Read tshwa Joxua 21 Bible Online

Joxua 21 - tshwa bible

Joxua 21

¹Zonake a manghanakana ya tiyindlu ta va ka Levi ma lo tshinela kusuhani ka mupristi Eliazari, na Joxua nʼwana Nuni, ni manghanakana ya tixaka ta vanana va ka Israeli,

²va lo wulawula kabye le Xilo, le tikweni ga le Kanani, vaku: Jehova i leletele hi Mosi lezaku hi nyikiwa a miti ya ku aka ka yona ni matshamu ya kona, kasi ma maha ya zifuyo za hina. [62]

³Zonake a vanana va ka Israeli va lo nyika ka vaLevi a miti leyo ni matshamu ya kona, khwatsi hi kuleletela ka Jehova. Va lo ma humesa lomu titshombeni tabye.

⁴Ku lo huma a mingango ya ka Kohati hi ku hlahluva; zonake a vana va mupristi Aroni, a vaLevi, va lo kuma hi ku hlahlubya a 13 wa miti lomu ka lixaka la ka Juda, ni lomu ka lixaka la ka Simeoni, ni lomu ka lixaka la ka Benjamini.

⁵Ni vanwani vanana va ka Kohati va lo kuma hi ku hlahlubya 10 wa miti yi nga lomu ka tiyindlu ta tixaka ta ka Efraime, ni ta ka Dani, ni lomu ka khihlanya ka lixaka la ka Manasa.

⁶A vanana va ka Gerxoni va lo kuma hi ku hlahlubya a 13 wa miti lomu ka tiyindlu ya tixaka ta ka Isakari, ni ka lixaka la ka Axeri, ni ka lixaka la ka Naftali, ni ka khihlanya ga lixaka la ka Manasa le Baxani.

⁷A vanana va ka Merari hi mingango yabye va lo kuma 12 wa miti lomu ka lixaka la ka Rubeni, ni lomu ka lixaka la ka Gadi, ni lomu ka lixaka la ka Zebuloni.

⁸Hi zalezo a vanana va ka Israeli va lo avela a vaLevi hi ku hlahluva a miti ni wuriselo ga kona, khwatsi hi lezi Jehova a leleteleko ka Mosi.

⁹Hi yona ndlela leyo va lo va nyika a miti leyi yi nga lomu ka lixaka la ka Juda, ni lomu ka lixaka la vanana va ka Simeoni, a miti leyo yi wulilweko hi mavito ya yona.

¹⁰A ka vanana va ka Aroni, va mingango ya ka Kohati, lava va nga vanana va Levi, hakuva a ku avelwa loko ku sangule ha vona. [63]

¹¹Va lo va nyika a muti wa Arba, a raru wa va ka Anake le Hebroni le xitsungeni xa ka Juda, ni wuriselo ga kona ka matlhelo wontihe;

¹²kasike a masimu ya muti ni zimitana za wona, va zi nyikile ka Kalebi a nʼwana Jefuna ma maha yakwe.

¹³Va lo nyika ka vanana va mupristi Aroni a muti wa wuponelo ga mudayi, Hebroni, ni wuriselo ga kona, ni Libna zinwe ni wuriselo ga kona,

¹⁴ni Jatiri ni wuriselo ga kona, ni Extemoa ni wuriselo ga kona,

¹⁵ni Holoni ni wuriselo ga kona, ni Debiri zinwe ni wuriselo ga kona,

¹⁶ni Aini zinwe ni wuriselo ga kona, ni Juta zinwe ni wuriselo ga kona, ni Bextixemexe zinwe ni wuriselo ga kona; 9 wa miti lomu ka tixaka timbiri;

¹⁷ni lomu ka nyangwa ya ka Benjamini, Gibeoni zinwe ni wuriselo ga kono, ni Geba zinwe ni wuriselo ga kona,

¹⁸ni Anatoti zinwe ni wuriselo ga kona, ni Almoni zinwe ni wuriselo ga kona: mune wa miti.

¹⁹Yontlhe miti ya vanana va Aroni yi wa hi 13 zinwe ni wuriselo ga kona,

²⁰A miti ya ziavelo za tiyindlu ta vanana va ka Kohati, va nga vaLevi lava va seleko va vanana va Kohati, yi wa hi lomu ka lixaka la ka Efraime.

