Read tshwa Jakobe 5 Bible Online

Jakobe 5 - tshwa bible

Jakobe 5

¹Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. [58]

²A titshomba ta nwina ti bolile, ni tinguwo ta nwina ti gilwe hi tisumba. [59]

³A nzalama ya nwina ni siliva zi kurukile; a kukuruka ka zona ku tava wukustumunyu go mu vukela, ku taga a nyama ya nwina kota nzilo. Nwina mu ti hlengeletele a titshomba masikwini yo gumesa. [60]

⁴Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. [61]

⁵Nwina mu hanyile hi malongo misaveni, mu ti tsakisa; mu nonisile a timbilu ta nwina a sikwini ga kutlhabyiwa. [62]

⁶Mu konile loyi a lulamileko, mu mu daya; a nga mu ali.

⁷Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. [63]

⁸Ngha nwinawu mu timisela, mu tiyisa timbilu ta nwina; hakuva a kuwuya ka Hosi ku tshinele. [64]

⁹Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. [65]

¹⁰Vamakabye, a kutimisela ni lihlaza-mbilu la vaprofeti lava va nga wulawula vitweni ga Hosi, a zive xiwonelo xa nwina. [66]

¹¹Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. [67]

¹²Nguvunguvu, vamakabye va mina, mu nga hlambanyi hi nchumu, hambu hi tilo, hambu ni misava, ge ni kwihi kuhlambanya; kanilezi ngha a Ina wa nwina a hi Ina, ni Ahihi wa nwina a hi Ahihi; kasi mu nga weli kulamulweni. [68]

¹³Loku a hi kona xikari ka nwina loyi a xanisekako, ngha a khongela; loku a hi kona leyi a xaleleko, ngha a yimbelela kubonga.

¹⁴Loku a hi kona xikari ka nwina loyi a babyako, ngha a vitana a masingalakati ya bandla, ma ta mu khongelela, ma mu tota hi mafura vitweni ga Hosi. [69]

¹⁵A kukhongela ka kukholwa ku ta hanyisa loyi a babyako, a Hosi yi ta mu vuxa; ni loku yena a ngha a onhile, i ta tsetselelwa. [70]

¹⁶Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. [71]

¹⁷Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. [72]

¹⁸Zonake i lo engeta a khongela, ni tilo gi lo nisa vula, a misava yi lo phandlula a mihanzu ya yona.

¹⁹Vamakabye va mina, loku munwe wa nwina a hambukile zineneni, ni munwani a mu wuyisa,

²⁰ngha a zi tiva lezaku loyi a wuyisako a muonhi ndleleni yakwe ya kuhambuka, i ta hanyisa a muhefemulo kufeni, a khubhunyeta zionho zinyingi, [73]