Read tsonga Tipisalema 11 Bible Online

Tipisalema 11 - tsonga bible

Tipisalema 11

¹Ndzi tshembile Yehovha; Xana mi nga vurisa ku yini eka moya wa mina: “Tsutsumela etintshaveni ta n'wina tani hi nyanyana”?

²Hikuva lavo homboloka va khotsa mavurha ya vona, Va rhiyeketa miseve ya vona erisingeni, Ku copa emunyameni vanhu va timbilu leti lulameke.

³Loko masungulo ma mbundzukile, La lulameke a nga endlisa ku yini?

⁴Yehovha u le tempeleni ya yena leyo kwetsima, Yehovha u ni xiluvelo xa yena ematilweni; Mahlo ya yena ma languta, Tinkohe ta yena ti ringa vana va vanhu.

⁵Yehovha u kamba la lulameke; Moya wa yena wu venga lowo homboloka ni la rhandzaka ku pfukela matimba.

⁶U ta nisela lavo homboloka mitlhamu, ni ndzilo ni xivavula; Mheho leyi hisaka, i xinwelo lexi va xi averiweke.

⁷Hikuva Yehovha u lulamile, u rhandza mitirho ya ku lulama; Vanhu lava lulameke va ta hlalela nghohe ya yena.