Read tsonga Ntirho 35 Bible Online

Ntirho 35 - tsonga bible

Ntirho 35

¹Elihu a engeta a vulavula, a ku:

²“Xana u ri i mhaka yo lulama loko u te: ‘Ndzi tlula Xikwembu hi ku lulama?’

³Hikuva u vutisa, u ku: ‘Ndzi fuwa yini? Ndzi ta kuma yini loko ndzi nga dyohi?’

⁴Mina ndzi ta ku hlamula, Ni vanakuloni lava u nga na vona.

⁵Languta matilo, u ma vonisisa! Languta mapapa hikuva ma tlakukile ngopfu ehenhla ka wena!

⁶Loko u dyoha, u n'wi onhela yini? Ni loko u andzisa ku homboloka ka wena, u n'wi endle yini?

⁷Loko u lulamile, u n'wi nyika yini? U amukela yini evokweni ra wena-ke?

⁸Ku biha ka wena ku nga onha munhu wo kotisa wena, Ku lulama ka wena ku nga pfuna n'wana wa munhu ntsena.

⁹“Va huwelela hikwalaho ka vunyingi bya lava xanisaka, Va rila ehansi ka ku nonon'hwa ka vamatimba.

¹⁰Kambe a va vutisi, va ku: ‘Xikwembu, muvumbi wa mina u kwihi-ke? Xona lexi nyikaka munhu nivusiku tinsimu ta ku tsaka,

¹¹Xi hi nyikile ku twisisa loku tlulaka ka swiharhi, Ni vutlhari lebyi tlulaka bya tinyanyana ta le tilweni.’

¹²Va huwelela, kambe a xi hlamuli, Hikwalaho ka ku tikukumuxa ka lavo biha.

¹³Xikwembu xi nga ka xi nga twi mikhongelo ya swahava, Lowa matimba hinkwawo a nga ka a nga swi languti.

¹⁴Hambiloko u vula leswaku a ku xi voni, Mhaka ya wena yi le mahlweni ka xona; u xi langutela!

¹⁵Kambe, hikuva vukari bya xona a byi si ba, A hi leswaku a nga anakanyi ngopfu vuhunguki.

¹⁶Hikwalaho Yobo a ahlamisa nomu ntsena, A andzisa marito lama nga twakariki.”