Read tshwa Joxua 9 Bible Online

Joxua 9 - tshwa bible

Joxua 9

¹Na ku mahisile lezo laha a tihosi tontlhe leti ti nga seno tlhatukweni wa Jordani lomu zitsungeni, ni lomu mikoveni, ni lomu fungwini wontihe wa bimbi ga hombe, gi cuwukeneko ni Lebanoni, vaHiti, ni vaAmori, ni vaKanani, ni vaPerezi, ni vaHivi, ni vajebusi, laha na va zwile timhaka leto,

²va lo tsombana hi mbilu yinwe a kulwa na Joxua na Israeli.

³Kanilezi laha a vanhu va le Gibeoni na va zwile lezi Joxua a nga zi maha le Jeriko ni le Ai.

⁴Va lo maha mano; va lo suka va teka timbuva ni tisakwa ta kale ka timbongola tabye, ni mikwama ya kale ya vinya na yi bhoxekele, va lo yi rungetela;

⁵ni lomu mikonzweni yabye va lo ambala zilato za kale, zo hlakala; ni lomu mimirini yabye na va ambele micangala, ni kontlhe a kuga kabye ka timbuva ku wa womile, ku kurukile.

⁶Va loya ka Joxua le wugovelweni ga le Gilgale, va yaku ngalo ka yena ni ka vanhu va ka Israeli: Hina hita hi le tikweni ga le kule, hikwalaho mahani xivumelwano zinwe na hina.

⁷Kanilezi a vanhu va ka Israeli va te ngalo ka maHivi lawo: Kutani mu akile xikari ka hina, xana hi ta mahisa kuyini xivumelwano zinwe na nwina ke? [32]

⁸Na vona va te ngalo ka Joxua: Hina hi malanza ya wena. Joxua aku kabye: Hi nwina vamani, na muta hi kwihi ke?

⁹Vona va te ngalo kakwe: Malanza ya wena mata hi le tikweni ga le kule nguvu hi kota ya vito ga Jehova, Nungungulu wa wena, hakuva hina hi zwile wudumo ga yena, ni zontlhe lezi a zi mahileko le Gipite,

¹⁰ni zontlhe lezi a mahileko ka tihosi timbiri ta maAmori le tlhatuko wa Jordani, ka Sihoni a hosi ya le Hexboni, na Ogi a hosi ya le Baxani, lava va nga wa hi kona le Axtarote. [33]

¹¹Zi nga lezo a masingalakati ya hina, ni vontlhe va akileko tikweni ga hina va nga ku ngalo: Tekani timbuva ta pfhumba ga nwina mu va khinga, mu taku ngalo kabye: Hina hi malanza ya nwina, makunu mahani xivumelwano zinwe na hina.

¹²Lezi zibaba za hina hi zi tekile na za ha hisa lomu tindlwini ta hina, a siku lego hi nga suka kuta seno ka nwina; makunu zi womile, zi kurukile.

¹³Ni mikwama leyi hi chelile a vinya na yi hi yiswa, makunu yi bhoxe-kele; ni tinguwo ta hina ni zilato za hina hi lezi, zi hlakele hi kota ya kuleha ka pfhumba.

¹⁴Ni vanhu va ka Israeli va lo teka timbuva ta vona; cima a va wutisangi makungo hi le nonwini wa Jehova. [34]

¹⁵Na Joxua i lo vumelana navo, zonake i lo maha xivumelwano zinwe na vona xa ku va tsika va hanya, ni tihosana ta tlhangano ti lo hlambanya ka vona.

¹⁶Zonake hi nzhako ka masiku manharu anzhako kakuva va mahile xivumelwano zinwe na vona, va lozwa lezaku vona va akile kusuhani zinwe na vona, ni lezaku va akile xikari kabye.

¹⁷Ni vanana va ka Israeli va lo suka va famba, va lo chikela le mutini wabye hi siku ga wumbiri; ni miti yabye ku wa hi Gibeoni, na Kefira, na Beroti, na Kiriat-Jearime.

¹⁸Kanilezi a vanana va ka Israeli a va va hlaselangi, hakuva a tihosana tabye ta tlhangano ti wa hlambanyile hi vito ga Jehova Nungungulu wa ka Israeli; kanilezi wontihe tlhangano wu lo sola tihosana.

¹⁹Kanilezi tihosana ti ku ngalo ka tlhangano wontihe; Hi hlambanyile ka vona hi vito ga Jehova Nungungulu wa ka Israeli; hikwalaho a hi zi koti ku va maha nchumu.

²⁰Hi ta maha lezi ka vona: Hi ta va tsika va hanya, hi nga dzuka hi zangarelwa hi kota ya lezi hi hlambanyileko. [35]

²¹Ni tihosana ti te ngalo: A va hanye. Va ta maha vatsemi va tihunyi, ni vakhi va mati ya tlhangano wontihe, khwatsi hi lezi ti nga va byelile.

²²Joxua i lo va vitana aku ngalo kabye: Hikuyini mu ta hi khohlisa muku: Hi akile kule na nwina, kasi lezo mu akile xikari ka hina ke?

²³Makunu mu rukatelwe; cima mu nga ta tsika a kuva tikhumbi ta hina, mu tava vatsemi va tihunyi ni vakhi va mati ya yindlu ya Nungungulu wa mina.

²⁴Vona va lo hlamula Joxua, vaku ngalo: Malanza ya wena ma byelilwe ziku dlunya lezaku Jehova Nungungulu wa wena i leletele Mosi, a nanza gakwe, a ku mu nyika gontlhe legi tiko ni ku lovisa mahlweni ka nwina vontlhe vanhu va tiko legi; hikwalaho hina hi lo chava nguvu ha nwina hi kota ya wutomi ga hina, kala hi maha lezi.

²⁵Makunu hina hi le mandleni ya wena. Maha ka hina lezi zi wonekako na zi sasekile ni kululama mahlweni ka wena.

²⁶Zonake i lo maha zalezo ka vona; i lo va tlhatlhisa mandleni ka vanana va ka Israeli lezaku va nga va dayi.

²⁷Joxua i lo va yimisa lego siku a kuva va maha vatsemi va tihunyi ni vakhi va mati ya tlhangano ni ya alati ga Jehova kala legi siku, ka wutshamu lego yena a wa ta nga gi hlawula.