Read tshwa Titusi 3 Bible Online

Titusi 3 - tshwa bible

Titusi 3

¹Va alakanyise lezaku va ti koramisa ka tihosi, hi ka vafumeli, va ingisa ni ku longa ku maha mitiro yontlhe yo saseka, [23]

²va nga lumbeti munhu, va nga holovi, va hi va nene, va kombisa kuolova ka vanhu vontlhe. [24]

³Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

⁴Kanilezi laha ku nga woneka a wunene ga Nungungulu a Muhanyisi wa hina, ni liranzo lakwe a ka vanhu,

⁵i lo hi hanyisa, na ku nga hi mitiro ya kululama, leyi hina wutsumbu hi yi mahileko, kanilezi hi wuxinji gakwe, ni kuhlaziwa ka kupswalwa luswa, ni ku mahiwa luswa hi Moya wa ku Basa, [25]

⁶lowu a nga wu chela hehla ka hina hi matsenya, ha Jesu Kristu a Muhanyisi wa hina; [26]

⁷kasi na hi hlayelwe kululama hi tipswalo takwe, hi fela kuva ni kutsumba a ku mahiwa zigatshomba za wutomi ga pinzukelwa.

⁸Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

⁹Kanilezi nyenya timhaka ta wupumbu, ni mabhuku ya ziloso, ni kukanetisana ni kulwa hi kota ya nayo, hakuva a zi na bhinzu, a zi vuni nchumu. [27]

¹⁰A munhu loyi a gonzisako lezi zi hambanako ni zinene, u ta tsawukana naye anzhako ka kuva na u mu lulekile kanwe kutani kumbiri; [28]

¹¹na u tiva lezaku a wa kunghaho i bihisilwe, wa onha, i ti konile ha yece. [29]

¹²Laha nzi ta nga ruma Artemasi ka wena, kutani Tikikusi, hatlisa uta ka mina le Nikopolisi; hakuva nzi xuvile a ku tshama kona wuxika. [30]

¹³Hlomisa Zenasi, a mugonzisi wa nayo, na Apolosi a pfhumbeni gabye, lezaku va nga vumali nchumu. [31]

¹⁴A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. [32]

¹⁵Vontlhe lava va nga na mina va ku rungula. Rungula lava va hi ranzako kukholweni. A tipswalo a tive na nwina nwentlhe.