Read tshwa Kuvululelwa 17 Bible Online

Kuvululelwa 17 - tshwa bible

Kuvululelwa 17

¹Ku lota yinwe ya tingelosi ta ntlhanu ni timbiri leti ti nga hi ni ntlhanu wa mikhelo ni yimbiri, yi ta wulawula na mina, yiku: Ngona laha, nzi ta ku komba a kulamulwa ka xibhayi xa hombe lexi xi tshamileko lomu matini yo tala, [196]

²lexi a tihosi ta misava ti nga bhaya naxo, lexi a vaaki va misava va nga popiwa hi vinya ga kubhaya ka xona. [197]

³Yi lo nzi yisa xiwuleni hi Moya; nzi wona wasati na a khilele xihari xo pswhuka, lexi xi teleko hi mavito ya kurukatela, xi hi ni ntlhanu wa tihloko ni khume ga timhonzo. [198]

⁴A wasati i wa ambele xiwunguwungu ni to pswhuka, a bombile hi nzalama ni maribye ya tsengo wa hombe ni maperola, na a khomile a gombe ga nzalama canjeni gakwe, legi gi nga wa la su hlafala hi manyala, ni chaka ga wubhayi gakwe. [199]

⁵Le ximombyeni xakwe ku wa tsalilwe a vito ga fihlakalo, gaku: Babuloni wa hombe, a nyine wa zibhayi ni manyala ya misava. [200]

⁶Nzi lo wona wasati na a popilwe hi nkhata wa vobasa, ni nkhata wa vakustumunyu va Jesu; nzi su hlamala nguvu. [201]

⁷A ngelosi yi te ngalo ka mina: U hlamalela yini? Nzi ta ku byela a fihlakalo wa wasati, ni wa xihari lexi xi mu rweleko, lexi xi nga ni ntlhanu wa tihloko ni timbiri ni khume ga timhonzo.

⁸A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. [202]

⁹Laha ku laveka a kupima loku ku nga ni wutlhari! A ntlhanu wa tihloko ni timbiri hi ntlhanu wa zitsunga ni zimbiri lezi a tshamileko ka zona wasati. [203]

¹⁰Kambe ti hi ntlhanu wa tihosi ni timbiri: a ntlhanu wa tona ti wile, yinwe ya hi kona, ni yinwani a yi se kuta; loku yi tile yi fela ku tshama xikhatanyana ntsena.

¹¹A xihari lexi xi nga hi kona, lexi xi nga hiko kona makunu, hi yona a hosi ya wuntlhanu ni tinharu, na yi hi yinwe ya leti ta ntlhanu ni timbiri; xiya kulobyisweni.

¹²A khume ga timhonzo leti u nga ti wona hi khume ga tihosi, leti ti kalako ti nga se amukela wuhosi; kanilezi ti ta fuma zinwe ni xihari a xikhati xa hora yinwe. [204]

¹³Ti hi ni kupima kunwe, ti nyika a ntamu wa tona ni wuhosi ga tona ka xihari.

¹⁴Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. [205]

¹⁵Yi lo engeta yiku ka mina! A mati lawa u nga ma wona, laha xi tshamileko kona xibhayi, hi mifumo, ni zidlemo, ni matiko, ni tirimi. [206]

¹⁶Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. [207]

¹⁷Hakuva Nungungulu i vekile timbilwini tabye a ku maha kuranza kakwe, va vumelana ku nyika xihari a kufuma kabye, ti karala ti tatiseka a timhaka ta Nungungulu. [208]

¹⁸A wasati loyi u nga mu wona hi muti wa hombe, lowu wu fumako hehla ka tihosi ta misava.