²¹Na vona va lo va nyika Xekemi ni wuriselo ga kona, a kuva muti wa wuponelo wa mudayi, le xitsungeni xa ka Efraime, ni Gezera zinwe ni wuriselo ga kona,

²²ni Kebzaime zinwe ni wuriselo ga kona, ni Bet-Horoni ni wuriselo ga kona: mune wa miti;

²³ni lomu ka nyangwa ya ka Dani, Elteke zinwe ni wuriselo ga kona, Gibetoni zinwe ni wuriselo ga kona,

²⁴Aijaloni zinwe ni wuriselo ga kona, ni Gati-Rimoni zinwe ni wuriselo ga kona; mune wa miti;

²⁵ni lomu ka khihlanya ga lixaka la ka Manasa, Taanaki zinwe ni wuriselo ga kona, ni Gati-Rimoni zinwe ni wuriselo ga kona; miti mimbiri.

²⁶Yontlhe miti ya vanana va ka Kohati lava va seleko, yi wa hi 10 zinwe ni wuriselo ga kona.

²⁷Na vona va lo nyika ka vanana va ka Gerxoni, va nga mingango ya va ka Levi, lomu ka khihlanya ga lixaka la ka Manasa, a Golani wa Baxani, a kuva muti wa wuponelo ga mudayi, zinwe ni wuriselo ga kona, ni Bexetera zinwe ni wuriselo ga kona, miti mimbiri.

²⁸Ni lomu ka lixaka la ka Isakari, Kixioni zinwe ni wuriselo ga kona, ni Deberate zinwe ni wuriselo ga kona,

²⁹ni Jarmuta zinwe ni wuriselo ga kona, ni Enganima zinwe ni wuriselo ga kona: mune wa miti;

³⁰ni lomu ka lixaka la Axeri, Mixali zinwe ni wuriselo ga kona, ni Abdoni zinwe ni wuriselo ga kona,

³¹ni Helkata zinwe ni wuriselo ga kona, ni Rehoba zinwe ni wuriselo ga kona: mune wa miti;

³²ni lomu ka lixaka la ka Naftali, Kedexe wa Galile zinwe ni wuriselo ga kona, a kuva muti wa wuponelo ga mudayi, ni Hamati-Dora zinwe ni wuriselo ga kona, ni Kartani zinwe ni wuriselo ga kona: miti minharu.

³³Yontlhe miti ya ka Gerxoni, hi mingango yabye, yi wa hi 13 ni wuriselo ga kona.

³⁴Va lo nyika ka mingango ya vanana va ka Merari, va nga vaLevi lava va seleko, Jokneamu zinwe ni wuriselo ga kona, ni Karta zinwe ni wuriselo ga kona,

³⁵ni Dimna zinwe ni wuriselo ga kona, ni Nahalali zinwe ni wuriselo ga kona; mune wa miti; lomu ka lixaka la ka Zebuloni;

³⁶ni lomu ka lixaka la ka Rubeni, Bezera, zinwe ni wuriselo ga kona, ni Jahaza zinwe ni wuriselo ga kona,

³⁷ni Kedemoti zinwe ni wuriselo ga kona, ni Mefate zinwe ni wuriselo ga kona; mune wa miti;

³⁸ni lomu ka lixaka la ka Gadi, Ramoti wa Gileade zinwe ni wuriselo ga kona, a kuva muti wa wuponelo ga mudayi, Mahanaime zinwe ni wuriselo ga kona,

³⁹ni Hexboni zinwe ni wuriselo ga kona, ni Jazera zinwe ni wuriselo ga kona: yontlhe miti mune.

⁴⁰Leyi hi yona yontlhe miti ya vanana va ka Merari hi mingango yabye, va nga lava va seleko va mingango ya ka Levi; a xiavelo xabye i 12 wa miti.

⁴¹Yontlhe miti ya vaLevi yi nga lomu xikari ka tshomba ya vanana va ka Israeli i 48 wa miti zinwe ni wuriselo ga kona.

⁴²Hi yona miti ya kona leyi; muti munwe ni munwani wu wa hi ni wuriselo ga wona gi wu renzetekelako; zi wa nghaho ka yontlhe miti.

⁴³Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.

⁴⁴Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.

⁴⁵Ku wa nga hi kona a gezu ni ginwe gi wileko hasi ka wontihe magezu yo saseka laya Jehova a nga wa wulawula ka Yindlu ya Israeli: zontlhe zi lo maheka. [64]