Read tsonga Eksoda 11 Bible Online

Eksoda 11 - tsonga bible

Eksoda 11

¹Kutani Yehovha a ku eka Muxe: “Ndza ha ta tisa khombo rin'we ehenhla ka Faro ni le henhla ka Egipta; hi kona a nga ta mi tshunxa, mi famba. Kutakuloko a mi tshunxa kunene, u ta mi hlongorisa.

²Byela vanhu va tiko leswaku wanuna un'wana ni un'wana, ni wansati un'wana ni un'wana a kombela eka loyi a akeke na yena swibya swa silivhere ni swa nsuku.”

³Kambe Yehovha a tsetselerise tiko eka Vaegipta; na yena Muxe a a ri munhu lonkulu ngopfu etikweni ra Egipta, emahlweni ka malandza ya Faro, ni le mahlweni ka tiko.

⁴Kutani Muxe a ku: “Yehovha u te: ‘Hi vusiku lebyikulu ndzi ta hundza exikarhi ka Egipta;

⁵mativula hinkwawo ya tiko ra Egipta ma ta fa, ku sungula hi n'wana wa Faro la tshamaka exiluvelweni xa yena, ku ta fika eka n'wana wa loyi a silaka, ni mativula hinkwawo ya swifuwo.

⁶Ku ta va ni mikosi leyikulu etikweni hinkwaro ra Egipta, leyi nga siki twiwaka leyo nghasi ni leyi nga taka yi nga ha twiwi.

⁷Kambe exikarhi ka vana va Israele, a ku nga vi na mbyana leyi nga ta tsekatsekisa ririmi ra yona evanhwini, hambi eka swifuwo, mi ta tiva hakona leswaku Yehovha u hlawurile Israele eka Vaegipta.’ ”

⁸Kutani malandza hinkwawo walawo ya wena ma ta ta eka mina, ma ta ndzi khinsamela, ma ku: “Suka wena ni tiko hinkwaro ra wena leri ku landzaka. Hi kona ndzi nga ta suka.” Kutani Muxe a suka emahlweni ka Faro a karihile ngopfu.

⁹Yehovha a engeta a ku eka Muxe: “Faro a nga ka a nga mi yingisi, leswaku masingita ya mina ma andzisiwa etikweni ra Egipta.”

¹⁰Muxe na Aroni va endlile masingita hinkwawo emahlweni ka Faro. Kambe Yehovha a nonon'hwisile mbilu ya Faro, kutani a nga tshunxanga vana va Israele, leswaku va huma etikweni ra yena.