Read tshwa Kuvululelwa 18 Bible Online

Kuvululelwa 18 - tshwa bible

Kuvululelwa 18

¹Anzhako ka lezo nzi lo wona yinwani ngelosi yi relela hi le tilweni, yi hi ni ntamu wa hombe; ni misava yi lo woningwa hi kungangamela ka yona. [209]

²Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. [210]

³Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; [211]

⁴Nzi lozwa ginwani gezu gita hi le tilweni, giku: Humani ka yena, nwina vanhu va mina, lezaku kasi mu nga hlengeli zionho zakwe, mu biwa hi zixaniso zakwe, [212]

⁵Hakuva a zionho zakwe zi chikele ni le tilweni, Nungungulu i alakanyile a zihambuko zakwe. [213]

⁶Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. [214]

⁷Mu nyikeni kuxaniseka ni hlomulo, ku ringana ni lezi a nga ti dumisa ni ku ti tsakisa hi za nyama; hakuva mbilwini yakwe i ngalo: Nzi muzinza, a nzi noni; cima nzi nga ta wona hlomulo. [215]

⁸Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. [216]

⁹A tihosi ta misava leti ti bhayileko ni ku ti tsakisa zinwe naye, ti ta mu rilela ti hlaluka, loku ti wona a musi wa kuhiswa kakwe. [217]

¹⁰Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. [218]

¹¹Ni vamahungani va misava va ta mu rila, va maha hlomulo ha yena, hakuva ku hava munhu wo xava zibya zabye; [219]

¹²a zibya za nzalama ni siliva, ni maribye ya ntsengo wa hombe, ni maperola, ni tinguwo ta wukene, ni ziwunguwungu, ni seda, ni leti to pswhuka; ni tisinya tontlhe to nuhela, ni zibya zontlhe zi mahilweko hi timhonzo ta tindlovu ni tisinya ta ntsengo wa hombe, ni za suku ni ziketse ni maribye yo basa;

¹³ni kinamono, ni mafura yo nuhela, ni mpepo, ni hlakati yo nuhela, ni vinya, ni mafura, ni mapa, ni tirigo, ni tihomu, ni tiyivu; ni mahaxi, ni tikareta, ni tikhumbi, ni mihefemulo ya vanhu. [220]

¹⁴A mihanzu leyi a muhefemulo wa wena wu nga yi navela yi sukile ka wena, ni zontlhe lezi zo nanziha hi zo saseka u lahlekelwe ha zona, u nga ha ta zi kuma kambe.

¹⁵Lava va nga xavisa lezi zilo, va fumiswa ha yena, va ta yima hi le kule hi ku chava a kuxaniseka kakwe, va rila ni ku maha hlomulo,

¹⁶vaku: Yowe, yowe, a muti lowu wa hombe, lowu wu nga ambele tinguwo ta wukene, ni ziwunguwungu ni to pswhuka, wu bombisilweko hi nzalama ni maribye ya ntsengo wa hombe ni maperola! [221]

¹⁷Hakuva a wukosi ga hombe ga kunghahi gi hangalakile hi xitshuketi. A vafambisi vontlhe va mataru, ni vontlhe va fambako matarwini, ni vamarinyero, ni vontlhe lava va bhinzuleko hi bimbi, va lo yima hi le kule, [222]

¹⁸vaba huwa hi ku wona a musi wa kuhiswa ka wona, vaku: Hi wihi muti wo fanana ni muti lowu wa hombe ke? [223]

¹⁹Va lo ti palatela tsutsungwani tihlokweni tabye, va hlaluka, va rila, va maha hlomulo, vaku: Yowe, yowe, a muti lowu wa hombe, lowu vontlhe lava va nga ni mataru lomu bimbini va nga fumiswa hi wukosi ga wona! Hakuva hi xitshuketi wu hangalakile nwa! [224]

²⁰Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. [225]

²¹A ngelosi ya ntamu yi lo tlakula a ribye go kota ribye ga hombe ga xigayo, yi gi hoxa bimbini, yiku: Hizalezo wu ta nga hoxiswa zona a muti lowu wa hombe Babuloni; cima wu nga ta ha kumiwa kambe. [226]

²²A gezu ga vabi va magubhu ni vayimbeleli, ni lava va bako maxava ni mimpunzu cima gi nga ta ha zwiwa ka wena kambe; cima ku nga ha ta kumiwa ka wena a meseri ni wa wihi ntiro; ni guwa ga xigayo gi nga ha ta zwakala ka wena kambe. [227]

²³A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. [228]

²⁴Ku kumilwe ka wona a nkhata wa vaprofeti ni wa vobasa, ni wa vontlhe lava va dayilweko misaveni. [229]