Read tshwa 2 Va le Tesalonika 3 Bible Online

2 Va le Tesalonika 3 - tshwa bible

2 Va le Tesalonika 3

¹Hi kugumesa, vamakabye, hi khongeleleni, lezaku a mhaka ya Hosi yi fela ku ranga mahlweni yi dumiswa, kota lezi yi nga maha xikari ka nwina;

²kasi ha pona ka vanhu va vilinganya ni va kubiha; hakuva a kukholwa a ku kona ka vanhu vontlhe.

³Kanilezi a Hosi yi tsumbekile, yi ta mu tiyisa, yi mu hlayisa ka loyi wa kubiha. [20]

⁴Ha mu tsumba Hosini, lezaku mu maha lezi hi mu layileko, ni lezaku ma ha ta zi maha.

⁵Ngha Hosi yi yisa a timbilu ta nwina liranzweni la Nungungulu, ni le kuhoniseleni ka Kristu. [21]

⁶Makunu ha mu laya, vamakabye, a vitweni ga Hosi ya hina Jesu Kristu, lezaku mu tsawukana ni vamakabye vontlhe va fambako hi vilinganya, va nga hlayisi a gonzo leyi hi nga mu gonzisa yona. [22]

⁷Nwina ma zi tiva lezi mu faneleko a ku hi ecanyisisa zona, hakuva a hi fambangi hi vilinganya xikari ka nwina.

⁸A hi gangi zakuga za munhu mahala, kanilezi hi lo dzunuka hi tira mumu ni wusiku, kasi hi nga binzisi ni munwe wa nwina. [23]

⁹Na ku nga hi lezaku hi wo vumala ntamu wa ku zi maha, kanilezi hi lo maha lezo lezaku hiva xiwonelo ka nwina, kasi ma fela ku hi pimanyisa. [24]

¹⁰Hakuva laha hi nga hi zinwe na nwina hi lo mu laya, hiku: Loku a hi kona munhu loyi a nga vumeliko ku tira, ngha a ngagi. [25]

¹¹Hakuva hi zwile lezaku vanwani va nwina va famba hi vilinganya, va nga tiri nchumu, kanilezi va fambafamba va maha vanwankoti. [26]

¹²Makunu a va kunghaho ha va laya, hi va khongotela hi Hosi Jesu Kristu, lezaku va tira hi kurula, vaga kuga kabye. [27]

¹³Kanilezi nwina vamakabye, ngha mu nga rereki ku maha lezi zi nene.

¹⁴Loku a hi kona munhu a nga ingisiko lezi hi wulako lomu ka papilo legi, tivani munhu loye, mu nga tlhangani naye, a kala aku koyo tingana.

¹⁵Hambu lezo mu nga mu hlayi kota nala, kanilezi mu lulekeni hi wumakabye. [28]

¹⁶Makunu ngha Hosi ya kurula wutsumbu ga yona yi mu nyika kurula xontlhe xikhati matlhelweni wontihe. A Hosi a yive na nwina nwentlhe.

¹⁷Lawa hi marungula ya mina Paule hi canja ga mina wutsumbu, lexi xi nga xikombiso ka mapapilo ya mina wontihe; nzi tsalisa lezo.

¹⁸A tipswalo ta Hosi ya hina Jesu Kristu a tive na nwina nwentlhe.