Read tshwa 1 Timote 2 Bible Online

1 Timote 2 - tshwa bible

1 Timote 2

¹Hikwalaho hi kusangula nzi khongotela lezaku a mikombelo ni mikhongelo ni kukombelela ni kubonga ku mahelwa vanhu vontlhe;

²zi mahelwa tihosi ni vafumeli vontlhe, lezaku hi hanya khwatsi ni ku tshameka hi xichawo xa Nungungulu ni fanelo. [14]

³Lezi zi sasekile, za amukeleka mahlweni ka Nungungulu a Muhanyisi wa hina, [15]

⁴loyi a ranzako lezaku vanhu vontlhe va hanyiswa, vava ni kutiva ka zinene. [16]

⁵Hakuva ku kona Nungungulu munwe ntsena, kambe ni mutlhanganyisi munwe xikari ka Nungungulu ni vanhu, Kristu Jesu a nga munhu a wutsumbu gakwe. [17]

⁶Yena i lo ti nyikela a kuva nzhiho wa vontlhe, ku mahiwa wukustumunyu hi lezo a xikhatini xi faneleko;

⁷legi nzi nga yimiswa a kuva mukaneli ni mupostoli wa gona (nzi wula zinene, a nzi hembi wunwa), a kuva mugonzisi wa vamatiko hi kukholwa ni zinene.

⁸Hikwalaho nzi ranza lezaku ku mahiwa mikhongelo hi vavanuna, matshanwini wontihe, na va tlakusa a mandla yo basa, va nga hi na zanga ni kukanetisana. [18]

⁹Kambe nzi ranza lezaku a vavasati va ambala a tinguwo ti faneleko hi xichawo ni kutikhoma; ngha va nga ti bombisi hi misisi yi lukilweko, ni nzalama ni wuhlalu, kutani tinguwo ta tsengo wa hombe,

¹⁰kanilezi a va hombe hi mitiro yo saseka, kota lezi zi faneleko a vavasati lava va ti wulako lezaku va chava Nungungulu.

¹¹A wasati a gonze hi kurula zinwe ni kuingisa kontlhe.

¹²A nzi vumeli a wasati a ku gonzisa, hambu a kuva ni ntamu hehla ka wanuna, kanilezi a tshame hi kurula.

¹³Hakuva a kuranga ku vangilwe Adamu, zonake ku vangiwa Eva.

¹⁴Tlhatakumbiri, a hi Adamu a nga khohliswa, kanilezi hi wasati a nga khohliswa, a hambunyeta nayo.

¹⁵Hambu zi hi lezo, yena i ta hanyiswa hi ku beleka vanana, loku a simamisa kukholweni ni liranzweni ni kubasisweni, zinwe ni kutikhoma.