Read tsonga Ntirho 8 Bible Online

Ntirho 8 - tsonga bible

Ntirho 8

¹Kutani Bilidada wa Xuwaka a vulavula, a ku:

²“Timhaka letonghasi, u ta tivulavula ku yisa kwihi? Ni marito ya nomu wa wena ma ta fana ni moya lowu hungelaka ku fika kwihi?

³Xana Xikwembu xi nga voyamisa leswo lulama-ke? Lowa matimba a nga voyamisa ku lulama xana?

⁴Loko kumbe vana va wena va n'wi dyohele, U va nyiketile hi ku dyoha ka vona.

⁵Kambe wena loko u lava Xikwembu, Loko u tikhongelela tintswalo eka Lowa matimba hinkwawo,

⁶Loko u basile, u lulamile kunene u ta ku hlayisa, U ta katekisa yindlu ya wena leyi lulameke.

⁷Masungulo ya wena a ma ri lamatsongo, Kambe swa makumu swi ta tlurisisa ngopfu hi ku twakala.

⁸Vutisisa tinyimba ta khale, U tsundzuka leswi vatatana wa vona va swi kumeke.

⁹Hikuva hina hi va tolo, a hi tivi nchumu, Masiku ya hina la misaveni i mindzhuti ntsena.

¹⁰Vona, va nga ku dyondzisa, va vulavula na wena, Va humesa exifuveni xa vona timhaka leti!

¹¹“Xana mavungu ma nga mila laha ndzhope ku nga hava, Kumbe tinhlanga ti nga tala laha mati ku nga hava xana?

¹²Ra ha ri khava, hambi ri nga tsemiwi, Ri ta vuna, byanyi byin'wana bya ha tsakama.

¹³Tindlela ta lava rivalaka Xikwembu ti tano, Ni ku langutela ka musandzi ka hela.

¹⁴Ku tshemba ka yena ku phonyokile, Ku tshemba ka yena i xisaka xa pume.

¹⁵U tiseketele hi yindlu ya yena, kambe a yi yimi, U tikhomelela ha yona, kambe a yi tiyi.

¹⁶I murhi lowu taleke hi matimba loko dyambu ri hisa, Marhavi ya wona ma nava ensin'wini ya wona,

¹⁷Timitsu ta wona ti phaphama emaribyeni, Ti nghena ni le xikarhi ka maribye ya yindlu.

¹⁸Kambe loko va wu susa endhawini ya wona, Wu ta landzula, wu ku: ‘A ndzi ku vonanga ni siku ni rin'we.’

¹⁹Hi kona ku tsaka loku a ku kumaka endleleni ya wona; Kambe yin'wana yi ta mila endzhaku ka wona.

²⁰“Vona, Xikwembu a xi soli la pfumalaka nandzu, Kambe xi nga ka xi nga sirheleli swidyohi.

²¹Wa ha ta tata nomu wa wena hi mahleko, Ni milomu ya wena hi ku tsaka.

²²Lava ku vengeke va ta tela hi tingana; Kutani ntsonga wa lavo biha a wu nga ha vi kona.”