Read tsonga Ntirho 27 Bible Online

Ntirho 27 - tsonga bible

Ntirho 27

¹Yobo a tlhela a vulavula hi marito ya vutlhari bya yena, a ku:

²“I Xikwembu lexi hanyaka, lexi ndzi tekeleke ku lulama ka mina! Ni Lowa matimba hinkwawo la vavisaka moya wa mina!

³Loko ndza ha hefemula, Ni loko ku hefemula ka Xikwembu ka ha nghena etinhompfini ta mina,

⁴Milomu ya mina yi nga ka yi nga vuli vunwa, Ni ririmi ra mina ri nga ka ri nga dyeleri.

⁵A ku ve kule na mina ku mi vula lava lulameke! Ndzi ta tiya ndzi tivula la pfumalaka nandzu ndzi kondza ndzi fa;

⁶Ndzi tikhomelela hi ku lulama ka mina, ndzi nga ka ndzi nga ku tshiki, Mbilu ya mina a yi avanyisi ni siku ni rin'we ra ku hanya ka mina.

⁷“Loyi a nga nala wa mina a a ve kukota mbabva, Ni loyi a lwaka na mina a a kotise lowo homboloka!

⁸Hikuva ntshembo wa mbabva hi wihi, Loko Xikwembu xi n'wi tsema, Ni loko xi n'wi tekela vutomi bya yena?

⁹Xana Xikwembu xi ta twa ku huwelela ka yena, Siku a dyiwaka hi mapfalo xana?

¹⁰Kumbe xana u lave ku titsakela hi Lowa matimba hinkwawo-ke? Xana a nga khongela Xikwembu hi masiku hinkwawo xana?

¹¹Ndzi ta mi dyondzisa maendlelo ya Xikwembu; Ndzi nga ka ndzi nga fihli makungu ya Lowa matimba hinkwawo.

¹²Vonani, hinkwenu mi tsundzuka swinene, ma twanana; Loko swi ri tano, mi humesa ha yini marito ya hava?

¹³“Xona hi ku akeriwa ka mbabva loku humaka eka Xikwembu, Ni ndzhaka leyi va ku homboloka va yi tekaka eka Lowa matimba hinkwawo.

¹⁴Loko vana va yena va tele, swi ta va swakudya swa matlhari, Vatukulu va yena va nga ka va nga xurhi vuswa.

¹⁵Lava seleke va yena va ta yimberiwa hi ntungu, Vasati va tinoni va yena va nga ka va nga rili.

¹⁶Hambi a nga hlengeleta mali, yi fana ni ntshuri. Ni tinguvu to saseka, ti fana ni ndzhope,

¹⁷Hi yena la hlengeletaka, kambe hi lowo lulama la nga ta tifunengeta ha swona, Mali ya yena, lava nga riki na nandzu va ta avelana yona.

¹⁸U akile yindlu kukota leyi akiweke hi nsumba, Kukota xitsumba xa la rindzaka nsimu;

¹⁹U tietlelela a fuwile, kutani a fa a nga lahliwi; Loko a hanyanya, hinkwaswo swi fambile.

²⁰Mapfalo ma ta eka yena kukota ndhambi ya mati; Nivusiku u susiwa hi xidzedze.

²¹Moya wa le vuxeni wa n'wi susa, a famba; Wa n'wi vutla hi matimba endhawini ya yena.

²²Hikuva Xikwembu xi n'wi copa hi miseve xi nga n'wi tsetseleli, A rhandza ku phonyomuka evokweni ra xona.

²³Vanhu va ba mandla ha yena, Va n'wi yimbelela miloti loko a suka evutshan'weni bya yena.