Read tsonga Ntirho 10 Bible Online

Ntirho 10 - tsonga bible

Ntirho 10

¹“Mbilu ya mina yi phiriwile hi vutomi bya mina! Ndzi fanela ku nyika ku dzumadzuma ka mina nkarhi, Ndzi vulavula eku vavisekeni ka moya wa mina.

²Ndzi ta ku eka Xikwembu: ‘U nga si ndzi vula lowo biha, Vula lexi hi tengisanaka ha xona!

³U tsakela yini ku ndzi endla swo biha, Leswaku u tshika mitirho ya mavoko ya wena, U tivonakisa emakun'weni ya lavo biha xana?

⁴Xana mahlo ya wena i ya nyama-ke? Xana u vona kukotisa munhu xana?

⁵Xana masiku ya wena ma fana ni ya vanhu lava faka? Ni malembe ya wena ma fana ni ya vanhu xana?

⁶Loko u lava nandzu wa mina, U vutisisa xidyoho xa mina xana?

⁷Kasi wa swi tiva leswaku a ndzi na nandzu, Ni leswaku a ku na munhu la nga ndzi lamulelaka evokweni ra wena.

⁸Mavoko ya wena ma ndzi vumbile, Ma ndzi hetisisa hinkwako. Kasi u rhandza ku ndzi mita!

⁹Wa nga anakanya leswaku u ndzi vumbile kukota vumba; Kutani u ri ndzi tlhelela entshurini xana?

¹⁰Xana a ku ndzi chululanga kukotisa ntswamba? U ndzi minya kukota masi layo tiya!

¹¹Xana a ku ndzi funengetanga hi nhlonge leyi nga le mirini, Ni ku ndzi tiyisa hi marhambu ni misiha-ke?

¹²U ndzi hile vutomi ni tintswalo, Ku tsetselela ka wena ku ndzi sirhelele ku hefemula ka mina.

¹³Kambe embilwini ya wena u fihlile timhaka, Ndzi tiva leswi u swi khumbuleke eka wena.

¹⁴Loko ndzi dyohile, u ndzi siya, Wa ala ku ndzi khomela milandzu ya mina.

¹⁵Loko ndzi ri ni nandzu, i khombo ra mina! Loko ndzi nga ri na nandzu, ndzi chava ku tlakusa nhloko, Hikuva ndzi xurhile tingana, ndzi vona makhombo ya mina.

¹⁶Loko ndzi nga yimisa nhloko, u ta ndzi tsutsumela kukotisa nghala, U engetela mahlori ya wena ehenhla ka mina.

¹⁷U ndzi humesela kambe timbhoni ta wena, U lwa, u andzisela vukari bya wena, U ndzi tela hi mavandla ku ta ndzi hlasela.

¹⁸“ ‘Yo! U ndzi humesele yini ekhwirini ri manana? Ingi ndzi file kona, ndzi nga voniwi hi tihlo ra munhu;

¹⁹A ndzi ta kota lava nga riki kona; Ingi ndzi nghenisiwe esirheni ndza ha huma ekhwirini.

²⁰Masiku ya mina i mangani-ke? Loko swi ri tano, ndzi tshike, Ndzi tlhela ndzi tlakusa mombo switsanana,

²¹Ndzi nga si famba laha ndzi nga tiki tlhela ndzi vuya kona, Etikweni ra munyama ni le ndzhutini wa rifu,

²²Ri nga tiko ra ntima kukota vusiku lebyikulu, Tiko ra ndzhuti wa rifu ni wa mpfilumpfilu, Laha ku vonakala ku fanaka ni munyama.’ ”