Read tshwa Maheberu 1 Bible Online

Maheberu 1 - tshwa bible

Maheberu 1

¹Nungungulu i lo wulawula kale hi zikhati ni zikhati ka vakokwani hi vaprofeti hi mawulawulela ma tsalangeneko; [1]

²kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. [2]

³Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. [3]

⁴I lo maha wa hombe ku hunza tingelosi, kota lezi a kumileko a vito ga hombe ku hunza ga tona. [4]

⁵Hakuva ka yihi xikari ka tingelosi a ngaku ka yona: Wena u Nʼwana wa mina, Nyamutlha nzi ku belekile? Niku ngalo: Nzi tava Dadani wakwe, Yena i tava Nʼwananga. [5]

⁶Kambe laha a ta nga enghenisa a wa matewula laha misaveni i ngalo: A tingelosi tontlhe ta Nungungulu a ti mu khizamele. [6]

⁷Loku a wula hi tingelosi aku ngalo: I maha tingelosi takwe tiva timheho, Ni malanza yakwe mava malangavi ya nzilo. [7]

⁸Kanilezi hi Nʼwana i ngalo: Nungungulu, a xitshamu xa wena xa wuhosi xa kala kupinzuka, A nhonga ya wena ya wuhosi i nhonga ya nongameto. [8]

⁹Wena u ranzile kululama, u venga kubiha; Hikwalaho Nungungulu, a Nungungulu wa wena I ku totile hi mafura ya litsako ku hunza vanakuloni. [9]

¹⁰Niku: Hosi, hi kusanguleni u vekile a xiseketelo xa misava, A matilo i ntiro wa mandla ya wena. [10]

¹¹Ma ta hunza, kanilezi wena u ta tshama uku tsonzoma, Wontihe ma ta hlakala khwatsi i nguwo; [11]

¹²U ta ma songa kota nguwo, U ta ma hunzula kukotisa kuhendleletwa ka tinguwo; Kanilezi wena u ywaloye, Ni malembe ya wena ma nga ta mbhela.

¹³Hakuva ka yihi xikari ka tingelosi a ngaku ka yona: Tshama hi le reveni ga mina ga xinene, Kala nzi veka valala va wena a kuva xikhegetelo xa mikonzo ya wena? [12]

¹⁴Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? [13]