raba: 2 wa miti ni zimitana za yona.

⁶¹Le xiwuleni: Bet-Araba, Midini, ni Sekaka;

⁶²ni Nibxane, ni Ir-hamelaki, ni Engedi: 6 wa miti ni zimitana za yona.

⁶³Kasike a vajebusi, a vanhu va le Jerusalema, a vanana va ka Juda a va zi kotangi ku va hlongola, hikwalaho a maJebusi va lo aka ni vanana va ka Juda kala inyamutlha le Jerusalema. [52]