Read tshwa 2 Timote 1 Bible Online

2 Timote 1 - tshwa bible

2 Timote 1

¹Paule, a mupostoli wa Kristu Jesu hi kuranza ka Nungungulu, a rumelweko a ku kanela a xitsumbiso xa wutomi legi gi nga ka Kristu Jesu, [1]

²nza rungula Timote, a nwananga a ranzekako, nziku: A tipswalo, ni wuxinji, ni kurula, lezi zi humako hi ka Nungungulu Dadani, ni ka Kristu Jesu a Hosi ya hina, a zive na wena.

³Mina nza mu bonga Nungungulu, loyi nzi mu tirelako hi livalo li basileko, kukotisa vakokwani, lezaku a mumu ni wusiku a nzi tsiki ku ku alakanya mikombelweni ya mina,

⁴ni loku nzi alakanya a mihloti ya wena, nzi navela ku ku wona, lezaku nzi fela ku tatiswa hi kutsaka;

⁵hakuva nzi alakanya a kukholwa ka wena loku ku nga xengeteliko, loku a nga hi nako kuranga a kokwani wa wena Loisi, ni nyine wa wena Eunike; nza kholwa lezaku ku kona ni ka wena kambe. [2]

⁶Hi kota ya lezo nza ku alakanyisa ku hlanganyeta a zinyikiwo xa Nungungulu, lexi u nga naxo hi kota ya kutlhatekwa mandla ya mina. [3]

⁷Hakuva Nungungulu a nga hi nyikangi a moya wa wutoya, kanilezi wa ntamu ni liranzo ni kutikhoma. [4]

⁸Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, [5]

⁹loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, [6]

¹⁰kanilezi makunu ti wonekelisilwe hi kuwoneka ka Muhanyisi wa hina Kristu Jesu, loyi a nga hetisa kufa, a wonekelisa a wutomi ni kungafi hi ivangeli, [7]

¹¹leyi nzi nga yimiswa a kuva mukaneli ni mupostoli ni mugonzisi wa yona.

¹²Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. [8]

¹³Khomisisa hi kukholwa ni liranzo leli li nga ka Kristu Jesu a timhaka leti ti nene, leti u ti zwileko ka mina, lezaku tiva xikombiso ka wena. [9]

¹⁴A xilo xi nene lexi xi vekilweko ka wena, xi hlayise hi Moya wa ku Basa lowu wu tshamako ka hina.

¹⁵Wena wa zi tiva lezaku vontlhe lava va nga le Asia va nzi fularele; a xikari ka vona hi Figelusi na Hermogenesi.

¹⁶Ngha na Hosi yiva ni wuxinji ka yindlu ya Oniseferusi; hakuva i nzi tangalisile zikhati zinyingi, i wa nga hi na tingana hi kota ya makhotso ya mina. [10]

¹⁷Kanilezi na a chikele lomu Roma, i lo nzi lavisisa nguvu a kala a nzi kuma.

¹⁸Ngha Hosi yi mu vumela lezaku a kuma wuxinji mahlweni ka Hosi a ka siku lego. Lezi a nga nzi vuna ha zona le Efesusi, wena wa zi tiva khwatsi [11]